مقهـــى الســها للأعضاء

........... عدد المساهمات : 26070

ايوه يا آمنه بس الاول شفتى الفسيخ مطلوب ازاى

اهو الاستاذ محمد هاياكله لوحده

الجبنه القريش عندنا بينشفوها

وبعدين يحطوها فى المش

كام يوم وتبقى جبنه قديمه

بس المش انا بصراحه مش عارفه تركيبته وهاتضحكى علينا الناس

خلى ابو جمال ولا الاستاذ محمد يقولا لك عليه

عضو vip عدد المساهمات : 1455

الظاهر أن الفسيخ أكله عالمية والله أعلم

عندنا نوع معين من السمك نحفظه بالتمليح نسميه (مالح)
بعد ما يتقطع ويتنظف وينغسل يتملح بكمية كبيرة من الملح وينحفظ في
وعاء معدن لفترة لغاية ماالسمك يتشرب الملح ,, وبعد هالفترة ممكن ينطبخ بطريقين

1-
مقهـــى الســها للأعضاء - صفحة 3 289.imgcache

مقهـــى الســها للأعضاء - صفحة 3 289.imgcache

2-

مقهـــى الســها للأعضاء - صفحة 3 A6af21d430

فسيخ إماراتي << بالهنا والعافية .

........... عدد المساهمات : 26070

انتم كل حاجه تقدموها مع الرز يا آمنه

طيب انا عندى سؤال

ازاى بتاكلوا رز كتير وبتحتفظوا بأجسام معتدله ؟

عضو vip عدد المساهمات : 1455

أنا كنت حاسه أنك راح تسألي نفس السؤال , ولما شفت السؤال ضحكت

الرز عندنا أساسي في المطبخ ,,وأي حد في الخليج يقولك نفس الكلام

والرز قبل الطبخ ينغسل من النشا تماماً وبعد الطبخ يتصفى من باقي النشا
فما يزيد الوزن بهالطريقة

ولو كان يزيد الوزن كان شفتي شعوب شرق آسيا أوزانهم أطنان
لأنهم معتمدين على الرز إعتماد كامل ,, مثل الهند والصين واليابان وغيرهم

........... عدد المساهمات : 26070

يعنى انتم بتطبخوا الرز مسلوق

وتصفوه من الميه

طيب احنا بنحمره ومش بنصفى الميه

بس معلومه جديده وهاطبقها

عضو vip عدد المساهمات : 1455

بالضبط رز مسلوق ومتصفى

جربيه وإن شاء الله يعجبك

مرحبا بكم جميعا

منورين مقهي السها

يا زهره الرز التي تقصده امنه هو الرز الباكستاني او الهندي او ارز دول جنوب شرق اسيا عموما

ومنه انواع كثيره جدا

وهو ما نطلق عليه نحن الارز البسمتي

لكن الرز المصري مش بياكلوه اصلا في الخليج
...........................

عضو vip عدد المساهمات : 1455

طيب يا زهرة أنا خاطري اعرف أكلات الصعيد عندكم غير المشلتت لأنه مشهور أصلاً
وغير اللي ناكلو في القاهرة ,, يعني الأكل الصعيدي في الأيام العادية والمناسبات

وغير الأكل في أشياء ثانيه مهمة اللي هي العادات والتقاليد عندكم

اهلا ابو عبد الشافى انت جيت

هات ياواد قهوة مظبوط لابو جمال

كنا محتاجينك عشان المجبوس

اهلا أستاذ عبد الفتاح نورت

مين قالك ما ناكل الرز المصري ؟؟ إذا كيف نسوي المحاشي والكشري ؟؟

هو صحيح هالأكلات مصرية لكن نحبها ونسويها ولو بين فترات

طيب أستاذ عبدالفتاح أنقذ زهرة وعلمني شو هو ( المش )؟؟

ايوه هو ابو جمال

والاستاذ ابو العبادى

هايحكوا لك بالتفصيل عن الاكل الصعيدى

وانا هاكل معاكى وانا ساكته

علشان ميضحكوش على

الظاهر مالكيش في المطبخ يازهرة
طيب تحبي نتكلم في مواضيع ثانية

على ذكر الأكل الصعيدي سؤال بس هم الأخوان هنا كلهم من الصعيد ؟

ايوه اصولهم كلهم من الصعيد

انا لى فى المطبخ يا آمنه

بس فى الاكلات الحديثه والمشويات والمقبلات والمحلويات

لكن الصعيدى آكل بس

او اسمع بس

وهاتشوفى ابو جمال دلوقتى هايقول ايه

اهلا بكم جميعا شكرا ابو العبادي ع القهوه مع انه قدامي الان قهوه عربي

تتقهوي؟؟؟؟؟؟؟؟؟؟؟

اهلا اخت امنه اخت زهره

المش ..............وما ادراك ما المش

الحليب بانواعه سواء بقري او حليب جاموس يتم وضعه في انيه سواء من الفخار او خلافه لمده

خمسة ايام في الشتاء او اربعة ايام في الصيف

بعد ذلك تتكون طبقه اعلي الحليب حوالي 3 سنتيمترات سمكها او سمكها يكون حسب نوع الغذاء الذي تتناوله الماشيه المهم هذه الطبقه هي القشده او القيمر بالعراقي .....تعزل هذه الطبقه ويستخرج منها السمن البلدي لاحقا او ما يقولون عليه الدهن الحر اما ما تبقي في الاناء بعد هذه الطبقه يتم اضافه الملح عليه والشطه الحمراء والكمون ويضع داخل اكياس قماش
ثم يعلق في الشمس لمدة يومين او ثلاثه ...........هنا يتحول الي جبنه بيضاء او ما يسمونها الجبنه البلدي طبعا طعمها الذ بكتير من جبنة المراعي البيضاء...........واذا لم تاكل ...تجفف في الشمس الي ان تصبح صلبه شويه بعد ذلك يتم تعبئتها في انيه تشبه الفخار او ما يقولون عنه البلاص ثم تقفل جيدا لمده سنه كامله او اكثر بعد ان يضاف اليها اللبن الحليب المغلي لان الجبنه تكون اصبحت قريبه من الصلابه ..........عند فتحا نجد ان الجبنه البيضاء اصبحت حمراء ويحيطها سائل لزج جدا كالعسل الاسود في لذوجته ................هــــــــــذا هـــــــــــــــــو المــــــــــــــــــــش

وهو عباره عن ناتج اللبن المغلي الذي وضعناه مكتسبا طعم الجبنه الموجوده معه مملحا بفعل الملح الموضوع داخل الجبنه نفسها وكلما تمر الايام نجد ان الجبنه تتحول الي بفعل عامل الوقت ان تبدا في الانصهار وتتحول الي مش
ارجو ان اكون قد اوضحت الموضوع
........................

انا عارف يا استاذه امنه ان المحشي او الكشري بيكون بالرز المصري

لان البسمتي ناشف وبيحتاج الي قدر كبير من الماء حتي ينضج عكس المصري الذي يكفيه القليل من الماء

لكن انا بتكلم علي الارز المجبوس او الكبسه او الرز البخاري او الارز المندي عموما او ما تسمونه انتم عيش هذا الارز لابد ان يكون بسمتي

طلع المش مش هين ,, كل هالعمليات في تصنيعه

تسلم أستاذ عبدالفتاح على هذا التوضيح .

وما شاء الله عندك معرفه بأنواع طبخات الخليج بالعيش

شكراً لك مره ثانية .

والله احنا فى الصعيد وانتى عارفة يا بنت الساحة

الاكلات الاساسية عندنا هى الملوخية والبامية الويكة

وللاخت امنة الملوخية طبعا انتى عرفاها هى موجودة فى

الخليج بس احنا بنشفها فى الشمس وبعدين نفركها بالايد

وطريقة طبخها بتكون مع اللحمة او الفراخ او جميع انواع

الطيور وتضاف على الشربة وبعدين يتعملها ثوم يقلى طبعا

بالسمن البلدى ويضاف عليها وكلوا بقى بالهنا والشفى

لا احكوا لها على المعجنات اللى جننتونى بيها

المخروط وما تلاه خلينا نعقد آمنه شويه

نعم أستاذ محمد طبعاً عارفه الملوخية بس عندنا نستخدم الملخية المجمدة , مش كثير الفريش هنا

والبامية طبعاً معروفة ونسويها مرات قليلة مع اللحمه و لكن أكثر المرات بس البامية لوحدها

أما الويكة أول مره أسمع عنها

وشكراً لك على الإضافة أخي محمد .

الويكة ياعزيزتى

هى نفسها البامية ولكن لا نقوم بتسويتها

بالصلاونة كما فى الخليج ومصر برضه

ولكن ناتى بالبامية ونقطعها دوائر صغيرة

ثم نضعها فى الشربة وبعد ان يتم طهيها

يكون هناك مفراك وهو عبارة عن قطعة صغيرة

من الخشب مدورة وبها من الامام اربعة اوستة

اسنان ونقوم بفرك البامية بهذا المفراك

حتى تصير ناعمة ثم نعمل ثوم مقلى ويضاف

عليها والبهنا والشفى

تسلم أستاذ محمد على الشرح ,,
ويبدو أنك شاطر ما شاء الله في هالأمور

وشكراً لك.

والله يا ختى حياة العزوبية فى

الخليج جعلتنا نتعلم اغلب الاكلات

حتى نعتمد على انفسنا

سواء رجل أو مرأة إللي يعتمد على نفسه في نظري أفضل من للي ينتظر حد يخدمه,,
دايماً المعتمد على نفسه يعتبر إنسان حُر , وهذي ميزة طيبة تضاف لرصيد شخصيتة

تحياتي لك أخي محمد.

طبعا الاعتماد على النفس شئ طيب

ولكن اعتقد ان هذا قل هى الايام

خصوصا فى الخليج وخاصة المطبخ

مع وجود كثير من الخدم الاسيويين

انا لى صديق قطرى يمكن تعرفيه لانه

قصاص وكاتب قطرى اسمه جمال فايز دائما

اغلب اوقاتنا نقضيها سويا ولكن حين نذهب

الى بيته اشترط عليه ان من يصنع الاكل ليس

الخادمة

عزيزتى تقبلى تحياتى

يعني مش ممكن تاكل طبخ من إيد الخدم ؟؟
ما هم الطباخين اللي في المطاعم والكافيتريا أو المعصرة آسيوين وناكل من طبخهم

وبعدين مش كل البيوت في الخليج تعتمد على الخدم

أنا أعرف أسر هنا في الإمارات كل الشغل على أهل البيت وما عندهم خدم أبداً ,
بعضهم بسبب الظروف المادية , وبعضهم رغبة شخصية بالبعد عن الخدم

وفي بعض البيوت الخادمه بس للتنظيف , أما الطبخ على أهل البيت

يعني كل أسرة حسب رغبتها وحسب ظروفها المادية والإجتماعية

تحياتي لك أخي محمد

نعم اختى باطبع ليس كل البيوت تعتمد

على الخدم وبعض البيوت تستخدم الخدم

للنظافة فقط هتصدقينى لو قلت لكى حين

اذهب الى مطعم او كافتيريا لابد ان ابحث

عن الذى يعمل بها عرب ليس للتقليل من شان

الاسيويين لا والف لا ولكن لان طريقة صناعتهم

للاكل لاتتماشى معى
والان اغلب المطاعم عندنا فى قطر عرب او اتراك

عزيزتى تقبلى تحياتى

اصل حكاية الاكل دى مزاج يا جماعه

ومهما تواجد خدم

صنع اليد شىء آخر

انا كنت لا أأكل الا من صنع يدى مهما كان

والكلام ده مينفعش لأن الواحد معرض انه يتعزم بره يسافر اى شىء طارىء

كيفت نفسى على تقبل بعض الامور فى المطاعم ممكن الاكل يكون نواشف ويكون المطعم نضيف

واللى شغالين فيه مقبولين ونضاف علشان الواحد يقدر ياكل

يمكن علشان في قطر فيه عرب وأتراك أكثر من الآسيوين
عندنا في نسبة جيدة من العرب و نُدرة من الأتراك
وإكتساح آسيوي واضح

أنا عن نفسي لو عجبني الأكل أكل ولا أسأل من اللي طبخ

قبل شوي وصلت من حفلة زفاف وجا الموضوع على بالي << يا ترى من طبخ هالأكل !!

تسلم يا أستاذ محمد

صحيح يا زهرة الواحد لابد يكيف نفسه لتفادي الظروف

يا اخوانا اكل المطاعم نشف المعده

نفسنا فى اكله بيتى

ولا ايه رايك

يا سعيد

والله انا من رأيك يا ابومرح انا كرهت اكل المطاعم

جدا ونفسى فعلا فى اكله بيتى بس للأسف مليش فيه

يعنى مبعرفش اعمله ممكن اكل بس مش اكتر

وادى طبق بصاره علشان ابو مرح وسعيد وآمنه

تعرفى البصاره يا آمنه

مقهـــى الســها للأعضاء - صفحة 3 7889

والله ما قصرتى ام شروق

دائما ما تغمرينا بكرمك

اعرف البصارة من المسلسلات كأسم لأكله من الفول , بس ما جربتها

وتسلم إيدك

اسمعى يا ستى

فووووووول مجروش

يطبخ على النار حتى يستوى

ويضاف عليه بعض البهارات

التى تضفى عليه طعما مميزا

ومع انها اكله جميله ولكننى شخصيا

مضرب عنها منذ احدى عشر عاما

وبالهنا والشفا اخت امنه

مشكور أستاذ أحمد على الوصف

إن الله راد أول ما أرجع أزور القاهرة بطلبها وأجربها

أنا أفضل الأكل الشعبي للدول أكثر من الأكلات الجديدة اللي يخترعوها لنا هالأيام ,

وتسلم .

رحوا منكم لله يا بعدا

عاوزين تاكلونا بصارة

قبل النوم

يا استاذنا الفاضل

دى مش للاكل لا

دى للعرض وبس

يعنى حاجه للفرجه

يا اخوانا انا مش هتكلم يعني لاتعليق
لاني من اصول اوربيه ومعرفش الحجات الحلوه دي خالص
انتم عارفين اني اصولي اوربيه شويه هههههههه

طيب وهنقطع تذاكر عشان نتفرج

ولا الفرجة مجانى

هات شاى مغلى ياواد لعمك احمد

ههههههههههههههههههه

وكمان

هههههههههههههه

يا ود يا اوروبى

يا بتاع الكباتشينو والمارونقلاسيه والباتيه

أخوية محمد هذي زهرة هي اللي جابت البصارة << أفتن عليها

أنا ممكن أقدم لك أكله ثانية ,, أطلع في أول هالصفحة وتفضل كل فسيخ إماراتي

يدوووووووووووووم الشاى يا عمنا

علشان يعدل الدماغ

انت عارف ضغط الشغل

اخونا ابو حسام امس اكل برياني قبل النوم واليوم صار أوربي

علينا يا ابو حسام ,,

تحياتي لك

يعني مش عاجبك اني من اصول اوربيه يا عم احمد هتخلي اختنا امنه تضحك علينا وتقول
صعايده يارسول الله ؟ هههههههه
انت مش عارف اني من اصول اوربيهومعرفش حاجه عن المش بتاعكم دا ولا البصاره ولا الكلام الفاضي دا كله
ولا حتي المصبوبه ولا المفروك ولا ولا ولا ولا ...... الخ ؟
انا مسامحك علشان خاطر عمنا ابو العبادي وعندك واحد شاي علي بوسته
للكبير بتاعنا ياواد ههه

نورت القعدة يا دكتر ماجلى

طيب ياعم بالراحة علينا ولا

عشان انت يعنى معاك حصانة اوربية

ضد المش والبصارة والملوحة والدقة

يعنى تقوم تفترى علينا

وانا اقدر ياعمنا ههههه منتا عارف اخوك
مش طبعه الافترا ولا التكبر بس حبيت افكر
ابو مرح اني من اصول اوربيه يعني من الاقصر
بذمتك دي مش شهاده اني اوربي ههههههههه
السياحه ليل ونهار هناك ومن عاشر القوم اربعين يوم ههه
يبقي حقي اقول اني اوربي ولا لاء؟

لا يا كابتن اهل الاقصر قصدى اهل طيبة

اتقدموا قبل اوربا بتاعتك دى وهما

اللى علموا اوربا وغيرها الاتيكيت

من سبع تلاف سنة

خلاص يبقي موافقه
انتم بتتكلموا صح
هاتولنا بقي اكله حلوه نتعشي بيها
متهيئلي من اختصاص اختنا امنه
ومنتظريين العشاء اخواتك عندهم شعور بالجوع حاليا

ايه رايكم تاكلوا شباتى

مع شاى

تفضلو يا اخوان أكله خفيفه بسم الله

مافي أخف من هالعشا

طبق زبادي
مقهـــى الســها للأعضاء - صفحة 3 Images?q=tbn:ANd9GcRkfYfgsSSovQAYjummOAchJljEIkMTzsXybEn-AJ1ryvFm0VD2lg&t=1

مقهـــى الســها للأعضاء - صفحة 3 Images?q=tbn:ANd9GcRkfYfgsSSovQAYjummOAchJljEIkMTzsXybEn-AJ1ryvFm0VD2lg&t=1

بالهنا والعافية وتصبحو على خير .

تسلم الايادي يا استاذه امنه
وانتي من اهل الخير ان شاء الله
وبارك الله فيكي علي هذا العشاء اللذيذ

ايه يا آمنة زعلانه على المقهى اللى واقف حاله

هنشطهولك ...بس شوفى نتكلم فى ايه واحنا نفتحه خمس نجوم

ياصباح الفل والورد والياسمين عليكم

الاول انا جعان وكلاب بطنى عتهوهو

الاقيش عنديكم شويه نابت وقرقوشه

وياسلام لو بعديهم كوبايه شاى حبر

كله بحسابه انتو مش هتبقششو علينا يعنى وادى نص جنيه تحت الحساب

ادى النابت با مصطفى

واتصرف وهات الشاى مع نفسك واحنا نحاسبوا لك

والله فيكِ الخير والبركة يا زهرة

أكيد أنتي تنشطي المقهى لأنك أنتي اللي دايماً مسويه جو حلو في المنتدى

نشوف الأخوان أي المواضيع يحبو يتكلمو فيها ونشارك سوى.

الاول يا آمنه

الحقينى بطريقة ارز مسلوق ومقبول
علشان بطبخ

الحين تطبخي

طيب حطي 3 أكواب ماي في قدر على النار
ولغاية ما يغلي الماي
هاتي كوب رز وغسلية من النشا وحطيه على الماي المغلي
10 دقايق تشوفي الرز أستوى ,, حطي عليه معلقه ملح
وعلى المصفى على طول صفية ورجعيه في القدر مع شوية زيت في قاع القدر
علشان ما يلزق الرز ,غطي القدر وخليه على نار هاديه 5 دقايق بس ويكون جاهز

ولأني عارفه ومتأكده أنه مش يضبط معاكي من اول مره
جبت لك قدر رز جاهز ,, أنتي بس اغرفيه
http://img102.herosh.com/2010/01/02/609827519.jpg

وبالهنا والعافية