أمثلة توارثناها!!

السلام عليكم ورحمة الله وبركاته

.................

موضوع قديم ....جديد

نتذكر فيه امثلتنا الشعبيه ومعانيها والي ماذا ترمي او

ما هو المقصود منها

كل منا يطرح ما يعرفه من امثال وخاصة الصعيديه منها

فهدفنا هو التعرف علي هذه الامثال

التي توارثناها في مجتمعنا الصعيدي او المصري عموما

يطرح المثل .....ونشترك سويا في تعريفه او المغزي منه

لنبدأ

بسم الله الرحمن الرحيم

(أنا ف همك أتاتي *** وأنت ف قلع وتاتي)

الموضوع شيق جدااا
ورائع فعلا
المثل ده انا اول مره اسمعه فى حياتى
لذا وجب عليك الشرح يا ابو جمال
الامتحان صعب ونحتاج لمدد

طيب ....

شكرا علي التشجيع بداية

والموضوع مفتوح للجميع والمدد من الله سبحانه وتعالي

نمسك المثل واحدة واحدة

أنا ف همَّك أتاتي

اي

انا اساندك واقف الي جوارك في كل ازماتك واحاول ان احل لك

مشاكلك ولا ادخر وسعا في مراضاتك بشتي السبل

وأنت في قلْع وتاتي

وتت بالعاميه معناها الفصيح وتد وجمع اوتاد... او اوتات في العاميه

المعني انه رغم كل ما تقدم من دعم ومساندة ومعاونه مني لك انت تحاول اقتلاعي

من امامك سواء اكان ذلك في العمل او في الجيره او في الصداقه او

اي شئ من هذا القبيل

يعني مقابلة الحسنة بالسيئة

..........................

المثل الجاي عليكي

اللى جاى هيحمل نفس المعنى تقريبا
خيرا تعمل شرا تلقى

خيرا تعمل شرا تلقي

نعم يحمل نفس المعني تقريبا

ولكن ان يقال المثل بهذه الطريقه ففيه حث للناس علي عدم فعل الخير

لان ما سيقابله هو الشر....وهذا خطأ

...........................

خلينا بس نحاول نجيب الامثال الصعيديه شويه

.....

جم يساعدوه في قبر ابوه***** خد طّورِيّتُهْ ومشي

هههههههههههه
بيدل علي الكسل والطناش
وان الناس لما تاجي تساعدك ترمي الحمل كله عليهم وتبلغ فرار
ولا كأنك صاحب الرمه

القرعه تتباهي بشعر بنت اختها

معلش ممكن اضيف مثل صعيدي انا مخدتش بالي

بيقولوا عامل للزق رقبه

لا ................جديد عليا المثل ده

ممكن تفسير؟؟
..............

يعني وعلي حد علمي ياعمي
انك تكون مدي انسان حجم اكبر من حجمه وعامل له اهتمام
زياده وهو لايستحق هذا القدر من العناء
والزق دا شيئ زمان مش قادر اوصفه بس هو ملهوش رقبه املس يعني زي ما تقول كدا ايه راسه مدفونه ولازقه في جسمه
وانك تهنن فيه وتوصفه زي الزرافه رقبتها عاليه وكبيره وطويله
وهو في الاساس ما ليهوش رقبه من الاصل
وهذا والله اعلم هههههههه

صعبتم علينا الدنيا وانا معرفش فى الامثال الصعيدى
طيب ممكن اقول مثل
امه ساكته ومرات ابوه متطينه

يعني امه صاحبه الشأن ساكته لو جات لاابنها مصيبه
لكن مرات ابوه علشان المظاهر الخداعه امام الناس بتعمل انها بتحب ضرتها وخلفت ضرتها
وتقوم تطين بالطين والربراب كمان
علشان الناس تقول ياسلام اهي هي دي الست العاقله الواعيه

حب مظاهر يعني

ايه تعمل الماشطه في العكره

الماشطه اللي بتسرح الشعر يعني قصدك؟؟

ولا انا مش فاهم والعكره مين طيب؟؟.

لا لا مش هسيبك ابدا اههههههههههههه

...............

ايش تعمل الماشطه فى الوش العكر
يعنى لو الست اصلا مش حلوه وشكلها معكوك
هتعدلها ازاى الماشطه
تجيب لها حلاوه منين
دا اللى انا فهمته يا ابو جمال
صح ولا مو صح

انا معرفش بصراحه بس

ده ممكن يكون اقرب جواب للمثل

والمعني عند ابو حسام طبعا
....................

طيب

الوش وش بنتي ** والقفه قفه مرات ابني

ممكن تكون زى المثل اللى بيقول فى الوش سلايه وفى القفا حرباية

لالالالا
..........

امال ايه طيب
قول انت

يضرب هذا المثل للحما ...اللي هي ام الزوج

وعدم حبها لزوجة ابنها مهما كان

فهي لا تستطيع ان تحبها حتي وان كانت بنتها

والمعني لو ان الشرع اباح زواج الاخ من اخته

ففي هذه الحاله تقول ام الزوج لزوجة ابنها

التي هي بنتها ايضا

وجهك وجه ابنتي ...ولكن ظهرك ظهر زوجة ابني

اي الكراهه موجوده موجوده
..........................

الفالحة تغزل برجل حمار
.....

الفالحه تغزل برجل حمار
يعنى الست الشاطره تعرف تتصرف
مش هتتلكك بعدم وجود الشيخ هتعرف تدبر وتصرف امورها
زى الحاجة ام الاختراع تشغل مخها بقى

بالضبط فعلا كده
..................

جانا الزمان لما يهِتّنا

ياخد مرات اخونا وجوز بنتنا

لا دى صعبه قوى
لو قعدت مية سنه افك طلاسمها مش هعرف

ولا صعبه ولا حاجه

لكن المثل بيبين انه دائما

مرات الاخ مكروهه من اخت وام زوجها

وزوج البنت احيانا كثيره مكره من ام الزوجه

لذلك هم يدعون عيهم ان ياخدهم ربنا

خاصة عندما كانت الاسره كلها تسكن ببيت واحد

اي الابن وزوجته واخواته واحيانا تحل عليهم ضيفه

ابنتهم وزوجها ...طبعا البيت بيبقي سمك لبن تمر هندي

جانا الزمان لما يهتنا

اي اللهم ابتلينا بمصيبه

ولكن فقط

هذه المصيبه تأخذ مرات اخونا وزوج بنتنا

عشان نرتاح منهم ومن دوشتهم

مثل دارج في الصعيد ومعروف
.......................

كركوبة عقب لبن
...............

طيب ليه مرات الاخ مكروهة
ومرات الابن مكروهة
امال مين اللى هيحبها مسكينه

...

كركوبة دى يعنى عجوزة
عقب لبن
نقدر نقول البواقى يعنى
يعنى ايحاء بأنها بضاعة مضروبه مثلا

مرات الاخ مكروهه من اخت الزوج وامه

خاصة اخته الغير متزوجه

شئ من الغيره من زوجة الاخ ناتج عن اهمال الاخ لاخته

وعدم مساواته بها اي بزوجته

في ما يأتي به للبيت من طلبات
....................

وكذلك مكروهه من ام الزوج لانه بتحس انها بعد ما ربت وكبرت وعلمت

جات واحده غريبه واخدته منها ع الجاهز

طيب مسألتش نفسها هي حين تزوجت واخدت واحد ع الجاهز ؟

من امه وابوه مثلا...
.......

طيب ما دى سنة الحياة
لماذا يعتبر الابناء ملكيات خاصة
ويكون فيه حساسيات
لكنها النفوس البشرية
والطبيعة التى خلقنا الله عليها
وفى النهاية ينتهى كل شىء وتبقى الكلمة الطيبة

نعم هي سنة الحياة كما تفضلتي

ولا يدوم الا الكلام الطيب والمعروف

.........................

طيب اطرح مثل
مشابهه للموضوع اللى بنتناقش فيه
ربى يا خايبه للغايبه

تمام هو ده بالضبط كده

.........................

طيب واشمعني البنت ما ينطبقش عليها المثل ده

ماهي بتربي ايضا وتعلم وتكبر وفي الاخر ياجي واحد

الله اعلم بيه صالح ام قابح وياخدها ايضا
...................

علشان الام دايما فى مجتمعنا بتعتبر الابن الذكر هو الضهر والسند
هو اللى هتعتمد عليه مش البنت ....رغم ان البنت هى اللى هتنفعها فى شدتها ومرضها
لكن شىء مترسخ فى العقول قداسة الولد

ومع ذلك تقول في مثل جديد

( ودَّ العدو ودَّ العدوه ...جرّني جَرِّةْ الجِرُوّه** وودّ الحبيب ود الحبيبه ما لقي لي في البحر طريقه )

موضوع لذيذ ......بارك الله فيكم جميعا

علمناهم الشحاتة سبقونا عالبييان
يارب أغننا من فضلك بجاه الحبيب صلى الله عليه وآله وسلم

بارك الله فيك شيخ فراج

علي التشجيع

لكن هل عندك تفسير للمثل السابق؟؟
..................

نعم علمناهم الشحاته سبقونا علي البيبان

اظن انه يتطابق وبيت الشعر الذي يقول

وانا الذي علمته نظم القوافي*** فلما نظم قافية هجاني
.......

ودَّ العدو ودَّ العدوه ...جرّني جَرِّةْ الجِرُوّه** وودّ الحبيب ود الحبيبه ما لقي لي في البحر طريقه )

صعبه قوى دى يا ابو جمال

بس علي حماده مظنش
........

العدوة :زوجة الابن والحبيبة :البنت
انقذها ابن ابنها من الغرق ومع ذلك قالت :جرني جرة الكلاب
وأهملها ابن البنت ومع ذلك فهو لم يجد لها طريقا في البحر
ياستار يارب
زوحة الابن مكروهة مهما كانت
اللهم ارزقنا حب حبيبك صلى الله عليه وآله وسلم

نعم شيخ فراج

تفسير صحيح للمثل

فهي عنما كادت ان تغرق في البحر لم تتحرك اليها مشاعر ابن بنتها

ةتحجج بعدم قدرته علي انقاذها....فقلت لم يجد لي في البحر طريق

اي طريقه للأنقاذ من الغرق ومع ذلك وصفته بأبن الحبيبه

اما ابن ابنها ..فعندما اوشكت علي الغرق قال ....هذا عاري وعار ابي

والابد من انقاذها مهما كلفني ذلك وبالفعل انقذها وجرها في الماء حتي اتي

بها الي الشاطئ بأمان...ومع ذلك تصفه بأبن العدوةوانه جرها جرة الجروّة

جمع جرو...وهو ابن الكلب اكرمكم الله
.........................

الشيخ فراج بارك الله لنا فيه يا كبيرنا
فسر المثل خلاص
يبقي نقول واحد جديد

ماشي كلامك

بس مفيش حد غيري انا اللي يقول؟؟

ساعدوني شويه طيب
...............

مُرْكبْ جِلّه قابلت مركب كِرْس

قالت لها...سيري ياريحة الحبايب
.....................

؟؟؟؟

اصل انا هدخل كالعاده اقول لك مش فاهمه
يعنى ايه اصلا انا مش فاهمه غير كلمة مركب
وسيرى يا ريحة الحبايب يعنى امضى وتقدمى
هقول ايه طيب

يضرب المثل في للشبيهين من الاشياء الغير محببه

او الغير سويه...... كلصين مثلا او شيئيان متشايهان

في الشكل الغير مرغوب فيه

والجلة اعزكم الله هي فضلات الحيوانات..واذا لم تزال

من الارض لفترات فانها تختلط بالتراب ثم تجف وتصبح

لها اشكال اخري وهنا تسمي الكرس.. المعني ان هذا يشبه ذاك او هذا من ذاك

ولكن في الاشياء المذمومة فقط
.............

يعنى النوع واحد
والطينه واحده
فهمت
شكرا ابو جمال على الشرح

نعم بالضبط
..............

طيب
.............

بِيْلَوِّقْ من غير غَلَّهْ
.............

ايه ؟؟ برضه مش معروف؟؟

طبعا هنا المقصود بيه انه بينكش علي شيئ ومفيش اصلا حبات او لب الموضوع اللي بيتنبش عليه
يعني بمثال اوضح انا عامل زي مسمار حجا ومفيش مسمار اصلا
واللوق زمان كان حاجه اسمها الملوقه يدري بيها ويدور علي الغلال ويصفيها من القش وينقيها منه

----------------
اللي متجيبوش العزومه تجيبه الدندفه

لا لا يابوحسام

فيه ملوقه

وفيه مدرايه

بس انت كتر خيرك والله اللي فاكر الحاجات دي

المدرايه كانوا يلموا بيها الجرن كل ماعرضه يزيد عن عرض النورج اثناء

دراس المحاصيل كالقمح والفول والعدس والبرسيم وخلافه

وتستخدم ايضا ...في الدرايه للجرن اي فصل التبن عن الحب

اما الملوقه ..كان زمان اثناء الفيضان لما الميه تبتدي تروح من الارض بعد فترة غمرها

بفعل الفيضان ...تتحول الاراضي الزراعيه الي طين لين جدا...فيذهب المزارع الي ارضه

ومعه البذور ..فينثرها علي هذا الطين ..ثم ياتي بالملوقه لكي يداري الحب بالطين

حتي لا تأكله الطيور كالعصافير وغيرها

وكانوا يسمون تلك الايام بايام اللوق...وبعد اسبوع او اقل ...تنظر بعينك الي هذه المساحه التي

كانت مغموره بالمياه فاذا هب سجاده خضراء غايه في الجمال ..لان الزرع كله طالع مع بعضه

علي كد ما يجيب بصرك لا تجد الا هذه السجاده الخضراء جميلة المنظر

اما المثل يلوق من غير غله....اي يخلط هذا بذاك دون اي نتيجه مرجوه

من كلامه كالمزارع الذي يخلط الطين ببعضه ولكن لا حب تحته لينبت

اذن لويق من غير غله ...حكاوي ملهاش معني ولا فيها اي ثمره او نتيجه
......................

الدندفه ...اظنها نوع من البرود وعدم الاحساس ...زي النطاعه كده

او السفلقه ...يعني حتي لو معذمتهوش هيجيبه بروده ونطاعته وعدم احساسه
.................

هههههههههههههههههههههههههههه والله العظيم انت باشا ياعمي سيبك انت وعلي رأيك كتر خير الدنيا
كويس اني فاكر شوية حجات يعني علي كد الحال يمشونا في الزمن الاغبر دا

----------------

عريان سنه اشتكي الخياط علي يوم

مستعجل قوي يعني ...

مجاتش علي دي

ما انت من يومك كده

........................

هههههه صح الكلام

اللي ما يسمع كلام كبيره يا كترة تعاتيره