مساجلة شعرية فى الرباعيات

ياللى تشتكى همك تعالى هنا وشوف همى

دى الحزن خالى والبكا كان فى الأصل عمى

والكل يشكى حاله وفاكر انه وحده حزين

انا مش هتكلم بس جرحى هينوب عنى

يا اللى شجاك الأنين ما تسيبنى انا فى همى

يعنى انت فاكر انه راح ينفعنى خالى ولا عمى

الهم فى القلب ساكن مين يعنى راح يشيله عنى

دى جروح كتيره خايفه اقولك دى بتجرى فى دمى

يلومنا الناس ويقولوا ليه الشكوى خليك كده راضى

مايعرفوش انى بشكوتى بصبر نفسى على أمراضى

دى اللى مايحسش لحظة بحزن يبقى أنسان فاضى

لو مابكيتش من الحاضر يبقى تبكى على الماضى

يا عم دا الحجر بكى ورق ولان

ولا اسمع بكى الطير وهو عالأغصان

ودمع العين لو نزل ترق ليه القلوب

واحلى بكى بيكون من خشية المنان

نولت الرضا لما البكا طلع من العين لأصحابه

اتارى العين زى العبد اللى بيتحكم فى أعصابه

تتحجر الدمعة فيها وتحلف انها مستحيل تنزل

ده حتى الدمع يعرف أمتى يبكى على أحبابه

هى دموعك خلصت ولا احنا لسه مطولين

لحسن تاخدنا فى طريق مسدود ونتوه مع التايهين

عايزين نكمل طريقنا ونشوف لفين رايحين

دا إحنا تعبنا خلاص لكن على الخير ناويين

نيتنا خير بس النية يلزمها عمل يدلنا على الطريق

طريقنا كله بحور واللى يتوه منه يصبح غريق

والوصول سكته صعبة وفيها شىء من المستحيل

والطريق الصعب محتاج للصدق ويا الصديق

قول لنا يا بلبل الارواح قول

قول لنا عالحقائق واللى يصبر ينول

السكه صعبه بصحيح لكن ربك معين

مهما الطريق بعد عنا لسانا بنحاول

ليه كل أما أحس انى خلاص قربت من الوصول

الأقى الف لسان يقولى أصبر واللى يصبر ينول

وعلشان سكتك صعبة انا هادلك على الطريق

أتبع كريم زين وخليك يا أبنى ماشى على الأصول

لو الطريق سهل ماكانش حد غلب فيه

هو الغالى كده طلبه.. مين يقدر يوفيه

غير سالك مخضرم صبور ربك سخره للعباد

يدلنا للخير وياخد بإيدنا لرحابه والولاء كله ليه

هو ده الصديق اللى بنحلم أننا فى يوم نلقاه

نسيب دنيتنا كلها ونعيش معاه فى دنياه

هو اللى عرف الطريق السليم ومشاه

والصعب يصبح سهل طول ما أحنا معاه

هديته فؤادى وروحى ومهجتى وياه

وكل ومرادى اكمل طريقى معاه

يدى فى يده فى طريق الخير ماشيين

خدنا العهود لانخاطر حتى ننول رضاه

هنيالك ياللى أخدت العهد وعقبال عندنا

بكره نوصل للمراد والكل يطلب ودنا

ماأهو الخير والشر وخطاوينا بيدنـــا

بس يارب ما نلاقى اللى يجى ويشدنا

امرك غريب يا طير حيرتنى وياك

حط انت رحالك بس تلاقى الكل وياك

تاخد العهود والأمان محظوظ انت وسعيد

ساعات الغربه تهون وكله يبقى فداك

كتب القلم أحلى كلام ممكن أنسان يسمعه

وكلام القلم صادق ولويوم كتب مين يمنعه

واللى من نصيبه الفراق مستحيل حد يجمعه

واللى يعرف طريقه فين مين يقدر يخدعه

هات انت بس يا مؤمن ورقك واقلامك

وأنا أخلى المداد والحبر تملى خدامك

يكتب يخط القلم... احلى كلام يتقال

لحين ما الورق يقول دا كلامى ولا كلامك

كنت زمان أطلع الكلمة تعدى البحور ولا تتبل

دلوقتى بقيت زى الشجرة اللى أوراقها بتدبل

ولكنها كما السيف لو أترفعت مستحيل تنزل

الأ اذا ربك أراد وأيد الفارس فى لحظة تتشل

ليه الكلام دوخته معاك بلاد وبلاد

قول كلامك يمكن تتهدى بيه العباد

والكلمة سيف يقطع رقاب الظلم

حاقول انا كلمتى وتعبر بحار ووهاد

دوام الحال من المحال واحنا كلنا على ده الحال

يوم نقول كلامنا ويوم نقول كلام من أجمل الأقوال

يوم تايهين فى حب الله ويوم تلاقينا بنحلم بالأموال

بس احنا نفسنا مش بنتغير مهما أتبدلت الأحوال

لايم على مين انت بس فى كلامك

دى طبيعه خلقها ربنا ونصيبك قدامك

من يوم ما خلق البشر وفيهم متناقضات

قول بس انت يارب حايحقق لك أحلامك

كلامى كله لنفسى ونفسى تعرف معنى الكلام

علشان عاشت فى النور وعرفت معنى الظلام

بعتب عليها علشان تلومنى لوفى يوم القلب نام

الا قيها هى صاحية تقولى سيبك دى دنيا والسلام

مفيش حد عاش فى الضلمه دى قدى

ولا حد شافنى ودموعى بتجرى على خدى

ولا حد عاتب نفسه زى ما عملت انا فى نفسى

لكن بريق الأمل ظهر وقاللى يااللا عدى

ياخوفى لبريق الأمل ده يكون بريق كاذب وخداع

ابص الأقى نفسى بدل النور بقيت فى طريق الضياع

والأقى الأمل كدبة وكل اللى حولى فى لحظة باع

معرفش أرجع مكانى ومعرفش ارجع اللى ضاع

عفريت اليأس ظهر لك تانى ليه

ما تحبطنيش معاك وتزعلنى عليه

الأمل مادام موجود يبقى العزيمه معاه

يفتح لى بس الباب تلاقينى جرى وراه

هوايتى اقول كلام بس خارج من لسان الناس

لكن كلامى أنا طالما فيه حياه يبقى مفيش يأس

والأمل باقى لحد أخر نفس يخرج من الأنفاس

الأمل ماتشوفوا عين ولكن نشوفوا بالأحساس

سايق عليك النبى والنبى غالى

دا حبه جوا قلبى ومدحه بيحلالى

لا تشوف كلام الناس ولا يهمك أمرهم

دا هو وحده ربك فوق العبيد كلهم

مدح الحبيب هو العلاج لكل مريض ومريد

انا أريد وانت تريد والله يفعــــــل مايريـــد

لما اسمع مديحه العين تبكى والقلب ينبض

اما الأذن تطرب وتقول الله .هل من مزيد

حب جديد......روح قابله.....وهدي الشوق......تعيش مرتاح

ثوب العيد.......مفيش زيه......تفرح بيه..........كفايه نواح

انت تريد........كل الناس.........تكون زيك......قلوبها براح

ليها شهيد.....تروح روحك........وعطر كلامها.....ليك فواح

حاقول كلام مظبوط مش حاقوله لحد تانى

الدنيا دى مش بس افراح وبهجة وأمانى

الدنيا فيها وفيها واهى ماشيه على دا الحال

صح يا ابو جمال ولا المعنى ده ليا انا بس جانى

انا شايف كلامكم كله حزن ونكد وغم.....قلت افكها انا شويه

والا انتوا عاملين عقد مع النكد

طيب
...................

ياسها ومضاتك.......... اضاءت في النفوس احلام

عبيرالمسك و الشذي طيبك...... وتحلي معاك الايام

هياجي يوم نفتكر........ اول حروف كتبتها ايادينا

كانها الدر........ طالع من عود شرقي عزف انغام

مداد كلمات معزوفة على أجمل عود شرقى

ممزوجة بالسحر كأنها خرجت من شوقى

والكلام الجميل بلسم يداوى جراح الخلق

والكلمة ليها الف معنى والأجمل صمتى

ياقايل الامثال ......كلامك الفضه والسكوت ذهب

صمتك بيشغلني... مع ان الكلام كان عليك وجب

شوقي امير الشعر......... ومين في الكلام يجاريه

وان كان علي كلامي ..اطمئن مفهوشي غير العتب

انا لخبطت لكم القافيه

لكن كتبت الابيات اثناء كتابة ابو جمال

اوديها فين يعنى

يا اللى شهدت السحر وقمت ناجيت الحبيب فيه

دى دعوه منك تصحى القلب والدعوه تكفيه

وقت السحر يا طير كله محفوف بالفيوضات

فيه الحقائق جليه والعقل يفهم كل معانيه

بلبل وساير فى البلاد قالوا عليه مصباح

أنغامه جميلة بس محتاجة أكتر للأفصاح

الكل يحسبه بلبل بيغنى من كترة الأفراح

أتاريه مسكين بيبكى عشان مكسور الجناح

ولا يهمك اختى امل أحنا مفيش بينا قافية كله يمشى

حيرتنى وياك ...واتارينى مش عارفاك

رسالة نور... وطهارة بعتها ربى وياك

حاصحى واسمعها وافوق واشكر الوهاب

يارب جايالك عمرى كل فدى رؤية بهاك

كؤؤس تسكر بدون الخمر فيها لذة شراب

أحلم بالكاس تلاقى نفسك بتشرب مع الأحباب

وتلاقى نفسك فى دنيا وفيها العقل عنك غاب

وكل شىء مكتوب بس انت تفتح الكتاب

باب الرضا قدامى والكاس مليان وروانى

لكن عطشان من تانى وقالوا لى المهر غالى

مهر الشراب يامؤمن خلاص من نفس تِحزن

والنفس حيه بتسعى عينى شايفاها قدامى

ياني ياني ياني مش هعمل كدا تاني
هههههههههههههههههههههههه
اول مشاركه لازم تكون كدا وبعد كدا ربك يعدلها

هتتعدل ان شاء الله وفى أنتظار المشاركات الفعلية والجميلة

يارب كل من له حبيب ما يتحرم منه

يكبر يلاغيه ويضحك علي مر لزمان سنه

يكون غالي عليا وعليك وعلي اهله وكمان امه

قادر يارب تعدلها وتجمل الدور وتلمه

هات من معسول الكلام هنا ده أنا مشتاق

وحشتنى اللمة وصحابى وأغلى الرفاق

ده أحنا فى زمن قالوا عليه زمن النفاق

سبحانه المنجى حليم سيد الأخلاق

قله الشوفه ياصاحبي دي نصيب

نصيبك يصيبك لو حتي ف ساعة ضيق

اللمه حلوه معاكم وبيكم يا اهلي وخلاني

مسيرها تروق وتحلي والفرج يأتي من بعد الضيق

قول جميل وأنا يعجبنى الكلام الجميل الشافى

واللمة الحلوة ماتكمل الأ بالحبيب عبدالشافى

ده أسمه لوحده بين الأسامى يكون كافى

طول عمره حبيب والقلب جواه صافى

يارب يجي ينور الموضوع بكلامه

اصله فنان وقوال والمعني موجود ف كلامه

تقيل وموزن القول وزايد فيه بعلامه

عبدالفتاح كبير والفعل موجود بعلامه

مع الاحتفاظ بالالقاب للعم الكبير

هوايتى اسمع من الكلام الجميل ده عمنا

كلامه بلسم يداوى جروح ويشيل همنا

وطول ماهو معانا مفيش انسان يهمنا

ده خلاص أسمه بقى مقرون بأسمنا

احنا الشرف بيه حصل لينا

من يوم ما سجل هنا عندينا

كنا حزانا والله من غيره

جه الحبيب وجاب الفرح لينا

الفرح جانا وملا علينا القلوب والدار

من بعد حزن كبير وبكى ومرار

سبحانه ربك هو العالم بالأسرار

والليل فى لحظة يتحول يبقى نهار

راح الزعل والحزن بقدومه

نور المنتدي ونور شعاع يومه

يارب يجي بسرعه ويلحقنا

خلي الواحد ينسي كدا همومه

همومك وهمومى هى نفسها ياصاحبى همومه

وعمك أصيل وعشان صاحبه يبيع هدومه

فمابالك بأخوه اللى فيه الناس أكيد تلومه

كان الحزن مالينا والفرح جانا والله بقدومه

» هاشــم الرفاعى ومختارات شعرية
» فكاهة شعرية
» مختارات شعرية
» الشاعرة نهى محمد فى امسية شعرية بقصر ثقافة دشنا
» مساجلة عن تدنى مستوى الشعر بين اجمل الشعراء \ محمود وحيد \ حلمى قاسم \ عبد الفتاح عبد الشافى