مناظرة طريفة بين هو آند هى

ايه الحكايه يا اغلي الناس يا مراتي

شغلوكي العيال وبعدوكي عني ياحياتي

ياترا نسيتي مودتي الحلوه ومصاريفي

ولاجيوبي الفاضيه دي السبب فيها الست حماتي

........... عدد المساهمات : 26070

يا مساء الخناق وجر الشكل الوان
مكنت بعقلك جرى لك ايه يا قمر الزمان
مال امى بفلوسك تلزمها فى ايه
انا قاعده قدامك اهو ولا عمرى فارقت المكان

انتي للمكان ورده حياتي وف الاساس تزينيه

تنوري الدنيا عليا وزيك يام العيال فين الاقيه

اصيله وجدعه ومعايا علي البلا صابره

بس ياريتك تخفي الطلبات عليا واللي خدتيه تجيبيه

........... عدد المساهمات : 26070

اسمع كلامك اصدقك اشوف امورك استعجب
منين اجيب اللى خدته واللى راح بيرجع يا مهبب
بقول لك ايه كلامك الحلو مالآخر كده مش مريحنى
قل لى فيك ايه دوغرى كده يا حلو ولودانى ياللا اطرب

ياستي والله ما فيه طلبات
انا عاوز حياتنا تكون هاديه
عاوزها تمر بدون خلافات
وتكوني عليا يا حبيبتي راضيه

........... عدد المساهمات : 26070

الرضا من الله يا قدرى
انا راضيه وحامده وشاكره
انا بس اتطسيت فى نظرى
جرى ايه يا سبعى يا جملى

ياه علي الحب وسنينه ياعمري

تقولي فيا الشعر ولا هو دا قدري

كلامك زي السم بيقتل فيا المشاعر

كان يوم مهبب لما اتسيط انا في نظري

........... عدد المساهمات : 26070

السم دا شربناه مالعشرة الهباب
كنت فاكره نفسى فى جنه طلعت فى سراب
يا ما نفسى اخرجك بره وارد عليك الباب
مبقيش فيه مجال لخناق ولا وجود لعتاب

خلاص طالما تعبتي وللامور هتهدي

لازم اعمل بأصلي ومعاكي انا اعدي

قسمتي ونصيبي واعمل ايه بس ياربي

ام العيال ومعايا في الهموم شايله ولعيالي بتربي

هكمل معاكي صفحه جديده وادعيلك بالهدي ربي

عالم تخاف ولا تختشى ما تجيش غير بالقساوه
ما كان من زمان العقل ده قلنا لك بالهداوه
رسول الله وصى علينا وقال بينا تكونوا رحماء
انا ممكن علشان عيالى احمد ربى واستحمل فيك الدناوه

كلامك في اوله والله حلو وكمان معسول

فيه حاجه حلوه متطلعش الا منك يابنت الاصول

صلينا علي النبي محمد الغالي
وصانا عليكم سيدنا النبي وقال كونوا بهم رحماء

خفنا منكم وجننتونا بعد ما كنا من العقلاء

ارجع تاني معاكي لكلامي
خوفي عليكي وعلي مشاعرك عمره ما خطر علي بالي

كل الحكايه اني عاوز ارتاح من الهموم حبه

واروق الحياه معاكي واديلك من الحنان حبه

يمكن يتصلح حالك وتهدي اعصابك كمان حبه

بدال ما اروح فيكي في داهيه واكلفتك كدا في جبه

علشان قلت بنت اصول انا هعمل نفسى مشفتش التهديد
عاملنى بما يرضى الله وبلاش منه دا وعيد
كن لى اكون لك وكل شىء قسمه ونصيب
وانا راضيه بنصيبى وطمعانه فى عهد جديد

وانا علشان الكلمتين الحلوين دول هبدء معاكي عهد جديد

ولو كان حبي ليكي مش كافي وعد مني يزيد

ماليش في الدنيا خلاص غيرك يا اغلي من عمري

ربي يحميكي ليا يا حبيبتي يا ام وليد

ويخليك يا اخويا لبيتك ولعيالك
انت شمعة البيت هل هلالك
يا سلام على راحة البال يا ولاد
تمشى سليم تلاقى الحياه كلها تهنالك

يا سلام على الرجال لما تضرب التكشيره
يحسسوك بالبلى وان المشكله كبيره
وهما فى شبر مية يادوب غرقانين
افردها يا سيدى هو احنا فى الهم دا بايتين

الله يسامحك يا شيخه روحي

عمرك ما حسيتي بيا ولا بجروحي

زي الغراب لما ينوح اديكي كمان بتنوحي

بتهوني عليا انتي ولا بعكننتك بتزودي جروحي

يا نهار اسود على اللسان عامل زى المبرد
قال والولايا بره عالهنا اللى انا فيه عماله تحسد
اصلى بكدب عليهم كتير واحكيلهم عن هناى معاك
الظاهر كدبى طالع على ومن اعمالى انا بحصد

انتو كدا من زمان عارفينكم جنس نمرود

الواحده علي الوحشه تتعود والحلوه عليها تزود

اه منكم جنس حوا والله ماليكم في الزمان دا امان

مهما نعمل لكم من الخير الواحده فيكم تقول نمرود

طيب معلتش خلى قلبك انت الكبير
وبلاش نكد وخناق خلاص عقلى منى هيطير
انا عايزه احكى معاك كده فى كام موضوع
وفهمنى كده بالراحه ولا الفهم كمان ممنوع

خليني الكبير منا كدا علطول

اسمع منك كتير كلام معسول

ولما صبري ينفذ من غبائك

والله الاقي عمري يقصر كدا علطول

ماشى انا عارفه خليك انت الاحسن
وكلمتك مهما قسيت برضه هى الاجمل
المهم اختصارة الموضوع اللى بسألك عليه
انا بسمع كلام كبير وغيظى منه مش قادره انا اداريه

ضحكتي عليا انتي كدا بكلام حلو ومعسول

احكي ياشهرزاد حياتي وخلي القعده تطول

معاكي العيشه كأنها في جنه واتمناها تطول

اديني منتظر حلو كلامك بس ياريت يكون معدول

لا انت فهمت غلط هو لا كلام حلو ولا يحزنون
دا استفسارات سياسه تجاوبنى وعقلى يكون ممنون
رحت اشترى شمع من عند عم زناتى لفيته خلصان
مديت رجلى شويه وطفت على دكاكين الحته دكان دكان
لقيت الكل يقول دا شاحح الشمع من السوق
علشان ازمة النور اللى كان مقطوع
حاولت افهم يا اخويا وبيقطعوه ليه ويضلموها علينا
قالولى بيودوا الكهربا لغزه واخواننا الفلسطينيين
قلت الزيت يحرم عالجامع لو يعوزوا البيت
قالولى اسكتى متوديش نفسك فى داهيه اعملى معروف
وانا عايزه افهم وايه الموضوع وعالمكشوف

هههههههههههههههههههههههه
وربنا هنتحبس قريب منك لله

كله كده خواف خليها عالله يا شيخ
وهى اللى فيها لله عمرها بتغرق
ياااااا راااجل

لا استني بقي لما نقول كلام مضوط ميوقعناش في شر اعمالنا
خليكي جدعه اختي

حاضر ادينى مستنيه

» مناظرة فلسفية
» مناظرة بين الحيرة واليقين
» ياللى عايز تتزوج / مناظرة هو آند هى (يوتيوب)
» مخلوقات في مواقف طريفة
» قوافى طريفة على كل شكل ولووون