مسابقة الخيال والابداع الأدبى

هههههههههه ماشى مش هتفرق فى بيتها برضه

اطلعى منها انتى يا ام شروق وهى تعمر . محدش

هيوقع بيننا مهما حصل

مبرووووك لسعيد الرشيق
وانا معاك يا ابو جمال ان ايمن هو اللى يضع الفكرة
مش ناقصه تعقيد هى الحكاية
برد لك الكلمه يا سعيد اللى قلتها لى
وفى انتظار فكرة ايمن ان شاء الله عايزين نشغل دماغنا

هههههههههههههه ماشى يا ابوجمال المشكلة انك فاهمنى

الله يبارك فيكم وانا كمان شايف ان ايمن يضع القصة الجديدة

علشان انا لو حطيت قصة محدش هيعرف لها اول من اخر

وزى ما قال ابوجمال كله هياخد اصفار وحتى لو حبكتوها

صح برضه اصفار ههههههههههه

شكرا ابو جمال علي هذا الشرح الوافي والجميل للقصة التي قمت بطرحها

وبالفعل لقد خرجت بها عن المغزي الرئيسي للقصة وهو ان تكون هذه

السيدة هي العامل الرئيسي في التوفيق بين هذا الشاب الذي يحبها وبين

ابنتها وجعلت دورها فرعي في القصة وكان بأمكاني ان اجعل دورها رئيسي

لو لم اجعل الشاب يقابل الفتاة بالصدفة وكان من الممكن ان اجعله يقابلها

عن طريق التعرف عليها طبقا لوصف وصفته له امها ولكنني اردت ان

اجعل الصدفة تدخل في الموضوع حتي لا يكون الموضوع مكرر ولا يشعر

القارئ بالملل ورغم ذلك جعلت الام تلجأ اليه هو بعينه في هذا الموضوع

حتي يقابل الفتاة اثناء توصيلها الي البيت ويتعرف عليها عن قرب .

وبالنسبة للقصة الجديدة التي سأطرحها عليكم فهي :

كان صبيا لم يتجاوز من العمر الرابعة عشر وكان منزله امام منزلها

مباشرة انها ابنة الجيران التي ملكت قلبه بكل ما تحمل الكلمة من معني

سيطرت علي كيانه وغزت كل احلامه سواءا في الواقع او الخيال

فتعلق بها تعلقا شديداً واخذ حبها يكبر معه وهو يراها تكبر امام عينيه

ورغم كل هذا لم تكن تلك الفتاة تعلم اي شئ عن حبه لها وذلك

لانه كان حيي منطوي علي نفسه لا يجيد التعامل مع الاخرين

ولا يحاول اظهار نفسه لهم وفي يوم من الايام قرر انه لا بد

ان يضع نهاية لهذه القصة والا يتركها معلقة فرأي ان يعرفها

بحبه لها حتي تعرف شعوره تجاهها وتنتهي حيرته وقام بذلك

ولكن محاولته بائت بالفشل واكتشف ان الفتاة لا تبادلة نفس

شعوره وانه لا يمثل لها ا ي شئ .

فماذا ستكون تفاصيل هذه القصة ؟

الف مبروك للرشيق وللحبيب ايمن
ابدعتم بصراحه لكم كل التحيه
والتقدير وان شاء الله يا ايمن
هشارك معاك في قصتك وربك يستر
ماليش دعوه

الله يبارك فيك يا ابوحسام وفى انتظار مشاركتك

ان شاء الله علشان انا لو شاركت هيكون مشاركة

عابرة اصل الموضوع مش ماشى معاى خالص

لا بالعكس ياسعيد ماشي وبيجري كمان اهو
ههههههه زي الفل ياباشا سيبك انت نشجع في بعض
علي الاقل ونطلع بحاجه كويسه

ههههههههه ربنا يسهل يا ابوحسام واحنا كمان هنشجع

الزمالك وربنا يسترها معاه ان شاء الله ويعدى المباراة دى

بأقل خسارة ممكنة هههههههههه

قول يارب

يااااااااااااااااااااااااااااارب

مبروك للمبدعين سعيد وايمن

استمتعت حقا بكلا القصتين

وكذا بأاقلامكم المتميزه وخيالكم الخصب

__________

وفكره الاستاذ/ايمن جميله حقا

وسنحاول ان نشارك معكم من باب المشاركه

وليس من باب المنافسه

شكرا استاذ مصطفي علي مرورك بالموضوع

وستتشرف القصة بمشاركتك بها وان شاء الله

منتظر منافسة جميلة بين الجميع

وانا برضه هشارك ولن انافس
مشاركه كده كنوع من التحية ليس الا

كل من سيشارك فهو منافس

وان شاء الله ربنا يوفقني

لاختيار الاكثر توفيقاً

والجميع سيبدع ان شاء الله

بسم الله

اول محاولاتى فى مسابقتكم المتميزه لا نبتغى المنافسه بقدر ما نبتغى المشاركه

فمازالنا نتهجى حروفكم ونرسم على السطور نزف احبارنا


__________________________________________



وبكتب لك وانا الظالم وانا الشاكى

ظلمتنى يوم ما حبيتك وعز على انا لقاكى

وبشكى من عذاب قلبك واصعب منه انساكى

عشانك انتى بتحمل عذابى يوم ورا التانى

سؤالى لأمتى هستحمل أنا المجنى وانا الجانى

لكن عندى أمل فيكى اشوف الحب فى عنيكى

واكتب لك على قلبك انا الضاحك وانا الباكى

أموت وياكى وانا بضحك وقلبى يئن وانا بضحك

وخايف دمعى يفضحنى يسيل على خدى ويصارحك

وأنا نفسى اقول لكل الناس انا العاشق ومش خايف

ومش هايب كلام الناس تقول مجنون لأن أنا عارف

انا مجنون

جنونى فى حب انسانه متعرفش ان انا العاشق بدون تصريح

ف لغه الصمت فى عيونى بمبيت تصريح

أنا المقتول وناقصنى يدوب تصريح

حبيبتى

وأسمحيلها الكلمه تتمرد على صمتى

بحبك

بصى فى عيونى تلاقى فى الجفون صورتك

بحبك

وحبك بيجرى ف الشريان بدال دمى

بحبك

بلون الضحك والدمعه بلون همى

بحبك

وانتى اصحابى وابويا واهلى وأمى

بحبك

ومش مستنى منك رد

لأنى لما قلت بحب

لمحت فى نن عينك رد

وشفت كلام على شفايفك

مايتكلمش

خلاص مش لازم اى كلام

انا دلوقتى بس عرفت

وياريتنى ماكنت عرفت

يارتنى ماكنت عرفت

رووووووووووووووووووووووعة يا فارس بنى هلال

والله . انا بشكر ايمن علشان اتاح لنا فرصة نرى هذا الابداع

يا ابوعدلى ايها الضاحك الباكى

بعض ما عندكم ياسعيد

شكرا على هذا الأطراء الذى لا أستحقه

ننتظر مشاركتك ومشاركه باقى الاساتذه

انت تستحق اكثر من ذلك يا مصطفى وكل انسان بياخد

ما يستحق وان شاء الله انتظر مشاركتنا فى المسابقة

راااااااااااااااااائع جدااااااااا
وانا منسحبه
علشان الضاحك الباكى قال اجمل قصة
بشكل مختصر ومبدع فى ابيات قمة فى الجمال
وهحرمك من منافستى يا مصطفى عقابا لك على هذا التألق

شكرا أم شروق على تفاعلك مع منتجى المتواضع

ولكن لن نسمح لك بالانسحاب من المسابقه

لأن بذلك ستفقد المسابقه قلم من أهم الاقلام

فلا تحرمينا من مشاركتك معنا بجميل اسلوبك ورروعه حوارك القصصى

ننتظر الموضوع ولن نتنازل عن مشاركتك

جميل جدا يا استاذ مصطفي

ومنتظرين باقي المشاركات

ان شاء الله

تايه فى دنيا العشق وفى بحور الحب انا دايب

عاشق بنت جميلة واللسان معطوب عايز لى انا نايب

ينوب عنى فى الكلام ويقولها حبيبك فى الحب خايب

وفى وصفها احترت انا اوصف عنييها ولا الشعر اللى سايب

يا مين ينولنى الهنا ويوصل رسالتى لأغلى الحبايب

خايف تخرج منى العيبة وانا اللى عمرى ما كنت عايب

السن اربعتاشر سنة والعقل كما عقل راجل شايب

يارب الهمنى طريق للخير وابعد عنى كل المصايب

العشق فى قلبى سكن وانا قلبى لساه مش طايب

هجرت علشانها كل احبابى ونسيت اهلى والقرايب

يا بنت الحلال بحق الجيرة حسى بقلبى ده اللسان هايب

ده القلب من عشقك اشتكى والعقل منى بات غايب

صاحبى نصحنى نصيحة وحسيت الكلام صايب

قال لى ابعت رسايلك وانا الرسول لوكنت حابب

كتبت كلمتين وزى ما يكون الكلام عليه ضرايب

قلت لها عاشق والاسم احمد والوصف بيقولوا عازب

لو كان قلب الجميلة خالى اكون لها حبيب وخاطب؟

قرت الرسالة وقطعتها متين حتة وقالت ده م العجايب

لساه صغير وبيعشق ده احنا فى زمن المصايــــــب

القلب منى انجرح والجرح كان من اغلى الحبايب

جميلة يا سعيد

وشكلكم كده ناويين تحيروني معاكم

لكن ان شاء الله هختار الاكثر توفيقا رغم ان

الجميع من الواضح سيبدعوا

ربنا يعينا

ومنتظرين باقي المساهمات

باقى مساهمات ايه يا عم ايمن
دى منافسة شعرية
انا لو دخلت هنسج قصة
لكن افضل لى اقعد كده متفرجه ومستمتعة بهذه الابداعات
وخلى المسابقة على لون واحد زى ما هما الاتنين اختاروا قالب شعرى
وربنا يعينك على الحكم

جميل ياسعيد ومبدع موفق ان شاء الله

ام شروق المسابقه متاحه للمميع سواء شعريه او زجليه أو قصصيه

كل يغنى على ليلاه

ننتظر مشاركتك والجميع أن شاء الله

زهرة بنت ساحة الطيب كتب:

باقى مساهمات ايه يا عم ايمن
دى منافسة شعرية
انا لو دخلت هنسج قصة
لكن افضل لى اقعد كده متفرجه ومستمتعة بهذه الابداعات
وخلى المسابقة على لون واحد زى ما هما الاتنين اختاروا قالب شعرى
وربنا يعينك على الحكم

الساحة مفتوحة للجميع يا ام شروق بلاش تكاسل

واحنا منتظرين مساهمتك انتي وابو جمال وابو حسام

وكل من يرغب في المشاركة من اعضاء السها

ايا كان نوع المساهمة شعري زجلي قصصي

والتنويع مطلوب برده ولسه فيه وقت طويل .

حاضر
علم وسينفذ
الظاهر انه مفيش مجال للهروب

علي كد ما قسم ايه يا ام شروق ده فاق كل التوقعات

بس ليه حشرتي ايمن في الموضوع علي العموم مردودالك

في موضوعك ان شاء الله

بس المشكلة انك حيرتيني هي اسمها بسمة ولا نسمة ولا اميرة ؟؟؟

علي العموم الحكم بعد المدوالة التي ستستمر اسبوع بأذن الله

بسمة يا ايمن
عدلناها خلاص يا ساتر عليك
وبطل القصة رفض ان يكون له اى اسم تانى غير ايمن
اعمله ايه يعنى ؟

لا طالما كده يبقي براءة

ومنتظرين باقي المشاركات

ان شاء الله

بصراحة اناوقفت محتار بين الثلاثي الرائع الذي

شارك في الموضوع بصورة رائعة فكلاً منهم كان له

طريقته واسلوبه المميز فاولا :

استاذ مصطفي

صور لنا مدي المعاناة التي يعيشها هذا العاشق

والتضارب في المشاعر الذي اصابه بسبب حبه

الذي تملكه ومع ذلك لم يقم بالبوح به

وجعل الاستاذ مصطفي هذا العاشق يتبع

شعوره بعدم مبادلت محبوبته له نفس الشعور

دون محاولة التأكد من ذلك حتي يستريح من

حيرته وهذا خطأ من العاشق فقد يكذب عليه احساسه او انها

تتظاهر بما ليس في بداخلها من حب تجاهه لسبب ما .

ثانيا : سعيد

وضح لنا سعيد ان هذا العاشق لم يكتفي بحبه

لمحبوبته فقط ولم يحكم علي مشاعرها تجاهه

الا بعد ان قام بارسال رسالة لها فقامت بتقطيعها

وبذلك تأكد انها لم تبادله نفس شعوره.


ثالثا : ام شروق

كان اسلوب ام شروق في سرد القصة رائع جدا وملئ

بالخيال الخصب فشمل كل ما يتعلق بهذا الشاب

من مشاعر جياشة تجاه محبوبته ومدي تعلقه بها منذ

صغره ولم تكتفي ام شروق بأن تكون الصدمة

غير مباشرة له عن طريق ارسال رسالة مع صديق او

صديقة ولكنها جعلت الصدمة مباشرة حتي

يكون تأثيرها اشد والمها افظع لعلها تخلصه

من مرارة الحب من طرف وحد .

ففي حقيقة الامر الجميع ابدعوا ولكنني اخترت

االمراكز بعد حيرة طويلة كالتالي :

المركز الاول : ام شروق

المركز الثاني : يتقاسمه سعيد واستاذ مصطفي

فمبروك لام شروق وفي انتظار موضوعها الجديد الذي

ستقوم بطرحه ان شاء الله .

ليه كده يا ايمن التدبيسه دى
انا خارج نطاق المسابقة
المسابقة بين سعيد ومصطفى لكن انا داخله كده يعنى بقول لكم عواااف
انا موافقة على طرح فكرة المسابقة القادمة
لكن راجع نفسك بقى فى من الفائز مصطفى ام سعيد

انا قولت ان الجميع كانو مميزين

لكن انااخترت الاكثر تميزاً وخلاص ومفيش تراجع

ومنتظرين موضوعك ان شاء الله

اوك هعمل لكم موضوع معقد بستين نيلة
وانت اول مشارك

مفيش مشاكل

اعملي الموضوع وربك يسهلها

ومفيش تعقيد ولا حاجة

ان شاء الله

انا مشفتش المشاركة بتاعة ام شروق غير دلوقتى بس كنت

متوقع ان مصطفى يكسبنى لكن مساهمة ام شروق فى الموضوع

ده شىء مكنتش حاطه فى حساباتى خالص وبعدين ازاى ام شروق

تكسب وهى مش عارفة بطلة القصة اسمها ايه بسمة ولا نسمة

رغم انه بتقول عدلت الا انه لسة برضه فيه تخبط وبعدين قصتها

مختلفة تماما عن القصة الحقيقية . يلا اهى كوسة وخلاص هههههههههه

بس منتظرين القصة الجديدة والف مبروووووووك

طيب ما انا قلت لأيمن انى مينفعش ابقى انا الفائزة
لكن هو اللى صمم وعاقبته خلاص وقلت له انت اول مشارك فى الفكره اى كانت
اعمل ايه تانى يعنى

خلاص وده اكبر عقاب ليه من وجهة نظرى

ومبروك لتانى مرة يا ام شروق . ولما

نشوف القصة الجديدة هتكون كويسة ولا

مش هنشارك فيها

الف الف مبروك لأم شروق

وتستحقين المركز الاول عن جداره وأستحقاق

بأسلوبك السهل الممتنع

وشكرا أ/ايمن على توفيقه فى اختيار المراكز

وكذا شرحه الرائع للمنتجات الفكريه

وان كنت أأخذ عليه حكمه على العاشق فى منتجى

بأنه لم يبح بحبه لمحبوبته او ينتظر ردها

لانه فى بدايه القصيده قال وبكتب لك وانا الظالم وانا الشاكى

اى انه كتب لها ليعبر لها عن حالته

وف نهايه القصيده عرف منها الجواب ولكن فى شكل مختصر بقول


بحبك

ومش مستنى منك رد

لأنى لما قلت بحب

لمحت فى نن عينك رد

وشفت كلام على شفايفك

مايتكلمش

خلاص مش لازم اى كلام

انا دلوقتى بس عرفت

انا دوقتى بس عرفت

لا أعرف ان كان مسموحا لى بشرح وجه نظرى ام لا

وذلك ليس تشكيكا فى وجه نظر المحكم الذى نحترمها

ولكنه توضيح وجه نظر ليس اكثر

ننتظر طرح الموضوع الجديد من أم شروق

تقبلو كل الود والتحيه

والله انت يا مصطفى غزلت غزلا رقيقا محكما
فى ابيات بسيطة قمة فى الروعة
بجد انت وسعيد امتعتونا جداا
انا مجرد كاتبة كلمات بألفها واخترف فيها وخلاص

لا والله انت تمتلكين قلم متميز يرقى الى درجه الاحتراف

وتستحقين المركز الاول بكل جداره واستحقاق

احتراف ايه بس يا مصطفى
طيب انت عارف انا والله ما حضرت كلمة من اللى كتبته ولا مسكت ورقة وقلم
كله كده جا تلقائى فى دقائق معدودة حتى اتلخبطت فى اسم البطلة وفضحونا اهم الاخوين رايت
قوووول يا باسط

فكرة المسابقة المرة دى هتكون مواكبة للاحداث الموجودة
اسرتين جيران فى حارة واحده وعمارة سكنية فى العشوائيات
اسرة مسلمة وأخرى مسيحية كانت بينهم مودة وصداقات عميقة جداا
ايام ان كانت الجيرة تأخذ حقها والعلاقات مفتوحة
تربى ابن الاسرة المسلمة وابن الاسرة المسيحية فى اطار اخوى وكانت صداقتهم مضرب الامثال
وكانا لا يفترقان الا الى دور العبادة فهذا الى المسجد والآخر الى الكنيسة
ثم كبر الابناء وشقا طريقهما واستقل كل بحياته وكون عائلة والعلاقات لازالت متصلة
ابن المسيحى له اتجاهات فكرية وميول دينية متشددة
اما ابن المسلم فيميل الى الجلوس فى زوايا المساجد وسماع الخطب المتشددة والتى من مضموناتها اهل الكتاب و مشركين وهم حطب لنار جهنم

و.........و....وخلافه
لم يلتق الاثنان مرة واحدة رغم اجتماعات ابآئهم الكثيرة الا انهما لم يتلاقيا
من هنا نترك لكم تخيل الحكاية والاحداث وردود افعال الوالدين حيال ابنائهم وكيف ستتم السيطرة على افكارهما المتطرفة

صعبتيها جدا يا زهره..........مش عقدتيها

لا مش صعبتها
عايزين الخيال يطوف ويوجد حلول للكابوس الموجود
ونشوف التطلعات شكلها ايه
لكن لو انت عايزنى اغيرها اغيرها

لا لا ابدا

خلي العقول تشتغل وتفكر في الحلول

مين عارف ....يوضع سره في اصغر خلقه
...............

لا دى صعبة جدا يا ابوجمال والخيال مش هيقدر

يعمل فيها حاجة دى محتاجة لتركيز ووجع دماغ

بس ربنا يسهل ان شاء الله

شايف يا ابو جمال
اهو التاكسل اشتغل
يعنى نخليها رومانسيات على طول ولا نواكب الاحداث ونتفاعل مع المجتمع ؟

هنحاول سوا يا سعيد

وكل حسب رؤيته

ان شاء الله
.........

ان شاء الله يا ابوجمال

لما اخلص من ضغط الشغل ده

هركز فى الموضوع واكون معاكم

ايه الموضوع ده يا ام شروق

ده موضوع صعب علي الاخر

لا هينفع فيه خيال ولا غيره

علي العموم هنحاول وامرنا لله

بس هناخد وقتنا وبراحتنا خالص

ما انا قلت لك هعاقبك
وانت افتكرتنى بهزر
وانت اول متسابق

والله انا افتكرتك بتهزري

صح لكن لو عارف الموضوع كده

كنت اعدت التفكير في ترتيب المراكز

ههههههههههههه

ولو انا اول متسابق يبقي مش هتلاقي مساهمات

غير متأخر لاني مش ناوي استعجل بصراحة

لا فى انتظار المساهمة
معااااااااااااااااااااااااك لبكرة آخر النهار
شفت مديت لك الوقت ازاى

لا بقي ده يبقي اسمه ظلم

انا معاي لغاية يوم الخميس اللي جاي

ان شاء الله

هي دي الديموقراطية

وطالما خليتيني اول المساهمين

انا مش هخلي حد يساهم غيري

علشان تفوز بالتزكية يعنى
لا انت بجد معاك ليوم الثلاثاء اكتر من كده لا

ربنا يسهل

ان شاء الله

نلحق نعمل حاجة كويسة