خواطر ا بو العبا دى

دعوة للوحدة واظن وقتها الان

انا القناوى انا الفنان

وبصوتى راح اقول احلى كلام
مش هعيد وازيد واقول اى كلام
كلامى خفيف مش عاوز لف وطولة بال
@@@@@@@@@@@@@@@@@@@2
يالا بينا ياولاد بلدنا يا جدعان
نعمر الصحرا ونحقق حلم الايام
ياولاد بلدنا الصحرا فيها من الخير اكوام
بس اللى يشيل ويطلع من الوديان
@@@@@@@@@@@@@@@@@@@@@@2
يالا بينا نبنى نعمر ونبص لقدام
ونعيش الفرحة من غير احزان
وبادينا الحلوة نصلح القيراط والفدان
ومن خير بلدنا نملى الغيط والدار
@@@@@@@@@@@@@@@@@@@
لا نتكاسل ولا نقول اجدادنا فاتولنا زمان
ايه الفايدة نقول احنا حضارة وامة اجيال
وفى مكانا واقفين ما نتقدم ولا خطوة لقدام
وحضارتنا وتاريخنا فى ادينا ليه نديهم للاندال
@@@@@@@@@@@@@@@@@@@@@@@@@@@
يالا بينا وناكل الاهل والخلان
ولا العدى يقولوا علينا شعب كسلان
@@@@@@@@@@@@@
يالايابنى ياخويا يا صاحبى مع الايام
بلاش تكابر وتقول ابوى وجدى كانوا زمان
ايه عملت للجد والاهل والخلان
اجدادنا قالوا حضارتنا وتاريخنا امانة لولادنا مع الايام
معلوم دا كلامهم مش نرقص ونغنى عااللى فاتوهولنا زمان
@@@@@@@@@@@@@@@@@@@@@@@@@@@@
يالا يابنى يا خويا يا صاحبى مع الايام
ما تفرق بينى وبينك دا مسيحى ودا مسلم
دا ربنا هو مفرق لديان
واسمع وافهم حكمة قالوها اهل زمان
الدين لله والوطن للاجيال
@@@@@@@@@@@@@@@@@@@
يالا يابنى يا خويا يا صاحبى مع الايام
ايدى فى ايدك نغرف رمل ننحت صخر نهد جبال
والمستحيل يتحقق بالصبر وطولة البال
ايدى فى ايدك نكمل المشوار
نتعب نشقى نحقق حلم الايام
@@@@@@@@@@@@@@@@@@2
يالا يا حمد يا محمد يا سعد يا عويضة
يا جرجسي يا عبد العال
بلدنا خيرها كتير مالى الجبل والوديان
يالا نزرع وناكل الاهل والخلان
ولا حوجتنا للخسيس والاندال
ونغنى نقول اللى ما عمره انقال
وفى مصر الغالية نرفع راية الحب والسلام
المظلوم

والله اشتقنا لكلماتك الرائعه ابو العبادى

وشرفنا كثيرا ما تقوم به من دفع الكل الى حب الوطن وحب العمل نشكر لك دفع الهمم ونشر المحبة والسلام

الله الله الله

ايه التجلي دا كله يا ابو حسن

متي وكيف واين

الموضوع لسه مالهوش ساعات

لكن هكذا الفنان والشاعر والمبدع

كلمات ولا اروع

لا تحرمنا من هذه الروائع

شكرا جزيلا لك
..............

انا قلت يا اخوانا من غير ابو حسن
الموضوع مش هيكون حلو ههههه
ايوه كدا هات كرابيجك الجميله وقول واشجينا
تسلم ياعمنا ويسلم الفكر الجميل والقلم الاجمل
من صاحب احلي وادق العبارات والجمل
اللي تمس القلب وتسكن في العقل والروح

وحشتنا هذه الروائع ابو الحسن

نحن فى حاجة الى هذه الكلمات

الوطن فى خطر

فتن كقطع الليل المظلم

فماذا نفعل

استاذنا الأستاذ ابوالعبادى لم نتعود منك الأ على كل جميل

منتهى الجمال والروعة تسلم إيدك على هذا الجمال والكلمات

كل الكلمات فى منتهى الروعة والأروع هذه الكلمات:

لا نتكاسل ولا نقول اجدادنا فاتولنا زمان

ايه الفايدة نقول احنا حضارة وامة اجيال

وفى مكانا واقفين ما نتقدم ولا خطوة لقدام

وحضارتنا وتاريخنا فى ادينا ليه نديهم للاندال

للأسف استاذنا هذا هو حالنا هذه الأيام ندعو المولى عزوجل ان

يهدينا لنعود كما كنا خير امة بدلا من التكاسل والخنوع والفخر

بعهد قد مضى من المفترض ان نتخذه عبرة ونتعلم منه .شكرا استاذنا

على الكلمات الجميلة وجزاك الله خيرا

عزيزى احمد ابو عاصم
اشكرك على مرورك وتفاعلك
واهلا بك اخا وصديقا

اشكر كل الاخوة الاعزاء
الذين تفضلوا بالمرور على
الموضوع وتكرموا بالتعليق عليه
كما ارجو ان تقبلوا عذرى على
التاخير والانقطاع الفترة الماضية
وهذا لظروف السفر الى الصعيد
حيث تشرفت بمقابلة اخوة اعزاء
واساتذة كبار وهم
الاستاذ عبد الباسط عبد الستار
والاستاذ صلاح النجار
ومن هنا اتقدم لهم بالشكر العميق
على حسن الاستقبال وكرم الضيافة

انت بس وحشتنا يا استاذنا الفاضل

ابو العبادى

واحببنا ان نطمئن عليك

اشكرك عزيزى احمد
واشكر اهتمامك
وحفاوتك التى اعتز بها

اليوم مع خاطرة جديدة كتبت فى عام 1997يوم ان حشدت تركيا قواتها لضرب سوريا بسبب قضية التركى الكردى عبدالله اوجلان الذى كان لاجئا سياسيا لدى سوريا ويوم ان كان الحكام العرب
يملكون الشجب والادانة هذه الكلمة التى افتقدوها الان والخا طرة بعنوان

شجب وادانة

ارضى وارضك نهبوها @@@@ قدسى وقدسك غصبوها
وارادتك وارادتى منا سلبوها @ @ @ والضحكة فى حلقى وحلقك كتموها

بنتى فى ايدى ذبحوها @ @ @ ومحمد مات وفى ايده الطبشورة

وعروض بشرية هتكوها @ @ @ @ ومحارم ربى احلوها

وانا اشجب وادين لكل جريمة ارتكبوها

وفى وسط جموع بتلم الناس

عربى وامريكى وفاقد للاحساس

ضاعت القدس وضاعت البسمة اللى بنستنوها

وانا اهرول واطير ورى لعبة سلام مزعومة
ومعالمها للناس غير مفهومة

وبغداد قدام عينى هدموها

وكنوز الامة سلبوها
بدعوى الامن واسلحة محظورة

ومطامع امريكا المغرورة

وانا اشجب وادين لكل جريمة ارتكبوها

وسوريا المسكينة حاوطوها

وبلعبة ارهاب اتهموها

وبضبط النفس يطالبوها

ولبيا المسكينة ظلموها

وبتفجير طيارة اتهموها

راحة فين قانا المنكوبة

ومقابر سبعة وستين المشئومة

وانا اشجب وادين لكل جريمة ارتكبوها

والسودان عن امتها عزلوها

وبدعوى الاسلام بيعايروها

وبلعبة كبيرة خربوها

وشمالها عن جنوبها فصلوها

وانا اشجب وادين لكل جرية ارتكبوها

ومصر المحروسة باعدوها

ومن قيا دة امتها حرموها

وبارهاب ومخدر شغلوها

الله يرحم ناصر ووحدة كانت مرسومة

ومعا لمها كانت للناس مفهومة

وانا اشجب وادين لكل جريمة ارتكبوها

نشرت فى حينها

ابو العبادى

جميل والله يا أبو حسن
الله يفتح عليك .. يا شاعر
بـس موضوع الصحرا الناس
بتروح وتزرع وتحــي الأرض
وبيخدوها علي الجاهز وتعب
السنين بيروح هدر
يا أبو العبادي

القصيدة كُتبت منذ اكثر من ثلاثة عشر عاما وتتحدث عن اوضاع

كأنها تحدث اليوم وكأن التاريخ توقف فى بلاد العرب فلا تغيير كل

الأحداث كماهى حتى تقسيم السودان كماهو حتى الشجب والادانة

كما هى الأ ان نسبتها انخفضت ايضا حتى الشجب والادانة لم تظل

كاهمى على الرغم من ان اوضاعنا تزداد سوءا والقتلى العرب فى

كل مكان والأحتلال يطغى على اراضينا ويجتاح الأخضر واليابس

ولا لسان من السنة العالم يتكلم ولكن من سيدافع عنا هل نكسب حربا

بسلاح الغير.للأسف حاصرونا بكافة الوسائل واتهمونا بالارهاب ووقعوا

علينا العقوبات ليس لأننا نستحق هذه العقوبات ولكن لأن ضعفنا جعل منا

مطية للعالم وللأسف الشديد الأوضاع كل يوم تزداد سوءا عن سابقه وليس

لنا الا ان ندعو المولى عزوجل ان ينصر الأسلام والمسلمين بمدد من عنده

انه ولى ذلك والقادر عليه على الرغم من ان النصر لن يكون الا لعباد نصروا

فنصرهم ولكن المولى عزوجل ينظر لحالنا فلا حيلة لنا ولا شىء بأيدينا .شكرا

استاذ محمد ابو العبادى على هذه الخواطر الجميلة والرائعة التى تصف حالنا اليوم

والأمس وندعو الله الايكون الغد ايضا .

.

كالعادة

سعيد فصص القصيدة ولم يدع لنا شىء لنقوله

شكرا على الإبداع استاذنا محمد ابو العبادى

شكرا على طرح قضايانا وهمومنا

شكرا لك

اخى العزيز حمادة محمد

اشكر لك اهتمامك ومرورك الطيب
اما من ناحية ما اخذ منا فليست الارض
وحدها التى سلبت ولكن كل اشيائنا الجميلة سلبت منا
والعيب فينا
فمن عمل ظهره قنطرة استحمل الدوس

قصيدة جميلة جدا
الله يعطيك العافية والصحة

عزيزى سعيد
احنا اصبحنا ملطشة لكل من هب ودب
على ايدى حكامنا الاشاوس
اصبحت تجرب فينا الاسلحة
واصبحنا مكبا لنفاياتهم
سرقوا فرحتنا
سرقوا ضحكتنا
موتوا فينا همتنا
ضربوا سياجهم على باب بتنا
ضيعونا وجوعونا
خربوا بيت ابونا
ادعى معاى وقول
الهم ازل جميع الحكام العرب
امين امين
شاكر لك مرورك وتفاعلك

اليو م مع خاطرة من خواطر الثورة

ياواقفين فى ميدان التحرير

ياواقفين فى ميدان التحريرايد واحدة

من الصعيد لبحرى لقصر الطاهرة

جيتم فاردين الخطاوى

تحاربو نظام فاسد وفى جعبته بلاوى

خليتم مصر حاضرة فى الصورة

صورة حلوة وراية منصورة

شباب ضى الامة وعمل صالح

فى مهجته ضى الحنان طارح

ومصر مالية الحتة والميادين

وطالة من الشبابيك على الملايين

من طلعة الفجر والقيالة حتى المغربية

بتنادى بصوت عالى انا عايشة

واهدى رغيف العيش لولادى

احمد ومحمد وجرجس وعبد الهادى

عشتوا ياللى رجعتوا لى شبابى

انتم يامحبين ومخلصين النية

فاهمين واعيين وقادرين على التضحية

شباب

شباب الفيس بوك وعامل وفلاح

وازهرى وعامل قمامة

يوم خمسة وعشرين يناير

الكل جاى فيه ثاير

ومعاه حنين اطول من الموال

لميدان فى ارض الوطن

الحلم على ارضه اترسم
شباب

شباب شق الضلام وللجبين حضن

استوفى انوار البشر والبرائة

حضن جهد صبره والزمان

كبر وحمد لمعجزة الجرائة

شباب

شباب فارد الخطاوى

وعلى عمار بلاده ناوى

واخد من الدنيا بسمة خجولة

وناوى يرجع مصر للصفوف الاولى

بعد ما غيبوها اصحاب الوشوش الكحولة

شاب وشابة ايده فى ايدها

خلوا الامة فرحانة بنشيدها

ومصر يوم التلات سعيدة بيوم عيدها

شباب

شباب قلبه مطمئن اهدى الكرامة

ينادى بالعدل والحرية

وينور كل القناديل

شق طريق الاسفلت

نور ضلام الليل

شعب ضجر ضرب البروجى مارش

لازم ينزل الرئيس من فوق العرش

والرئيس معاند مكابر ويقول ما قدرش

مش شايف الشعب والشبان من حواليه

اللى نايم واللى قاعد واللى واقف على رجليه

الكل غاوى الكل ناوى لازم ينزل من فوق العرش

سلمت يمناك

سلم لنا قلمك

دمت لنا بكل الخير

ادام الله عليك نعمتى الصحة والعافيه

شكرا استاذنا الفاضل ابو العبادى

عزيزى احمد ابو عاصم

اشكرك واشكر مرورك وتفاعلك

ولا بد لنا يا سيدى ان نتفاعل

جميعا مع الثورة ثورة الشباب

ثورة شعب مصر

شكرا استاذ محمد ابوالعبادى على هذه الكلمات الرائعة التى خرجت

من روح الثوره التى نعيشها وتصف كافة اوضاعها واجمل التعبيرات

والكلمات هى التى تخرج من واقع الاحداث ومن انسان عاش التجربه

نتمنى ان ينتهى الامر على خير ان شاء الله تعالى .شكرا استاذنا على

الموضوع القيم والجميل وجزاك الله خيرا

لا نتكاسل ولا نقول اجدادنا فاتولنا زمان
ايه الفايدة نقول احنا حضارة وامة اجيال
وفى مكانا واقفين ما نتقدم ولا خطوة لقدام
وحضارتنا وتاريخنا فى ادينا ليه نديهم للاندال

ما اجملها من كلمات
وما اروعها من عبارات
وما اعذبها من همسات

شكرا ليك استاذ محمد

عزيزى سعيد
اشكر لك مرورك وتفاعلك الدائمين
مع كل ما اكتب ودائما ما تنير
صفحاتى بمداد قلمك ورقة وعزوبة
كلماتك
عزيزى مصر تولد من جديد
الان نخرج من عبائة نظام فاسد وظالم
الان مص تتنفس هواء نقى غير الهواء
الفاسد الذى استنشقته طيلة ثلاثون عاما
عزيزى اشكرك

عزيزى جمال اشكرك
على التفاعل والتناغم

ولكن يبدوا انك علقت باثر رجعى

ولم تعلق على خاطرة الثورة

يا واقفين فى ميدان التحرير

شكرا عزيزى سلملى على الوالد

شكرا لكل الاحباب

وثورتنا لم تضيع هباء

ولكن اتت ثمارها وعادت الروح للجسد

ونجحوا ولاد التحرير

شكرا استاذ محمد

وربنا ما ضيعش تعبهم
ونصرهم

واصبح ميدان التحرير ميدان الشهداء والثوار

شكرا عزيزتى زهرة

نعم من الله علينا

بالحرية والعزة

وعودة مصر الى اهلها

من ميدان شهداء الحرية

شكرا ابو حسن

ابداع وعطاء

طالما تشوقنا اليه

لا حرمنا الله قلمك

شكرا جزيلا لك
..................

عزيزى واخى ابوجمال

اشكرك كثيرا

هذه مصر يا عزيزى

مصر قد عادت الينا

ونحن من عاد بها من

بين انياب الاسود

شكرا عزيزى

اظن كدا الامور اتظبطط علي الاخر
مشتاقين لقلم ابو العبادي والدرر التي حرمنا منها لفترة
ارجع كما كنت سابق عهدك لقد اشتقنا لكتاباتك المميزة وقلمك الجلاد واكرر الجلاد
فلا تبخل علينا ولا تحرمنا كما عهدناك معطاءاً

اشكرك عزيزى حمادة

وانا لم ولن استطيع

البعد عنكم ولا مجافاتكم

وقلمى هو قلمك وقلم كل

الاخوة انتم من تنيرون

لنا الطرقات وتفردونا

لنا الصفحات كى نخط عليها

هذه المقطوعة كنت قد كتبتها اثناء حرب غزة واظن انها تنطبق

تماما على شهداء التحرير بعنوان

زفوا الشهيد

زفوا الشهيد زيعو ا الخبر

جرحه غويط برصاص انفجر

زفوا الشهيد زيعوا الخبر

جرحه غويط بصاروخ انفجر

زففوا الشهيد زغردى يا ام البطل

زغردى وزيدى الزغاريد

دا مات والله والحجر بالايد

زفوا الشهيد ليلة دخلته

زفوا الشهيد ليلة دفنته

وامه وراه ويا خالته وعمته

يا تلفزيون صور

يا كتاب قولوا

ورو العالم موته

فى ارض جذوره

زفوا الشهيد زيعوا الخبر

جرحه غويط برصاص انفجر

زفوا الشهيد وما تقبلو دية

دا اصل الحور فى الجنة مستنية

زفوا الشهيدوما تنسو الوصية

انا واخت واخويا فدية للوطنية

محمد ابو العبادى

رائع ابو حسن

الشهيد سبقتنا بزفته الملائكه في السموات العلا

واستقبلته الحور العين

رحم الله جميع الشهداء
...............

فعلا استاذ محمد

الشهيد عريس يزف الى عنان السماء

ترفرف من حوله ملائكة السماء

شكرا لك استاذ محمد

عزيزى ابو جمال

بالفعل الشهداء سبقونا الى

السموات العلى لتزفهم الملائكة

على الحور العين ونحن سنظل نتذكرهم

ولن ننساهم ماحيينا فهم من ضحوا بانفسهم

من اجلنا واطالب بان يكون تكريمهم على اعلى

المستويات ولا نفعل بهم بما فعلناه بشهداء

حروبنا السابقة الذين اهملناهم وتركناهم ينزون

فى اركان متاخرة

عزيزى تقبل تحياتى

بالفعل الشهيد يجب ان يتم زفه على اجمل حوريه فى الجنه التى فيها

ما لاعين رأت ولا اذن سمعت ولاخطر على قلب بشر ويستحق ان نزفه

الى اجمل عروسه بالفعل وهذا ابسط حقوقه علينا استاذنا محمد ابوالعبادى

كلمات جميله ورائعه .شكرا استاذ محمد ابوالعبادى على المقطوعه الرائعه

شكرا عزيزتى زهرة

الشهيد سوف يعطيه الله ما يستحق

فى السوات العلا ولكن له حقا علينا

فى الدنيا ان نرعى اولاده اذا كان له

اولاد وان نكرم اهله وان نكرمه هو شخصيا

بشئ يجعلنا نتذكره دائما

عزيزتى تقبلى تحياتى

عمنا الغالي محمد ابو العبادي
تقبل وافر التحيه والتقدير
علي موضوعاتك المميزة جدا التي تأثرنا كلما
تصفحناها لما فيها من حقائق جميله
بارك الله لنا فيك ولا حرمنا موضوعاتك الشيقه والمميزة جدا

استاذ سعيد

شاكرلك مرورك واضفاتك الجميلة

التى دائما ما تنير صفحاتى

عزيزى هؤلاء هم من ضحوا بانفسهم

وزهرة شبابهم كى نحن نعيش ضحوا

من اجل اعادة وطن كان مسلوبا

ولذالك يستحقون منا كل التحية

فعلا وليس قولا

عزيزى تقبل تحياتى

عزيزى ابو حسام

شاكر لك مرورك وتفاعلك مع

كل ما اكتب كعادتك دائما

عزيزى اين انت وحشتنا ووحشتنا

تعليقاتك الجميلة والشيقة

اليو م مع الغريب

غريب وطال بى السفر

غريب والعمر من بين ايدى ارتحل

غريب ادور على اللى تاه منى

غريب والجرح جوا الحشى يالمنى

غريب وغربتى طالت

غريب والجروح جواى بانت

غريب وغرتى معندانى

والاه بقولها بتحلالى

@@@@ @@@

اه منك يا زمان واه

للحزن واخدنى ويا الاه

وعن الفرح بتبعدنى

وتسقينى المر فى كاسات

اضحك انت تبكينى

افرح للحزن تودينى

ولما اشوف الفرحة بتجينى

احس بنار الحزن بتكوينى

ولكنى هظل صابر ولربى ذاكر

ومحافظ على ايمانى

وتعاليم وامور دينى

محمد ابو العبادى

شكرا ابو حسن

يبدو ان الحزن اصبح سمه اساسيه من ثقافة مجتمعاتنا

ودائما ما نتوق اليه حتي في عز افراحنا

الم ترانا حتي ساعة ان يضحك الانسان منا بشده

وعند الانتهاء من الضحك يقول ....اللهم اجعله خير

اي اصبحنا نخشي حتي من البسمه والضحكه لربما يعقبها شئ يكد صفو حياتنا

وما اكثر المكدرات والمنغصات في هذا الزمان
...............

بالفعل صديقى

الحزن سمة من سمات المصريين

حتى تجدنا سريعى البكاء

فى حالات الفرح والحزن

ويشدنا كل ماهو جزين حتى

الاغانى

عزيزى تقبل تحياتى

هذه القصيدة كنت قد كتبتها بتاريخ 25ديسمبر1998

وقد القيتها فى امسية مع الشا عر الكبير عبد الرحمن الابنودى

فى نادى الجسرة الثقافى القطري وهى بعنوان

ايام الغربة

عن ايام الغربة ياما حكولى

وفى ارض النفط يا ما وصفولى

قالوا هما سنتين ولا تلاتة

وترجع يامحمد بالدهب واللولى

طقة فى دماغى اجرب واشوف الدهب واللولى

انا رايح للرزق يامى

انا رايح للرزق ياخالة

بلاد النفط عايزة اللى عمرها

ارض النفط محتاجة للرجالة

وحياتكوا تقولوا لفوزية

تعمل معروف تستننانى

راح اغيب سنتين ولا تلاتة

وان شاء الله هرجع تانى

خدى بالك يا مة من نفسك

وادعيلى كتير ربنا يستر

وتقولى لفوزية وشرفى راح اجيبلها راديو ترانزو ستر

سلاماتى لعبلة وعيد واحمد والواد سيد

ولعمى خليل الف سلام

وان جالك يامة الواد ناجى

يتكلم تانى عا القراطين

تقوليلو العقد اما انا اجى

وده برضه راى الريس حسانين

وان جه عزوز يسال نى

تقوليلو راح عا الرزق يدور

فى ارض النفط ياما وصفولى

راح اجيب الدهب واللولى
@@@ @@@ @@@

وسافرت فى يوم كان يوم ابيض

على واحة جميلة اسمها قطر

لافى ارضها كدب ولا حقد اسود

ولا غير الطيبة بتظغطط

وجم الكفلة يخطبوا فينا

قالوا بس تغنوا الله اكبر

وان شاء الله الرزق هيكون لينا

وفى يوم كان رطوبة وحر

والخلق ماشية تجر فى رجليها جر

قالوا فيه غزو وحرب

انا قلت اه عملوها العدى

وانتهزوها فرصة للحرب

قالوا الاخوة فوق يا ابله

العدى ما فيش لينا معاهم حرب

دى حرب فى قلب الشرق

حرب بين اخوات وحبايب

الود كان يوم بينهم زايد

قلت استر يارب

اخوات وحبايب طب كيف يحصل بينهم ضرب

قالوا الاخوة كل شئ ممكن كل شئ جايز

ما احنا فى زمن العجايب

قلت استر يا ساتر

دا احنا غلابة لا نعرف نصنع مدفع ولا دبابة

وطال الغزو قول كام شهر

لا عرفنا نصلح ولا نحسم امر

وفى لحظة دخل الشيطان دخل المكر

خطط ودبر وقال انا احسم امر

ولملم وفود وجيوش جرارة

وعملوها حريقة وغارة

حتى العرب يومها لبسو النضارة

نضارة سودة لاشافوا بيها طريق

ولا شعروا بايد غدارة

وخلى الغزو وخلى الغزو

قالوا فيه اسلحة محظورة

لابد نبيدها لازم نعمل حظر

لجل ما يهدد جار

ولا غابة سكانها كلاب مسعورة

وطال الحظر شهر ورى شهر

سنة ورى سنة

غارة ورى غارة

طفل بيلهث لاطايل لقمة ولا ثدى الام

كهل بيصرخ شربة دوى علبة مصل

ام بتنوح بتظرف بدل الدموع دم

اتالمنا يمكن بكينا يمكن

لكن ليهم مدينا ايدينا

بنفلف وندور ونمصمص فى شفايف

ونقول وين الحل والحل مش تايه

الحل فى ايدينا الحل فى ايدينا

محمد ابو العبادى

شكرا ابو حسن

اسعدني الحظ بسماع هذه القصيده مباشرة منك

في هذه الامسيه الثقافيه بنادي الجسره الثقافي

فقد كنا سويا نحضر هذه الامسيه لشاعر العاميه

الاستاذ الابنودي ........والتقطنا معه بعض الصور للذكري

ولا زلت احتفظ بهذه الصور للذكري

واذا اردت عما قريب انزلها في المنتدي
...........

الله الله
ايه الكنوز الجميله دي ياعمنا الغالي
كانت فين الدرر دي كلها وليه مش بتشارك في الرباعيات
ولا خايف علينا نقحم من مشاركاتك القيمه وبخلان علينا بيها ؟؟؟
تسلم الايادي ويسلم القلم الجميل الذي طالما يشجينا بأعذب الكلمات
بارك الله لنا فيك ولاحرمنا تواجدك المميز

عزيزى ابو جمال

كويس انك لسة فاكر والله

لان الموضوع بقاله سنوات

على فكرة انا برضه محتفظ

بالامسية دى فديو وياريت

تعرض الصور فى المنتدى

عزيزى تقبل تحياتى

ترجع بالدهب واللولى

دى لوحدها عايزه نقاش طويل يا استاذ محمد

الغربة مرة حتى لو كان فيها دهب ولولى ومرجان

سنين بتتسرق وتغرب عن الاوطان

واهى ايام

شكرا استاذ محمد

اخى ابو حسام

شاكر لك مرورك العطر

وقفشاتك الجميلة التى

دائما ما تضئ بهاصفحاتى

اما الرباعيات فهى كسل وعملية

وقت فقط لاغير وبعدين انا اللى

خايف تقحمونى بابداعاتكم

عزيزى تقبل تحياتى