مساجلة شعرية فى الرباعيات

الف سلامه

نقتبس ومضات نور من اشراقاتك دائما

ولا يهمك منهم
.........

........... عدد المساهمات : 26070

يــــارب

هو ولد واحد وبس كده

علشان انا باقدس الهدوء

وانا بقول معاك

يارب

هاجرمن بلادك وبعد الهجرة هيجى يوم تعود

حبل بينك وبين بلدك والقلب بالحبل مشدود

دايما حبها فى قلبك طول عمره حبها منشود

تشتاق لها وتحسها جنبك مهما باعدت حدود

دام العز لبلادي وانا من طلعتي عاشق......... ترابها

ربونا ع القيم والمبادئ وعشق مصر.......وا نهارها

ليها في القلوب نبضات ومحدش ينسي....... افضالها

مصر التراب والرياده مش الظلمه.......... وافعالها

اسافر بلاد واجوب البوادى وارجع احن لبلادى

الأقى فيها الخير فى وقت الشدة تكون زادى

طول عمرها لى ومن بعدى راح تبقى لأولادى

ده حبها مزروع جوا قلبى لا ده ساكن فؤادى

ياما فضلنا نبكى ونشكى لكل الناس أحزاننا ومأسينا

مع ان الشكوى لغير الله مذلة واحنا بدين الله رضينا

ورضينا بالله يسترنا فمين من البشر يقدر فى يوم يعرينا ؟

يمكن تاهت مننا الطريق نسأل ربنا لطريق الحق يهدينا

ايام تفوت وكلها من الاعمار..... واحنا مش داريين

سواقي دايره ف الغيطان.... وسواقينها مش عارفين

و اللي يعرف ليه مخلوق..... ويرضي ربه ورسوله

فاز بالاخره ونعيمها....... وياويل اللي مش فاكرين

نهاجر البلاد وفى الهجرة تموت القلوب من الأشواق

حنين فى حنين وعشق ما يعرف طريقه الأ العشاق

وحب عرف النور والصدق عمره مايعرف نفاق

اغيب عنها واغيب وارجع والقلب لها مشتاق

قلوب الناس....فيها كتير .....من الانواع.....متعدش

وشرب الكاس....حرام وحلال....لكل جعان...ميسدش

ايدين تنباس....يد العشاق....وبرضه القلب... ميرقش

لولي والماس.....ميغلاشي...علي الاحباب..وما يلدش

الله الله الله يا ابوجمال

شديت رحالى وسكة سفرى صعبة ومليش صاحب

اعتب عالزمان واقول فيه كلام وانا اللى عايب

اقول هجرنى زمانى وفى الأصل انا اللى غايب

يمكن نصيبى كده ويمكن مع زمانى مليش نايب

بانت عليك الاسيه من اول يوم....... يا متغرب

كثير الصحاب وادينا ماشيين مع الايام.. بنجرب

حلاوة العسل ساعات........ وللمر يوم كامل

واللي يعيش هيشوف..... وعن الاندال ما يقرب

بنيت بيت كبير وخليته مفتوح من غير باب

عملت له اساس متين واساسه من الاصحاب

البيت ينهار لو فى يوم حد منهم عنه غاب

وايه معنى البيت لويوم يخلى من الأحباب

بادى عليك الشوق للأهل والأوطان

وانا شوقى يهزالوتر علشان القلب حيران

مهما كتر حواليا الصحبه والاهل والخلان

لومضات السهى قلبى فى شوق وحنان

ننساها ازاى وهى كما الفؤاد فى القلب ساكن

تضيق علينا الدنيا وتضيق علينا كل الأماكن

نبعد عنها ونتغرب ونشوف الدنيا بلون داكن

مع حبها مستحيل تدخل كلمة اسمها لكن

نون الحروف غاليه.... في النحو للنسوه وفي العشق للاهات

غاليه علينا اوطانا....... غلو الصحرا للميه والطفل للحكايات

واللي ما يعشق تراب بلده ...........ما يستاهل عليها يعيش

ف القلب ساكن حب البلدوالاهل............ لكن للسها ومضات

تغيب وترجع لنا بأجمل المعانى واجمل الكلمات

كأنك بتلف وتدور لنا فين تكون احلى الحكايات

قالوا زمان حكمة بلاش تدور على اللى فات

وعيش حياتك وأتكلم وبلاش تعيشها سُكات

تدور الدنيا بينا ونسافر بلاد وبلاد

وانا بإيدى دايما قابض على الاوتاد

وحنين القلوب جوانا يصحى حتى الجماد

اعبر بحار الاشواق واعدى بحور ووهاد

دور علي قلوب العذاري..... تلقاها للدلال بتميل

قلوب مليها الامل......... وبتنزف هيام وحنين

حكاوي ادور عليها...... لجل ا لصحبه والغالين

خلي الادب طبعك.... وابشر حتي الحديد هيلين

يلين ازاى بس والسعر دايما طالع فى العالى

تقول له انزل يقول لك اتجدعن انت وتعالى لى

ده انا اغلى من اللولى وكل حته فيا بتلالى

كل شىء يرخص انما انا سعرى دايما غالى

يا صاحبى بتقوى القلوب الحديد بيرق

ونور حبيبك يسطع فى قلبك كأنه برق

دايم وصاله سواء فى بعاد او قرب

تجيله يروح لك ما عادش فيها فرق

قول ان عندك مباني..... وعاوز تعمر بيت

كده فهمتك ياهارب ......م الجواز والزيت

بتقول لك التقوي...... معاها كل شئ يتحل

خليها علي الله .....بس ابدأانت وافتح بيت

تعبتنى يا ابوجمال علشان عارف معنى الكلام

وياريت الهم فى البنا كان بقيت اسهل الأحلام

بس انا بصراحة بكره اشعبط فى اسمى مدام

وكفاية كده واقول لكم انا تعبت ورايح انام

محيت اسمك.......من مخي......وقلت ارتاح....ليله ويوم

وكان رسمك......يخايلني.....وف ليلي......حرمني النوم

لكن همسك.....يذكرني.....ببحر غويط.......وكيف العوم

رايت حسنك...في عز الموج...دخل عيني...ياعيب الشوم

محتار ليه ياعمي ومحيرني معاك وتاعبني

غلبت ادور علي الراحه والندل غاوي يلاعبني

قول معايا يخسارة الحر لما يميل الزمن وياه

مهما احاول اعدل فيه الاقي اصله الواطي بيتعبني

ياود اخوي متحتارش...... احسن عتاب للندل تهميشه

تروح له شمال ولا يمين..... يخش ف جحره وعريشه

زي الثعلب المكار..... له مية لون ااذا حس الخطر جاله

لو كان اطوله لاقص ايديه....... وانتف له كمان ريشه

هقولك ايه واعيد معاك الحديت تاني

الندل مهما علي ينقح عليه الاصل من تاني

واطي وخسيس وعمره مبص مرة لفوق

نقوم احنا الكبار بالادب والزوق نبص لاساس تحتا ني ؟؟؟؟
وعجبي ههههه

ياعود المسك خليهم....... ولايهمك حجاويهم

كلام الندل ما يهزك ...يشوفوا طبيب يداويهم

اصل الغرور ده داء.........و محدش سلم منه

واللي يجيله بعيد عنك.... كبر النفس راضيهم

مال الزمان وحاله انقلب وعاجبني

شغل الاندال وقله اصلهم وفعالهم كمان عاجبني

بتعلم منه دروس للحياه ان الناس معادن

ودي وصايا بعد ما اموت هتركها كمان لاابني

ياعمر الشوق...ولون الورد...انا ف عينك ....لقيت اسمي

وطرت لفوق....لقيت اقمار...سها وومضات.....من رسمي

وخدني الشوق.....لعيونهم......وقلت كلام......من همسي

تعالي وذوق.....جمال الشعر....متعرف بكره.....من امسي

يغور قليل الادب واللي كمان ربوه يقل اصله ولايعرف فضل ناس ربوه

اول ما يقسي بينسي فضل ناس ربوه عامل مفتح قوي لكن في جهله طب

ظهر معاه جرح ومش لاقي لجرحه طب السبع اهو سبع علي الرمه عمرة ماطب

والكلب ياخوانا هيفضل كلب والله حتي لو بين السباع ربوه

هانت علينا الدنيا وتغور بزخرفها

فيها ناس معادن دهب طردوها من بيتها

والجبر على دنيا النفاق خانق لى انفاسى

امتى تزول الغمة والسما تظهر بزرقتها

احلام نعيشها فى الصحو وتتعاش كمان فى منام

تفرق ايه الأولى عالتانية فى الأخر كلها احلام

بحلم بيوم ينور فجرها ويختفى منها الظلام

واهى دنيا مكتوب علينا نعيش فيها والسلام

منا شايف السما زرقا.... والسها فيها ف العالي

بيلمع كضي القمر .........ونجوم حواليه بتلالي

سيبك من الدنيا وزخرفها.... خليهم يشبعوا بيها

ومضاتنا السها حلوه...... وفيها الناس عجباني
............

يانجوم السما فى العالى امنتكِ امانه بلغى السها سلامى

عمرى ما انساه يوم دايما معاى فى صحوى ومنامى

الوصول للسها كان دايما اجمل واحلى احلامى

اوعى تنسى تبلغى السلام يانحوم اوحتى تنامى

هقول كلامى وهكتب منكم بنتعلم

والقلب قبل اللسان ع الكل بيسلم

لاجل الحبايب نسافر ونطوف بلاد وبلاد

لو ينطق الفؤاد بالحب يتكلم

مليون تحية للغالى ومليون سلام

القلوب مسلمة حتى من غير كلام

والشمس نورت ارضنا وراح الظلام

الحب ملوش كبير ومفيهوش ملام

ماتقول يا مصطفى عدلى خلينا فى بحور الشعر تايهين

مش عارفه ليه شايفه فيك هشام الجخ وتستحق بدل المليون ملايين

خليك معانا فى السها واستل سيفك وقول للشعر عناوين

وازرع ورود ويانا نسقيها وتكبر تخضر تكون حدائق وبساتين

نادى على المخاليق للصبح ناديهم
لا حاتسمع ليهم صدى ولا يعجبك ناديهم

لكن قلوب الأحبة على الضفاف واقفين

مدوا جسور التقى والنور بأراضيهم

مكوي القلب بنار الشوق لزماني

زمان الادب ولمسة وفاء من تاني

خاف عليا وعلي شعوري ياود عمي

انا اخوك في الله مش اكتر متجرحنيش من تاني

ميتا انا شاعر ولا بقول مواويل

انا بس بشوف الحبايب قلمى يقول ياليل

انا فى بحركم نقطه سمكه ف وسط حيتان

انازى عطشان وصفاكم لقلبى سبيل

يا مكوي القلب ولا يهمك..... مسير ايمنا تحلالك

ننادي ع الخلايق...... زهره قالت ده في موالك

ومصطفي سلم علي الجميع...... بالقلب قبل اليد

وسعيد طلع السها فوق.... وسطع النور باطلالك

عذرا علي القافيه

المساهمات نزلت مع بعضها
.......

المعزره للخروج عن القافيه لكنى ارسل والاخوه يرسلو فتضيع منى القافيه

________________________________

لاانصب ههنا الربابات ومول لحد الصبح

ياصاحبى ياابوشحات لازم هيجى الفرح

والجرح لو علم مسيره بكره يطيب

من غير ماتتكلم جرحك فى قلبى جرح

ليالي الغياب عليا طالت وكانت كمان قاسيه

سهرت فيها اعد النجوم والامواج في البحور راسيه

لاقلبي ارتاح ولا حتي انفاسي والدنيا عليا كتير قاسه

الحنان من طبعي وساكن جوارحي وردودي كمان راسيه

عذرا انا كمان علي القافيه
هههههه هي جات عليا انا يعني ههه

هنا فى وسط بلادى وبحس انى غريب

من كتر شيل الهموم شباب عمرى شيب

يابلدنا رجالتك نخو كفايه كرابيج

لو نطفش ياكلنا السمك لو نقعد ياكلنا الديب

بركان غضب وعلى الغضب لازم اكون صابر

يغيب الناس والخلق ولنا رب اكيد موجود وحاضر

اكتر شىء نكرهه الغدر ونكره كل انسان غادر

واللى ما يعرفش يسمع الكلام من عمنا جابر

ربك كبير ياوليدي وعلي المفتري قادر

يهدي العباد وقادر يجبر لنا الخاطر

وان كان علي الغدر ربك مضطلع قادر

اعمل الخير وارميه في البحر وعمره ماوقع غير الشاطر

راضى انا ياصاحبى والرضا طلب صعب المنال

لا تعرف تبيعه ولا يمكن فى يوم تشتريه بالمال

وانت حبيب وغالى يحفظك ربى من الاندال

ولو قالوا لك الواطى يعلى قول لهم لا مُحال

راسى وكلامك حكم ياعمى ياسعيد

بس الامل اتلكم والصبر له مواعيد

حال البلد مقلوب مين يعدل المايله

قدر مامنه هروب هل فينا حد رشيد

دوام الحال ياصاحبى قالوا عليه من المحال

ولو تفتكر زمان كان فيه صقر جارح لا يُطال

قالوا عليه الزعيم واصل الاسم يبقى جمال

ضرب فى الرجولة مثل من اعظم الأمثال

دايس على الريشه من كتر غلبى كتبت

لا سجاير ولا شيشه اودى فين الكبت

مش لاقى غير ورقه خايف يشوفها الحرس

من كتر خوفى شطبت وكتبت بس كدبت

تكدب ليه ياصاحبي والكل بيعينك

اكتب وقول والمولي هيعينك

دور علي ابن الاصول في الشده تلاقيه

راجل وسداد وساعه الضيق بيعينك

كتاب الدنيا اهو فى إيدك اقراه كويس وافتحه بيمينك

واطلب العون من ربك والله ما فى غير ربنا يعينك

اشترى رضا ربك لوحتى لقيت كل الناس بايعينك

ولو اكرمك ربك كلام عباده عمره فى يوم مايهينك

كل اماقول هكتب ع الحب والاحباب

واعمل انا عنتره واكتب لعبله كتاب

الاقى حبر القلم نزف وطفح وشطب

وكانه بيلومنى زى عيل مذاكرته ساب

_________________________

بريت القلم كويس ولا انت مش بتكتب بقلم رُصاص

الشعر يتكتب بيه ويطلع الكلام زى ضرب الرصاص

اما القلم الحبر مفيهوش شطب يعنى معدوم الخواص

وانت يا ابوعدلى شاعر واشهد انك كمان غواص

بقلمك قول...ما يخطر علي بالك...تعيش مرتاح

وكون مسؤول.....عن قولك.......وداوي جراح

وبيتك عول......وخلي البسمه......تسير افراح

رضا هتنول......من المولي........وتطير بجناح

عذرا ياشباب ع القافيه

انا مشيت ورا مصطفي
.......

» هاشــم الرفاعى ومختارات شعرية
» فكاهة شعرية
» مختارات شعرية
» الشاعرة نهى محمد فى امسية شعرية بقصر ثقافة دشنا
» مساجلة عن تدنى مستوى الشعر بين اجمل الشعراء \ محمود وحيد \ حلمى قاسم \ عبد الفتاح عبد الشافى