أمثلة توارثناها!!

يضرب المثل في للشبيهين من الاشياء الغير محببه

او الغير سويه...... كلصين مثلا او شيئيان متشايهان

في الشكل الغير مرغوب فيه

والجلة اعزكم الله هي فضلات الحيوانات..واذا لم تزال

من الارض لفترات فانها تختلط بالتراب ثم تجف وتصبح

لها اشكال اخري وهنا تسمي الكرس.. المعني ان هذا يشبه ذاك او هذا من ذاك

ولكن في الاشياء المذمومة فقط
.............

يعنى النوع واحد
والطينه واحده
فهمت
شكرا ابو جمال على الشرح

نعم بالضبط
..............

طيب
.............

بِيْلَوِّقْ من غير غَلَّهْ
.............

ايه ؟؟ برضه مش معروف؟؟

طبعا هنا المقصود بيه انه بينكش علي شيئ ومفيش اصلا حبات او لب الموضوع اللي بيتنبش عليه
يعني بمثال اوضح انا عامل زي مسمار حجا ومفيش مسمار اصلا
واللوق زمان كان حاجه اسمها الملوقه يدري بيها ويدور علي الغلال ويصفيها من القش وينقيها منه

----------------
اللي متجيبوش العزومه تجيبه الدندفه

لا لا يابوحسام

فيه ملوقه

وفيه مدرايه

بس انت كتر خيرك والله اللي فاكر الحاجات دي

المدرايه كانوا يلموا بيها الجرن كل ماعرضه يزيد عن عرض النورج اثناء

دراس المحاصيل كالقمح والفول والعدس والبرسيم وخلافه

وتستخدم ايضا ...في الدرايه للجرن اي فصل التبن عن الحب

اما الملوقه ..كان زمان اثناء الفيضان لما الميه تبتدي تروح من الارض بعد فترة غمرها

بفعل الفيضان ...تتحول الاراضي الزراعيه الي طين لين جدا...فيذهب المزارع الي ارضه

ومعه البذور ..فينثرها علي هذا الطين ..ثم ياتي بالملوقه لكي يداري الحب بالطين

حتي لا تأكله الطيور كالعصافير وغيرها

وكانوا يسمون تلك الايام بايام اللوق...وبعد اسبوع او اقل ...تنظر بعينك الي هذه المساحه التي

كانت مغموره بالمياه فاذا هب سجاده خضراء غايه في الجمال ..لان الزرع كله طالع مع بعضه

علي كد ما يجيب بصرك لا تجد الا هذه السجاده الخضراء جميلة المنظر

اما المثل يلوق من غير غله....اي يخلط هذا بذاك دون اي نتيجه مرجوه

من كلامه كالمزارع الذي يخلط الطين ببعضه ولكن لا حب تحته لينبت

اذن لويق من غير غله ...حكاوي ملهاش معني ولا فيها اي ثمره او نتيجه
......................

الدندفه ...اظنها نوع من البرود وعدم الاحساس ...زي النطاعه كده

او السفلقه ...يعني حتي لو معذمتهوش هيجيبه بروده ونطاعته وعدم احساسه
.................

هههههههههههههههههههههههههههه والله العظيم انت باشا ياعمي سيبك انت وعلي رأيك كتر خير الدنيا
كويس اني فاكر شوية حجات يعني علي كد الحال يمشونا في الزمن الاغبر دا

----------------

عريان سنه اشتكي الخياط علي يوم

مستعجل قوي يعني ...

مجاتش علي دي

ما انت من يومك كده

........................

هههههه صح الكلام

اللي ما يسمع كلام كبيره يا كترة تعاتيره

كلام الكبار فيه حكمه

واللي ما يسمعهوش وياخد بنصيحته

هتقابله عقبات كتير في حياته

...............

بس مش كلهم والله فيه ناس كبيره

وعقلها عقل طفل
.....................

اعمل بخمسه وحاسب البطال

يعني ما تسترخصشي الايجار

حتي لو رخيص .. اشتغل وشوف البطال اي اللي مشتغلش

قارن بينك وبينه

هتلاخي دخله صفر
.................

تفسير صحيح ومضبوط جدا ياعمنا
دورك في طرح المثل اللي بعده يا كبيرنا
ونحن منتظرينك

تجيب ولدها من ع الناقه
..........

يمكن تعبير عن القوة والشجاعة ؟

لا ...تعبير عن طول القامه
..........

الحبل ع الغارب

يعنى سايب الدنيا ضاربه فى بعضيها لا ظابط ولا رابط لها
سايب السايب فى السايب
ودا يضرب لمن ترك الامور يفلت زمامها من يده والتسيب نتاج ترك الحبل على الغارب


بدال لحمك وقلقاسك هاتلك طاقيه على راسك.

صح جدا والمثل ده موجود كتير في السيره الهلاليه

وفي حياتنا نحن ايضا
.....................

يعني تقريبا يضرب المثل لمن همه الوحيد الاكل

الذي يصرف عليه كل ماله دون الاعتناء بمظهره الشخصي
...................

طيب
...............

عدي علي عدوك معرش
ولا تعدي عليه مكرش
........

مش عارفه
صعبه دى شويه
بس يمكن المقصد عدى عليه مبسوط ومحمل بالخيرات
ومتعديش عليه حزين وشايل هموم الدنيا

لا هو قريب من المثل السابق تقريبا

عدي علي عدوك معرش

يعني بكامل اناقتك وزيك المحترم الغالي

وتعديش عليه مكرش ...يعني بطنك مليانه بالاكل

لانه هو مش هيشوف اللي في بطنك اكلت ايه وشربت ايه

لكن هيشوف هيئتك المحترمه عشان يعمل لك حساب

الخلاصه لا تفضل الاكل وتهمل المظهر
.............

مضمون كويس برضه


وشوا عليق الجمل أكل المعيز فيه عيب لو كان جمل في جمل مكنش يبقى عيب .

وشوا
..............

شكلي الكلمه دي طيب عشان مش فاهم معناها

لا دى غلطه مطبعية
هى
حوشوا

العليق هو ما يوضع للحيوان من حبوب

والجمل هو اكبر الحيوانات الاليفه في مجتمعنا ويضرب به المثل

في القوه والاصاله وقدرة التحمل

والماعز هو اقل الحيوانات من ناحية الجسم تقريبا

المعني ان الاشياء الكبيره لا يليق ان يعبث بها الصغار

او زي ما بنقول المقامات محفوظه ولا يليق ان يخلط هذا بذاك

او ان ياخذ الصغير اماكن الكبار

او الجبناء مكان الشجعان



تقريبا
..............

اهو انا كنت جايبه المثل ومش عارفه معناه
ودا توضيح جميل منك يا ابو جمال
طيب

الحمد لله حمد تزيدونا قال في نظير ما عزمناك تعمل بطنك شونه .

وانا اللي بقول فاهمه ؟؟؟....طيب عملتيها في؟؟

..............

لا مش فاهم بصراحه المثل مضبوط لغويا ولا في حاجه ناقصه ؟؟
........

لا هو كده المثل زى ما لقيته
واللى فهمته منه دلاله على الطمع طمع فى كرمهم قال زيدونا قالوا له جزاء ما عزمناك عملت بطنك شونه تملى مش شبعان
على ما اظن يعنى

ممكن برضه
...............

ازيدك من خيري ..برضك تلف تلف وتدور علي غيري

يعنى مهما حاولت ارضيك واقدم لك
ابص الاقيك ميمم او متجه ناحية غيرى وناكر خيرى وعطائى
صح؟

صح طبعا
..................

تموت الحَدَادِي وعنيها في الصير

لا دى صعبه قوى

لا ولا صعبه ولا شئ

زي ..يموت الزمار وشنابه بتلعب

...............

الحدادي جمع حدأة .. او الحدايه بالعاميه

والصير هو صغير السمك

ومعروف ان الحدايه بتحب اكل صغير الاسماك

تنقض عليه من الجو حين رؤيتها له علي سطح الماء

الصير دى اللى انا مكنتش عارفاها
انا اعرف ان عيون الحدادى ثاقبة جدااا
شكرا ابو جمال على الدعم الكتير بالمعلومات للعبدة الفقيرة

اهو تاريخ ووثائقيات او نقول مثلا

تراثنا الصعيدي او المصري

شكرا لك زهره
.............

قالوا لها تعلي صرخي معانا

قالت ياما جا الغرام علي هوانا
..........

.

يعنى ايه المثل ده
اول مره اسمعه
ومش فاهماه
يعنى معناه مثلا انها صدقت ما لقتها وانها بيستهويها النواح

اهههههههه ايوه

خبره يعني
................

طيب كويس انى قدرت افهم الحمد لله

هو المثل غريب جداا
بس اللى اقدر استشفه منه انها شايله هموم الدنيا وعليها تبعات كتير
ولسه رايحه تدور تانى على مسؤليات تشيلها
صح ؟

تمام ..مضبوط كده

الله ينور عليكي
............

طول ماهو ع الحصيره لا يشوف طويله ولا قصيره

دى ساهلة
يعنى طالما قاعد فى مكانه مش هيشوف حد ولا يتزوج

لا وكمان كسلان لا شغله ولا نيله هيتجوز منين
..............

الضحك ع الشفاتير والقلب يصبغ مناديل

يعنى يرسم الضحكة على شفايفه وقلبه مليان هموم وبلاوى

لا دى صعبه
مش قادره افك رموزها

اتنين رجاله اخوه متجوزين

زوجه احدهم تقول للاخري

يا سِلْفِتِي

والمثل يعني ان هاتين الزوجتين لا يحبان بعضهما ابدا

وصعود الجمل الي الطابق الثاني

اهون من ان يحبا بعضهما
.............