ادخل وقول الزجل وافتكر قعدات زماااان

ايه رأيكم نعمل موضوع خفيف الظل يشترك فيه اللي يقدر
الموضوع عباره عن ذكريات زجليه يعني بعض البيوت الشعريه او الموال
اللي كنا بنسمعه ومتعلقين بيه لشيئ ما ونعيد معه الذاكرة بحريه
يعني كل واحد يدخل يقول مقطوعه شعريه او موال بس بشرط انه يرد علي الموال او المقطع السابق ليه
يعني مبارزه بعيده عن الرباعيات بالمرة ليك فيها مطلق الحريه تقول اللي تقوله ومش
مقيد انه يكون ناتج قلمك الشخصي ولاحاجه ولو كان من نتاج العضو يكون افضل نوعاً ما
نبدء مع بعض

امانه خفي البكا يا عين بلتيني مع الناس دول

انا دمع عيني سال وانا بحادي في الناس دول

اجي انوي علي العمار ياجي التعب من الناس دول

امانه يادنيا ليه سايبه الاصيل وعاطيه الجبان عدلك

كان هو ابدي بيكي يتم صفاه ويشوف عدلك

عطياله قفا ليه امال فين عدلك

اتاريكي وطيه مينفع الا الغشيم عدلك

عامليني جبان وانا علي البلا قادر

اسألك يا الله ياللي علي العباد قادر

فيه مولي قادر يخلصني من الناس دول

فكره جميلة جدا يا عبقرينووو

بس دا تعجيز لزهره

مش هاعرف اقول

بس ممكن اجيب زجليات جميله جدا

وهاشارك برضه

ياللي شدي حيلك انتي بس وهي هتمشي معاكي
متخافيش واحنا هنسندك
وعلشان موضوع السند دا خدي عندك

انا عاوز اتوب ياعين ولكن النفس خلفيتنا

عزولي جبار مفيش نهار خالي فتنه

سلط عليا ضياء العين حتي العين خالفيتنا

بكي الاصيل وقال ايه

والله العظيم واجب علي الدنيا قبل ماتزل السبع تبعتله

دا كان ولد زين ليه قيمه وكل الناس بتبعتله

شوف لما الواطي شبع يوم قام علي الاصيل ويبعتله

انا فنان فاهم الالف والام

وقعدة الحبايب تعلم الادب والوم واللام

انا اصحا وانام علي قلة خلوفتنا

اهى دى تمشى معاك يا عبقرينوو شويه

على قد ما عرفت اجيب

أجيب منين ناس يسمعونى
لما أجول الكلام وأشعر
الأشعار
أنا عامل زى التور فالساجيه
بيلف و بيدور ليل ونهار
ولا
مايه طالعه ولا حتى طين
... عاص الجواديس فى الجرار
يجى منين الطين
و الساجيه ناشفه و مهجوره
من زمان
جواديسها مكسوره
ودايب فيها
ربط الحبال
والتور عيلف ويدور ع الفاضى
مش ع المليان
فاكر نفسه
روى الغيط
وكل !للى حواليه من غيطان
لما شالوا الغمامه من على عنيه
وشاف الشجوج ماليه أرض الغطان
برك وجعد يرفص برجليه
ويخبط راسه على
الفاضى والمليان
هو ده حالى أكتب لمين كلام وأشعار
كل واحد فى حاله
عيدور على رغيف عيش
خايف من الجوع
يبات طول الليل بطنه وجعاه
وتعبان
حتى لو لجاه ولا هيسد جوعه ولا جوع بطن العيال
كل حاجه غاليه
عاليه
ماسكه حبل عتلعب النطه على الفاضى والمليان
تدخل السوج رايج و
عاجل
تخرج منه مدبوب والعجل من راسك طار
الاسعار مولعه نار والعيشه
ف!نهيار
زهجنا وطجينا والعيشه بجت مرار
أجول لمين كلام واشعر لمين
أشعار
الدنيا !تشجلب حالها مش عارف !يه
!للى جرالها جلت البركه من
الافعال
مبجاش فى شفجه ولا رحمه
زى ما كانوا أبهاتنا يحكولنا عن
أيام زمان
طبج طبيخ واحد يكفى أهل البيت
وجيران الجيران
والكل
يتعشى ويبات سعيد
ومتهنى وفرحان
ممكن يسمع أغانى
وبعديها يجلب
على نشرة الأخبار
يسمع أم كلثوم ويجول معاها الآه
مش علشان جلبه
تعبان
علشان جلبه مليان حب لكل الناس
ويا سلام لوكان عيحب بنت
الجيران
ولا يديها ميعاد من ورا أبوها
ولا يشاغلها من ورا الشبابيك
ولا البيبان
يروح يتكلم عليها ويخطبها
فى النور جدام كل الاهل
والجيران
كانوا يعرفوا معنى العيب ولا يتخطوه مهما كان
دى كانت
عادات وتجاليد أبهاتنا وجدودنا و أهالينا زمان
وكان فيه رجاله يرفضوا
الذل والعار
نضفوا بلدنا بأديهم من الاستعمار
وأديك شايف النهارده
العدو محدش جادر عليه
وعيبرطع زى الحمار
ولا ليه مربط ولا مخول ياكل
منه
زى باجى المعيز و الخرفان
شاطح وناطح وعيرفص
برجليه
الاربعه فى كل مكان
ولا هامه ده غيط فلان ولا علان
الخيبه الكبيره
لاجى !للى عيجوله
برطع كمان وكمان
الموازين !ختلت وغابت الزمم

والكل بعد ما كان عيشوف بجى من العميان
لابس نداره سوده مدارى بيها
الخيبه
شايف العيبه وساكت أصله خزلان
أجول لمين كلام وأشعر لمين

اهي مشيت معاكي يا ام شروق وبقت زي الفل
كملي

لا كمل انت يا بطل
انا عملت اقصى ما عندى
وجبت لك القطعة دى من واق الواق

ههههههههههههه طيب انا هكملك

الراجل العال بخته مال معدلشي

هلك ماله علي ناس اندال معدش معدلشي

حكم عليه الزمان حتي الندل معدلشي

بكي الاصيل وقال ايه
عوضك علي الله ياعاقل في دي الايام
ولافيش جمايل عادت تنفع مع المخاليق

اخوك يسيبك تصير باكي من الايام

اعمل حساب للدنيا لتضحك عليك المخاليق

اسمع كلامي انا اللي مألفه وحكم

هتسمع ايام محتاج الطبيب وحكم

رموني في سجن ظالم منعول الشبيه وحكم

سجانه ضمي علي ولاد الملوك واهو حكم

والندل لما حكم بالحكم ياناس معدلشي

بس هو سؤال بسيط

انت بتجيب الكلام ده منين

بمناسبة الكلام ده فيه موقف طريف هابقى اقول لك عليه

بس كتر من هذه العينة

موضوع جميل جدا يا ابوحسام وان شاء

الله يكون لنا نصيب ونشارك فيه ببعض

الابيات .شكرا ابوحسام على الموضوع

الجميل والقيم

ياستي انا من الدقه القديمه ومن هواه السيرة الهلاليه وحافظها عن ظهر قلب
زي ما بيقولوا هههههههه هغرقكم موواويل

ياسعيد باشا انت تنور اي مكان تشرف فيه والله
ومنتظرينك بس خد لبالك مش شعر ياريس لا ارجع لبدايه الموضوع من الاول
احنا بنقول زجل وموواويل قديمة

عاوز تماشي الولد اسأل علي خاله

هات له اب نضيف ينتسب مع خاله

مهما عمل الولد يقولوا الفعل من خاله

يا نعم الادب وباين في البلد خاله

الواطي واطي بعيد عن السامعين

لو طلعت في اللبلد خيله

ابن الوطيه يعيش هفيه وجابوا الحق علي خاله

ياسيدى عارفين انه مش شعر ربنا يسهل بس

علشان انا ماليش فى النكد ده سايبينه لكم

علشان ماتقولوش انى بحب النكد الحمد لله

انتوا اللى بتجروا وراه

فين النكد ياعمنا انا مش شايف نكد ولاحاجه
احنا بنقول موضوع دمه خفيف ياسعيد انت مش مركز
شكلك لسه متعشيتش ولا ايه ؟ ههههههه

لا بس اخوك النت عنده ضعيف وزى الزفت

ومش عارف اتواصل معاكم بس عارفكم

مفيش عدكم موضوعات دمها خفيف لازم

تختم بغم كالعاده والنت كمان مكمل

موسوعة الغم معاى يا ابوحسام والله

لكن العشا اتعشينا من زمان

اللهم اصلح نته

واوصل له سلكه

وشتت يارب من قطع عنه الشبكه

واكثر اللهم في تشاته واميلاته

واكثر اللهم في مشاركاته

وزجله وشعره وكل اللي عنده هاته

استجب يارب لحماده ودعواته

علشان سعيد والنعمه اصغر اخواته

انا عيان ياطبيب وفيا الم ولاحد جاني وقال عوافيه

لحد قال عوافي ولا حتي شافي يعني هههه

قعدت مدة ايام ولاحد جاني ولا بان

ولاشاف عافيتي عوافيك

سبع السبوعه نام كلب البلد عوا فيه

بكي الاصيل وقال ايه

امانه يادنيا ليه علي ولاد الاصول بتميلي

مشيا مع الجبان علشان ايه وتحبيه وتميلي

ساعة ما تمشي مع الاصيل عتحاسبيه علي الميلي

اسمع كلامي انا اللي مألفه علي اليوم

واجب علي الاصيل يعمل حساب السنين واليوم

هلبت ياجي يوم تعاود للاصيل عوافيه

حماده

سيب الواطى شويه
وقول فى العالى والاصيل
متشمتش فينا سعيد

\

طيب خدي دي علشان سعيد يشمت بالمرة هههههه

حكمت يازمان واتبهدل الحلوين

وتوقع الاصيله مع الواطي

عايب ابوها ياعين اللي ناسب الواطي

جاله مزوق وميحسبهوش واطي

خايفه تسيبه البنيه لاقيه الزمان واطي

عاوزة تعليه لقيه الاساس واطي

كلام جد وسط المجال ناصحين

انا كنت انصح الناس يازمن

انا اليوم محتاج ناصحيين

والبخت مال مع الناصحيين واتعدل مع الواطي

يعنى الكلام اللى فهمته ان الدنيا ماشيه بالمقلوب

بس غير النغمة جدد بقى هات لنا حاجه فيها تفاؤل

غزاله بدلال نازله السوق لفارسها

بتهم عالسوق وتمده لفارسها

تقطف من الورد والياسمين لفارسها

قلتله امتى السفر قالى نهار الاثنين

والقلب يعشق واحد لايحب اتنين

هو غزال زين وكل الناس فارسها

يا ابو حسام

ما تخليش الناس تكره الزجل والموال

يا عمى فى حاجات برضه جميله

عموما انا معاك على الخط يا باشا

الدنيا(محمد سليمان عبدالهادى)

ياشجرة يا منورة

بغصونك الخضرا

ياعاليه يامزهره

يادليل على القدرة

محلاكي وانتي بتلمعي

بخضارك الفتان

بالنسمة تتمخطري

وتسعدي الانسان

بالحب تملي حياته

ما يعرف الأحزان

بتدي من غير حساب

م التين وم الرمان

يامحلا لون الخضار

يزين الأغصان

وورقك يضلل علينا

والزهر والألوان

بتمنى تفضل حياتنا

ربيع بطول الزمان

تروح وتيجي الليالي

والاقيكي حالك يبكي

غصونك وجدرك عرايا

منقووووول

جزمة ولا صاروخ

(محمد سليمان عبدالهادى)

يا ابوبدلة يامنفوخ ع الفاضي

وعاملي ع العالم قاضي

وبتحكم بشريعة الغاب

وتهد على الناس الأبواب

في كل مكان في المعمورة

نافخ لي بالونه وكورة

وتفرقع بمب وصواريخ

طايشة تعمل طاخ طيخ

وبتزعم نشر الحرية

وف سمك تعبان أو حية

مر تزقة .. في وسط أسود

وفاكر لي نظامك هيسود

صواريخك لعبة أطفال

طيرانك مايهز مجال

ورجالك بمبة تخوفهم

وحجارة أطفال ترجفهم

فاشلين مطرح ما يروحوا

وتاريخهم ما يداوي جروحو

وبتنفخ فيهم ع الفاضي

والعالم عنك مش راضي

مش داري إنك مغرور

والدايرة على غرورك هتدور

مش عارف إن الغلبان

مش خايف سجن وسجان

والجزمة خلالها تاريخ

فوق راسك زي الصواريخ

مقاسها ضعف العشرين

واندفعت فيها ملايين

عارفة طريقها على فين

بيوجهها حقد دفين

بتلاعبك أقوى استغماية

وتوطي خايف بعناية

الأولى أهي رايحة لوشك

بتقول لك روح كن ف عشك

منقوووووووووول

عاوزين اجتهاد شويه ههههههه
هاتوا الموواويل بتاعت زمان مش اشعار ياسعيد

هو حبيبى وفارطلى ع الجنينه شاش

بده يحوش الهوى ياك الهوى ينحاش

الرمل لم ينفتل والشوك لم ينداس

والردى فيه طبع لما يشوف الضيوف ينداس

واللى عمل قنطره يحمل لدوس الناس

صلح امورك يا مصلح امور الناس

وانظر لعيبك ما تنظرشى لعيب الناس

وربى ابنك ولا تربيش ابن الناس

احكم فى ملكك ما تحكمشى فى ملم الناس

ابنى فى ملكك ما تبنيشى فى ملك الناس

وحق من حرم الخمرا وشرب الكاس

لاخد حبيبى ولا اسمع كلام الناس

ماشاء الله عليكم

هو ده حماده لما يتجلي....وغير كده ميبقاش حماده

طيب
..........................

امانه يافقر مع الغلبان .................خد بالك

لا ف يوم ناسيني يافقر....ولا يوم غايب عن بالك

قام الفقر ع البين....................ضربه بكفين

ماباقي عندي غير ضرسين..........يافقر خد بالك

يا قهوجي باش... هات ع الماش........... بصالي

عيني علي غزال زين من الشباك............ بصالي

طلبت منها الوصال قالت ...عيب اختشي دا عرض

اهلي علي الارض.................زي النمل بصالي

..........................

بصالي= بصايه لي اي قطعه من الجمر المشتعل
الماش= الاداه التي يلتقط بها الجمر

الزجال "علي النابي" في وصف محبوبته عندما رآها تشرب الماء من "القلة":

خايف أقوله يقول لا
والقلب مرعوب وخايف
ابقي قوليله يا قلة
حين توردي ع الشفايف

لا أنا من الهم مهموم
لا للشرور عدت بايع
أضحك إذا كنت مهموم
والقلب كله وجايع

***

لا يوم من الهم فقنا
دي هموم توسق مراكب
راح السبع يطلب عدلنا
لقى الكلب على التخت راكب

كلامك زين وعاجبني
وع اللي اتبلى ماتلوماشي
دا شيّ مكتوب عاجبني
واللي يعمله المولى ماشي

اوعه تماشى الرادى مدام شوفت افعاله

تعمل معاه زين برده يعود لافعاله

واذا غابك الردى يبقا دليل افعاله

يا قلب سيبه مدام شوفتة ردى الخال

ب ايدى سقاته العسل

بى ايديو سقانى الخل

والى بلا خال انظر وشوف افعاله

كتير من الناس سابونى وانا ساكت

وقولونى قول من غير قول وانا ساكت

اذا كان جرى منى عيب ادينى وسط الرجال موجود

والرب موجود يخلص حقى وانا ساكت

كداب يالى تقول الاخ يتعوض

دا اخوك دراعك اليمين

مش منظور يتعوض

شوف دنيا الشوام ميلك ذاد جافاتنى

اتاخرتو فى السير والقراب جافاتنى

مفيش ولا يوم ناكل فى الطعام وتلاذ

والحاله ليه ناس ترغب حيهم وتلاذ

بطلت انا العز وانت اليوم جافاتنى

طبيب الجراح وصل احداى ولمانى

كان واجب عليه ولمانى

تراه نصاب ولومانى

اذا كانت بدك تعيش سالم من الناس

اذكر الله وسيبك من كلام الناس

سالمه الله لا كانى ومانى

ياقلبي سيبك اذا كان الاهل بايعينك

دول فرطوا فيك بأرخص سعر بايعينك

قوم احمد الله ورب العرش بيعينك

ضحي بحياتك حتي ان كان محتاجك

اذا كان معاك عيال وانا واولادي محتاجك

ايوه علي اقل حاجه بتلاقي الكل بايعينك

امانه ياطبيب شوف جرح العليل ماله

عليل ومسكين ورايح في الهوي ماله

حبايبه كتار لما شافو العيا مالو

انا قلت ياعين من مشي الردي خلي

مشي الردي شين مهو طبعوا معاي خلي

لما كان معاي مال كان يمشي معاي خلي

يستاهل اللي يضيع علي الردي مالو

ابن الهفيه بيشتم للاصيل في سماه

الراجل الهلس عامل في البلد فتناه " فتنه "

الحق باين لكن عند الردي فتناه

الراجل الجد ليه وسط الرجال كلمه

الراجل الهلس واد وسط الرجال فتناه

اترك سبيله لو كان فرشته سكناه

ايوه السبع لو مات هتبقي ذكرته في سماه

زمان الصبا راح جانا زمان مادريت

والجسم مني بولي من تقل الهموم مادريت

الشعر الاسود صبح ابيض وانا مادريت

شوفوا الزمان اللي كتر فيه الكلام والرط

ابن الهفيه بقي وسط الرجال والراط

انا جيت بين البحر الكبير واتورط

لقيت نفسي ما فرقت خدمت العويل ومادريت

يخسارة الحر لما تبهدلوا الايام
فضلت حيران بتقلب مع الايام

وصرفت مالي ومعملتش حساب الايام

اديني ماشي وخصمي في الطريق وعي لي

من كتر الافكار ربالي الهموم وعلي " عله "

مثل سمعناه بيدوي في البلاد وعلي

الندل مهما علي واطي مع الايام

كتير من الناس تهموني وانا ساكت

دول قولوني قول مقلتوشي وانا ساكت

الرب موجود ياخد حقي وانا ساكت

ياما واكلوني بلح قبلي رطب ساكت

اسألك يارب ياللي ع العباد موجود

من صغر سني بغني الكلام ع العود

والرب موجود ياخد حقي وانا ساكت

مسكين من يطبخ الفـاس

ويريد مـرق من حـديده

مسكين من يعاشر النـاس

ويـريـد من لا يـريـده

إوعى تقول للنـدل يا عـم

وان كان على السرج راكب

ولا حد خالى من الهم

حتى قلوع المـراكب

الليـل مـا هـو قصير

إلا على اللى يـنامـه

والشخـص مادام فقير

ما حد يسمـع كلامه

الندل ميت وهو حي

ما حد حاسب حسابه

وهو كالترمس الني

حضوره يشبه غيابه

ياللي انت ع البر ايه اللي رجعك تاني

وجر رجلك وجابك عندنا تاني

مقلنا تبنا وايه اللي حصل تاني

ومرضت انا وشفيت ولا واحد اتي طب لي

ان حياني زماني لحضرب في البلاد طبلي

وادق طبلي وارجع واكيد الخصم من تاني

بتعتب علي مين ياللي صاحبك باعك

اعتب علي كف قيمتك وطول باعك

خد لك رفيق زين ينقل من اتباعك

تلاقيه يفهم رموزك لو اشرت بصباعك

عديت على بيت الحبايب --- وصوتي بعزمه ناداها

م المطرة نـــزلت حبايب --- طلعــــوا بقـــايا نداها

* * *

طلعت بطرحـــــة لموني --- ولابســـه أحلــى خلايق

شفوني العوازل لاموني --- وزاد عتــــاب الخــلايق

* * *

أنا رحت أقــابل أبوها --- ومنه راح اخذ جــوابي

قام ردوا يـدي وأبوها --- وبعد الأحبة جوى- بي

* * *

فــراق الأحبـــة يا ناسي --- يقطـــع قلبـــــي شـــرايح

يا اللي أنت لهوايا ناسي --- شي باقي منه وشى رايح

جميل يازهرة اكملي معي
بس استني لما افضي ليكي وهسمعك
حجات عمرك ما سمعتيها يا بنت البندر
هوريكي الصعيدي علي حق

مش حافظ مكدبش عليك

ياريت تفضى نفسك ياعبقرينو وتسجلنا شويه من المواويل الحلوه وترفعهالنا بصوتك يا بطل ياريت

يا استاذنا الغالي
انا مش منشد ولا مطرب المواويل دي ليها ناسها ومنشديها
انا مجرد مستمع جيد فقط ليس الا
اشرقت الانوار بتشريفك للموضوع

يا ميت خساره علي اللي حب ولا طالشي

ادي حبل الوداد قصر ولا طالشي

وليل الحزن بيطول وليل الفرح ما طالشي

طبيب ياغالي تعالي لي واكشف علي الاجراح

الجسم بولي والعضم راخر راح

انا نمت وصحيت لقيت جمع الحبايب راح

اوصيك ياغلبان اوصيك ياعاشق متندمشي علي اللي راح

لو عملت طيره وبجناح غير رزقك محطولشي

فرطت قلعي ما جانيش ريح

وعاودت ع البَر ناوي

ياما ناس زيِّنا مجاريح

لكين صابرة ع البلاوي

امانه خفي البكا يا عين بلتيني مع الناس دول

انا دمع عيني سال وانا بحادي في الناس دول

اجي انوي علي العمار يا جي التعب من الناس دول

امانه يادنيا ليه سايبه الاصيل وعاطيه الجبان عدلك

ليه يادنيا

كان هو ابدي بيكي يتم صفاه ويشوف ياعيني عدلك

عطياله قفا ليه امال فين ... فين عدلك

اتاريكي وطيه مينفع الا الغشيم عدلك

عامليني جبان وانا علي البلا قادر

اسألك يا الله ياللي علي العباد قادر
فيه مولي قادر يخلصني من الناس دووووول

يا ستي يا ام الجمال دا حلال علي جوزك

بلاش تتدلعي دايما علي جوزك

ولا انتي مستكترا نفسك علي جوزك

بتلاقي منه الرضا وتشبعيه حرمان

خليتي عيشته جحيم ومورياه حرمان

شيلي حمله كمان وياه وبزياد عليه حرمان

هتلاقي فين الحنان ياخايبه لو يكرهك جوزك

يمشي الفقير وكل شيء ضده

والناس تغلق دونه أبوابها

وتراه مبغوضاً وليس بمذنب

ويرى العداوة لا يرى أسبابها

حتى الكلاب إذا رأت ذا ثروة

خضعت لديه وحركت أذنابها

وإذا رأت يوماً فقيراً عابراً

نبحت عليه وكشرت أنيابها

يادنيا بتجيبي فيا شمال ويمين

نفسي اكون مرتاح واخد لي فيكي يومين

بتاخديني لفوق وتنزليني تاني تحت

انا اروح من غلبك فين

هو انا مكتوب عليا اعيش فيكي حزين

تعبت منك ومن قساوتك واشتكي بس لمين

افرح فيكي شويه ولكن بتبكي العين

ياربي عديها علي خير ولا تشمت فيا اللايمين

ابو حسام

هتتعبي يازهرة لو حبيتي تجاريني في الموال

» بشير عياد يطلق رصاص الزجل على سارقى الثورة
» اكتب وقول يا خال
» مجموعة نغمات زماااان للموبايل
» فاكرين برامج الطفولة زماااان
» م الموسكى لسوق الحميدية ....صباح زماااان