اكمل القصه.....

شكرا زهره....حقيقي لم انتبه لهذا الموضوع

لانني كنت منشغل بقراءات في مواضيع اخري بالمنتدي

فلكم التحيه جميعا علي هذا التكريم الرائع الذي فاجأتموني به

هكذا انتم اهل السها...مفاجأتكم لا تنتهي

ودائما متجددون في موضوعاتكم ومتميزون بمفاجأتكم

شكرا لكم جميعا
................

........... عدد المساهمات : 26070

جاء اليوم موعد اعلان نتيجة المسابقة

حقيقة سعيد ادهشنى وأربكنى علشان قالالرجل اعمى

وهى الحقيقة الفعلية وما تخيلت ان يصل اليها احد الا من خلال مفتاح واحد رميته فى وسط الموضوع

قلت عيناه واسعتان هذا هو المفتاح الذى التقطه سعيد ليضع سطور النهاية كما رايناها

مبروووك لسعيد الوسام ......3وعليه الاستعداد لطرح القصة القادمة ان شاء الله

وساضع امامكم النهاية الفعلية للقصة

مبروووووووووووووووووووووووووووووووك للحبيب الغالي سعيد العارف
صاحب القلم المتميز الذي يختار الكلمات بعنايه فائقه ويركز فيها
مليون مبروك يا رشيق المنتدي انت اهل لها
قلمك كالسيف يصطاد الحروف والمعاني الجميله
فمليون مبروك لااخي الغالي سعيد
وجاري عمل الوسام الجميل للجميل سعيد

ام شروق

ابوحسام

كل الشكر على هذه الحفاوة التى لا اجدنى استحقها وعلى الكلمات

الجميلة التى وان دلت تدل على قلوب صافية نقية .لا حرمنا الله

من كلماتكم الجميلة النابعة من القلب

الف مبروك لسعيد العارف الضبع

حقيقي هو العارف بنهاية القصه بسبب ذكاء شديد يتمتع به

وخيال واسع خصب ينسج منه اجمل العبارات واحلاها

ونظره ثاقيه لمستقبل الامور

تهانينا لمراقب عام المنتدي

الاستاذ ..سعيد العارف
...............

الله يخليك يا ابوجمال لاذكاء ولا غيره هى جات كده

توفيق ربك وفقط .اما عن الخيال والكتابة فقد تعملنا منكم

الكثير وندين لكم بالفضل فى ذلك ومش هطول عن كده

علشان مش بحب اجامل لكن مافى القلوب لا يعلمه الا الله

شكرا ابوجمال على كلماتك الجميلة وفى انتظار النهاية

الحقيقة من ام شروق لان اى خيال يجب ان يكون به

جانب من النقص .تقبلوا خالص احترامى

........... عدد المساهمات : 26070

توجه الى الرجل الواقف امامه فوجه اليه لكمة قوية اطارت العصا من يد الرجل فاختل توازنه

وحرك الرجل يده يمينا ويسارا حتى يلتقط العصا ويستعيد توازنه امام الشخص الغريب الذى يضربه بلا سبب

فى نفس هذا الوقت انطلقت الجميلة تقول اتركه يكفيه هذا فهو لم يستطع مقاومة جمالى

من الذى يستطيع مقاومة النظر الى .... كان منشغلا عنها بالرجل الذى يتحسس الارض ليبحث عن عصاته

يال المصيبة الرجل اعمى ضرب رجل اعمى من اجل جمال مغرور دارت به الارض بعد ان قام بالتقاط العصا وتقديمها للرجل معتذرا

ولا يوجد مصطلح يقدم به اعتذاره واسفه للرجل الا انه بادر فورا بخلع دبلة الخطوبه والقائها فى الهواء

ناظرا الى الفتاة قائلا لا حاجة الى بجمال زائف ايتها الطاووس ابحثى عنى غيرى يقدر قدرك العظيم

هذه هى النهاية الفعلية للقصة

شكرا ام شروق لوضع النهاية الفعلية للقصة والحمد لله

متقاربة الى حد ما مع نهايتى لها وان شاء الله احاول

ان اطرح عليكم القصة القادمة باذن الله

حلوه جدا وسعيد فعلا كان قريب اوي من النهايه
يلا بقي ياسعيد هات لنا القصه الجديده
عاوزين نشارك ياسعيد
بس مش علشان اوسمه لا علشان نشغل التفكير شويه

ان شاء الله يا ابوحسام قريب جدا بس امهلونى بعض الوقت

لأن القصة هتكون حقيقية ان شاء الله وعايزة شوية صبر

بس قريب جدا ان شاء الله

وادينا منتظرين ياسعيد

انتظارك مش هيطول ان شاء الله يا ابوحسام

ماتقلقش قريب جدا ان شاء الله وده وعد منى

وربك يسهل ان شاء الله ادعى لى

بدعيلك من كل قلبي
انا عارفك بتوعد وتنفذ مش زي ناس انا اعرفهم هههه

ماشى يا ابوحسام ربنا يخليك ومتشكر عالمجاملة بس ساعات

الظروف بتبقى اقوى مننا واقوى من اى وعود يعنى التمس

للى تعرفه ده العذر وادعى له برضه

والله انا ملتمس له العذر
لكن الدور والباقي علي اللي .... انت عارفهم طبعاً هههه
تعيش ياسعيد ياغالي وبعدين انا مش بجاملك انا بقولك الحقيقه والله

الله يخليك يا ابوحسام لكل منا عيوبه واخوك عيوبه لاتعد

ولا تحصى والله وان شاء الله نبدأ بوضع القصة قريبا

وربنا يسهل وتكون كويسة لأن الواقع ليس كالخيال

القصة حدثت منذ 6 سنوات .تبدأ احداث القصة فى احدى الجامعات المصرية

وتحديدا فى كلية الاداب .تعرف عليها واعجب بها وبأخلاقها وشعر انها ستكون

الزوجة المناسبة له احبها حبا شديدا واينما تواجدت كان هو ايضا موجود يطاردها

فى كل مكان يرمقها بنظراته وينتظر منها نظرة .لاحظت الفتاة مطاردته لها وتتبعه

لها بنظراته واحست انه انسان جاد ومحترم فهو لم يجرؤ على الحديث معها قط

حاولت ان تعطيه قدر من الجرأة فنظرت اليه وتبسمت فى وجهه .ساعتها احس

بسعادة الدنيا كله تحيط به ويوما بعد يوم استطاع الحديث معها والبوح بمشاعره

واستمر هذا الحب حتى التخرج من الكلية وبعدها تقدم اليها رسميا وتم الزواج

فى او ل سنة من الزواج كانت الامور تسير بشكل طبيعى ولكن الزوج شعر

بالملل واستشار احد اصدقائه فنصحه بالدخول الى عالم جديد وهو عالم

الانترنت ويالفعل قام الزوج بالدخول الى هذا العالم الذى اخذه من زوجته

تماما لدرجة انه لم يعد يشعر بوجودها مما ادى الى مشكلات عديدة ادت

الى ترك الزوجة منزلها والذهاب الى منزل والدها واثناء غياب الزوجة

تعرف الزوج على امرأة اخرى عبر الشبكة العنكبوتية وتعلق بها واحبها

لدرجة انه نسى زوجته وتماما واحس انه اخير عثر على من يفهمه

وطلب منها ان يلتقيها لانه يريد الزواج بها ..........اكمل من

خيالك باقى الاحداث علما بأن القصة حقيقية ولكن يشوبها الخيال

انا هشارك يا سعيد

بس هستنى للاخر بتعجبنى النوعيات دى من القصص

بحب ابوظ فيها براحتى وبرضه هخلى فيها خيال حتى لو هى واقعيه

وانا برضو لازم هشارك بس استنوا بقي لاني عندي نهايه كويسه

فى انتظار مشاركاتكم ان شاء الله يا ابوحسام انت وام شروق

والموضوع مفتوح للجميع يدلو بدلوه فيه وربنا يعينكم

ابوحسام

ام شروق

انا وفيت بوعدى وجبت لكم القصة الظاهر كده انكم نسيتوا

لكن انا فى انتظاركم برضه وفى انتظار اكمال القصة

والموضوع مفتوح لكل من يحب ان يشارك ان شاء الله

انا مكنتش عايزه اسبق حماده وقلت خلينى للآخر

بس ماشى يا سعيد

على اخر النهار ان شاء الله هنكمل القصة وهاخدها بالتزكية

فى انتظار احداث نهاية القصة يا ام شروق وبلاش تلكيك

انتى وحمادة واحد مش مهم مين اللى يبدأ .اخذوا الشيطان

بس وحد فيكم يبدأ بسرد باقى الاحداث

وبدأ يندمج فى الحياة داخل الشبكة العنكبوتية حتى التقاها يوما وراء يوم تقاربت الافكار والتحمت المشاعر

ونسى زوجته وغرق بعيدا عن الواقع واحس انه اخير التقى نصفه الآخر الى ان اتفق معها على اللقاء فى مكان عام

تحدد الموعد وذهب يسبقه شوقه الى لقائها ذهب الى المكان المحدد واتصل بها ..وكانت بانتظاره فوصفت له مكانها تحديدا

ولون ردائها وبمجرد ان اقترب منها توقف وكاد ان يشل من هول المفاجأة ....................انها مها زوجته

هى ايضا بهتت فى مكانها بعد صمت طويل واندهاش خاطبها بلسان متلعثم : انت انت

اجابته والدموع تسبقها وهل انت فلان

هنا كان الفواق والصحوة كلاهما قد خدع الآخر وزين شخصيته ووضع نفسه فى اطار مثالى خارج نطاق الحقيقة

ضحك الزوج بشكل هستيرى ....رفضنا بعضنا البعض على ارض الواقع وارتضينا بعضنا فى محيط الخيال

واستحال الآن الواقع والخيال يا زوجتى العزيزة ......الآن حان وقت الفراق وعلينا ان ننفصل فى هدوء

اومأت براسها فى حزن بالايجاب والقبول لقرار الطلاق فلا رجعة ولا تسامح بعد ما كان بينهما من خداع

وانتهت فصة الهروب من الواقع الى الخيال

فعلا احنا واحد يا استاذه زهرة
هو مش احنا اخوات ولا ايه ؟
لازم نكون واحد والله فكرت في نفس النهايه بس السرد والقصص عندي ؟؟؟؟؟
يعني الخيال عند اخوكم الصغير بعافيه حبتين معلش تتعوض ان شاء الله مرة اخري

سرد جميل للاحداث يا ام شروق ولكن لا تعليق مؤقتا

حتى يوم الجمعة ان شاء الله وابوحسام مفيش اعذار

ووعد الحر دين عليه وفى انتظار سردك للقصة حتى

لو كانت الاحداث واحدة ولكن السرد والاسلوب سيكون

مختلف وفى انتظار بصمة ابوجمال وباقى اعضاء السها

ان شاء الله .تقبلوا جميعا تحياتى

لا ياعم اعفيني انا من القصه دي
ةوالله فكرت من زمان في نفس النهايه بس بشكل اخر
وخلاص اتحرقت مش هينفع اقول حاجه تاني فيها
انا براءه المره دي خلاص

ماشى يا ابوحسام زى ما تحب وفى انتظار مشارك علشان ام شروق

ما تاخدهاش بالتزكية مش هيبقى لها طعم بالشكل ده علشان مفيهاش منافسة

مر اسبوعين وابوحسام امتنع عن المشاركة ومحدش قدم

نهاية جديدة للقصة يبقى ام شروق فازت بالتزكية ولوانى

مش بحب الطريقة دى فى الفوز لكن ما باليد حيلة .مبروك

يا ام شروق ونهاية القصة واحداثها تكاد تكون هى بالتحديد

الف مبرووووووووووك

لا انا بعترض

انا مخدهاش بالتزكية

غير لما تقوللى انا اقتربت من النهايه الفعلية بنسبة كام بالمائة

مفيش نسبة معينة يازهرة بس انتى تقريبا وصلتى للنهاية

بالضبط بل انكِ سرتى بالاحداث بطريقة اجمل من القصة

الحقيقية وتستحقى الفوز يعنى مش بالتزكية وخلاص

كده انا اتغر فى نفسى

وعلشان الفوز الساحق ده على كل المنافسين

انا اوعدكم بقصة جديدة اطرحها كلها تراجيدى وهم وغم

انتظروها بعد العيد علشان النكد

فى انتظار القصة ان شاء الله يا ام شروق

بس ياريت ما تكونش نكد مش ناقصة نكد

عالعيد هى خليها كوميدية احسن علشان الناس

بتقول كل سنة وانتم طيبين مش منكدين

انا خارج المنافسه طبعا والحمد لله
والظروف منعتني والا كنت طبعا فزت انا بيها هههه كالعاده اوعوا حد ييصدق طبعا

» الحب فيه اكمل
» لم يعد بوسعى ان اكمل هذه الخاطرة