مسابقة الخيال والابداع الأدبى

استاذ ايمن

قصصه دائما مليئه بالعبر والنصائح

والفوائد ....صراع مستمر بين الخير والشر

لينتصر الخير في النهايه

فهذه سنة الله في خلقه

واختيار الاسماء رائع جدا ...يذكرنا

بقصص الف ليله وليله او قصص

الفانتازيا العالميه.........جميله جدا استاذ ايمن

موفق ان شاء الله
..................

........... عدد المساهمات : 26070

حلوين جداااا
كده جميل
هنبدأ فى طرح التصويتات من دلوقت
امامكم اربعة مشاركين
ابو جمال
سعيد
مصطفى
ايمن
ياللا صوتوا

بوووووووووووو بووووووووووووووووووو

كده كويس يعنى؟ انا مش فاهم يعنى ايه نصوتوا

........... عدد المساهمات : 26070

تصوت يعنى تعدد
هتفول علينا ليه يا سعيد
يعنى تختار مين اللى شايف انه ياخد المركز الاول
باستثنائى انا انا خارج اللعبة دى بقصتى النكد
اختار بس اوعى تختار نفسك

خلاص طالما انتى بره الموضوع يا استاذة زهرة انا هدى صوتى

لام شروق علشان قصتها جميلة جدا وامرى لله

........... عدد المساهمات : 26070

لا والله بجد
بتكلم جد
انا خارج اطار المسابقة
متخليش صوتك يكون صوت باطل

مفيش حاجة اسمها خارج نطاق المنافسة يا ام شروق

طيب ما كل واحد فينا حاسس ان قصته او موضوعه

لا يرقى للمنافسة بس طالما اشتركنا يبقى كل واحد

فينا ينتظر النتيجة ورغم شدة المنافسة انا اخترت

موضوعك لان االوصف فيه كان جميل جدا وزى

ما قلت صعب ان صاحب القصة يقدر يوصف

شعوره كما وصفتيه والشخصية والتفكير ده فعلا

موجود فى حياتنا سواءا من ماتت امه وهى تلده

فأصبح ممقوتا ممن حوله او من يبحث عن رائحة

وطيف امه فى كل انثى . وبرغم جمال باقى الموضوعات

وخاصة موضوع ابوجمال ومصطفى لكن انا وقع

اختيارى على الموضوع ده للفكرة وحُسن الوصف

........... عدد المساهمات : 26070

ماشى يا سعيد
وبرغم اصرارك الا ان موضوعى قد تم رفضه من التحكيم
وقالوا عليه تراجيدى وكئيب جدااا
صوتى هخليه فى الآخر ان شاء الله

طيب طالما فيه تحكيم ايه لزوم التصويت من الاساس

انا مش فاهم ؟

علشان منظلمش حد
ونعتمد على التحكيم الخارجى فقط
احنا برضه عندنا ناس ذواقة للشعر والادب وتقدر تقول رأيها

وانا صوتي لعشق الاجنه ايضا

كفايه انه محدش طرق هذا الموضوع قبلك

................

هتودونا فى داهية
ماشيين خلف خلاف مع لجنة التحكيم
والله العظيم ما انفع
كل واحد فيكم طرح طرح بعيد
ابو جمال طرحه فوق نطاق المنافسة بقصيدة دشناوى
وسعيد سرد سرد جميل جداا كالعادة وخلانا عشنا القصة مع صاحبها
وايمن طرح طرح مختلف تمام وصراااع بين الخير والشر وكأنه بيحكى تراث قديم حدث بالفعل
ومصطفى الضاحك الباكى مش هقدر اعلق قبل التحكيم
بس بدى صوتى لمصطفى

عن جد المواضيع كلها جميله جدا

وترقى لفكر وأقلام اصحابها

والجميع يستحق المركز الاول

ولكن لأنها مسابقه ولابد من أختيار المراكز

اعطى صوتى الاول الأستاذ/عبد الفتاح عبد الشافى

وصوتى الثانى الأستاذه/زهره

وصوتى الثالث الأستاذ/سعيد

وصوتى الرابع الأستاذ/ايمن

واحنا اتفقنا على هذا الترتيب من البدايه فلماذا أول فقط

وبالنسبه للتحليل فاأنا لا ارقى الى صفه ناقد

ولكن أختيارتى بناء على وجه نظرى الشخصيه

بدون مجامله لأحد

وفى انتظار لرأى لجنه التحكيم التى نكن لها كل التقدير والاحترام

فى الاخير تقبلو خالص تحياتى لجميع الساده المشاركين

على هذه المستويات الرائعه

والى مسابقه اخرى أن شاء الله

فكرتنى يا مصطفى بان فيه مستويات
بعد تجنيب زهرة وابو جمال من الموضوع
وابو جمال منبه على ان مشاركاتنا للتشجيع وليس للمنافسة هذه المرة
يبقى صوتى كالتالى
المركز الاول\مصطفى عدلى
الثانى\سعيد العارف
الثالث\ ايمن
دا غير صوت التحكيم الذى سيعلن غدااا

ياأم شروق

ياأم شروق

مفيش حاجه أسمها مشاركه للتشجيع والا فما الفائده من المشاركه أصلا

أحنا كلنا بنشجع بعض بس دى مسابقه وليس هناك شىء فيها أسمه تشجيع

نحن نريد أن نظهر للعالم حكمتنا ومهارتنا فى تنظيم السابقات فيما بيننا

وبدون مجامله لأحد لما حضرتك والأستاذ عبد الفتاح تنسحبو قبل أعلان النتيجه

مش هيفضل غيرنا سعيد وأيمن والعبد لله يعنى أحنا كترنا على بعض ياأم شروق

من فضلكم العدد حتى لا يسمح بالانسحاب

انتم شاركتم وأكملو كما بدائتم

وهذا رأى الشخصى ولكم حريتكم الشخصيه أيضا

ماشى يا مصطفى
خلينا معاك للنهاية
وغدااا بالمشيئة ساعلن رأى المحكم بالحرف الواحد
وبعد كده نشوف ايه اللى هيحصل

اليوم موعد اعلان نتيجة المسابقة
بالنسبة للتصويتات زى ما انتم شايفين مفيش اصوات كتير شاركت
يبقى هنعتمد المره دى على كلام المحكم الخارجى
والمحكم الخارجى اعجب جداا بقصيدة دشناوى ...ابو جمال
نظرا لاسلوبها الجميل والمتقن ودا شىء احنا عارفينه فى نتاج قلم ابو جمال
ثم جاءت قصيدة مصطفى عدلى فقال فيها اثار شجوننا هذا الشاعر ونطق بما يؤرقنا ويفجعنا
تعبيرات قمة فى البلاغة والصدق وتمكن ادائى رائع وتشبيهات عميقة
وضرب تحت الحزام لمن يفهم ومناقشة قضايا الوطن بشكل تراجيدى جميل
لذلك استحق المركز الأول بجدارة
فمبروووووووووك لمصطفى

الف مبروووووووووووووووك لفارس بنى هلال

والقصيدة جميلة جدا واكيد عيون الناقد والمتذوق للشعر

بتتلتقط الجمال فى الابيات ويحدد مواطنه واختيار موفق

فمليووووووووون مبروك يا مصطفى وفى انتظار المزيد

من هذه الابداعات الشعرية .

شكرا أم شروق شكرا سعيد والله يبارك فيكيم

والجميع يستحق المركز الأول

فالجميع قدم أروع المنتجات الفنيه المبهره فمبروك للجميع

شكرا للناقد الذى اعطانى اكثر مما أستحق

وألى مسابقه اخرى أكثر تميزا وأكثر مشاركه

مليووووووووووووون مبروك للاستاذ / مصطفي

علي المركز الاول

وبالفعل قصيدة رائعة جدا وتستحق عليها كل تحية

وتقدير لما فيها من حس وطني رائع

واسلوب غاية في الروعة والجمال

الله يبارك فيك ياأيمن

الجميع فعلا يستحق المركز الاول

وحتى لا يسرقنا الوقت نرجو البدء فى أرسال مساهمات هذاالاسبوع

فقد داهمنا الوقت واوشكنا على منتصف الاسبوع ولم نبدء بعد

نرجو المشاركه من جميع الاعضاء

انا عن نفسى هستنى للآخر
وقاعده كل يوم اقول هما هيشاركوا ولا لا وادينى صابره

ربنا يسهل كلنا هننتظر للأخر لما نشوف هنخلص على ايه

مفيش حد يكون شجاع ويبدأ الاول يخلى الباقى يتشجعوا

ولا هنعتمد على بعض والاسبوع يعدى من غير ما حد

يعمل اي حاجة

الف مبروك يا درش

العبره ليست بالاول والثاني يا اعضاء السها

ولكن وجود مصطفي عدلي بيننا هو في حد ذاته

مقياس علي ان المنتج الذي قدمتموه يستحق الاشاده

لان مصطفي لا يتواجد الا بين اشخاص يجد فيهم

الابداع والثقافه والمحبه المتبادله ...اذن هي

شهاده لنا من مصطفي عدلي دون ان يدري....ولذلك

وجب علينا التهنئه بقصيدته القويه....ووجب علينا

ايضا مبادلته حبا بحب وعشقا بعشق....متمنيين له

الابداع والتألق دائما وابدا

والف مبرووووووووووووك يادرش
.........

الله يبارك فيك ياابو جمال

والف شكر على كلماتك الجميله بحقى والتى عن جد لا أستحقها

فأانا اعتبر نفسى تلميذ فى مدرستك وموجه فى خضم بحوركم

وفعلا استفدت ومستفيد بين تلك النخبه الطيبه فكريا وأدبيا

وكل يوم يذداد رصيد محبيتكم فى قلبى فأنتم المدرسه ونحن التلاميذ

أحبك الله الذى احببتنا فيه ابو جمال

عزرا لتأخر الرد لظروف العيد كل عام والجميع بخير بالرغم من انها متأخره

_____________

ونريد تجديد المسابقه يارفاق فهل من مشاركون ام انكم اغلقت الابواب

لا يا مصطفى لم نغلق الباب
لى مدة فى دماغى كذا فكرة مشتته ربنا يجمعنا بواحده منهم
وياللا بقى شجعونا يا شباب

شكرا مصطفي عدلي ...وكل عام وانت بالف خير

ده كلام كبير قوي قوي قوي ....ياراجل خليها علي الله

طيب

وبما انني انا من الشباب اللي هيشجعوا اهههههههههه علي رأي زهره

فأنني اقول للاستاذ مصطفي عدلي

الباب لا... ولم.....و ولن يغلق ......اللاءات الثلاث

وفي انتظار مشاركاتك انت وجميع المنتسبين للسها
.............................

بسم الله

عفاريت النت

كانوا قديما اجدادانا يروق لهم التحكى عن احاديث الجن والعفارين والصن اللى بيخرج بالليل علشان يعاكس ويرعب الناس.....كانت مثل هذه الكلمات تجد صدى وتصديقا وجدتى كانت تجمعنا لتحكى لنا عن فلان الذى جنه العفريت
وفلانه التى تلبسها ولم يستطع احد اخراجه وعاشت وماتت هكذا
وجدتى لا تفقه انها بعد ان تحكى لنا مثل هذه الحكايا المرعبة المزعجة يابى النوم ان يداعب اجفاننا انا وأختى التوأم ريم
نظل طول الليل منكمشين بغرفتنا نتهامس كلما همت احدانا بالخلود للنوم همست لها الاخرى اقول لها انتى نمتى يا ريم
تقول لى لا لسه ...بعد قليل تقول لى انتى نمتى يا ريهام اقول لها لا ...يالك من جدة مزعجة يا جدتى
وبعد ان يغلبنا سلطان النوم ننفصل بعوالمنا كل منا لها احلام تراودها ...النوم فقط هو من يستطيع تفريقى واختى
احلام النوم فقط هى المختلفة بيننا ..انا انام فأحلم اننى فى فضاء فسيح محاطة بالفراشات والزهور وتغريد العصافير
وهى تنام لتحلم بثوب عرس والاهل يزفونها الى العريس المجهول الذى لا ترى ملامحه
انا انام واحلم بمكتبة كبييييرة اتجول فيها بين الاف الكتب الجذابة ...فقد كنت مولعة بالقراءة
وهى تنام لتحلم بموسيقى ونغمات وايدى تتخطفها يمنة ويسارا لا تستطيع صدها او مقاومتها فتصحوا مفزوعة
تتكرر الاحلام على تغير اشكالها ولكن المضمون واحد فنصحوا جريا على جدتى التى نقص عليها ما شاهدنا فى منامنا
تستمع الى جدتى فتبتسم وتقول ..ريهام نظرتها لا محدودة وتتطلع الى عالم جميل تحيا فيه كالفراشات وتتزود فيه من العلم...سيكون لكِ شأنا يا ريها انتى بتحبى العلام مش زى جدتك حرموها منه ...ياللا بقى ايام راحت لحالها ..املى فيكى انتى واختك يا حبيبتى ...
اصل جدتى لابى هى من تولت رعايتنا مع امى وكانت ترى فينا قرة عينها عوضا عن ابنها
وتنظر لريم بقلق قائلة انتى يا ريم حكايتك حكاية انتى يا بنت دايما سابقة الاحداث وبتجرى ورا اللى تحت رجليكى
وشايفة منتهى الامل واقف عند الزواج والطرحة ..اروبة انتى يا ريم ونمرودة ...
طيب والحلم التانى يا جدتى ؟ تمصمص الجدة شفاهها بقلق وتقول يا ريم انتى بتحب اللعب والتسالى الفاضية
والعفاريت عايزه تخطفك يا بنت حاسبى منهم ...يارب سلم ...يارب حوش
كم عانت ماما وهى تهمس لجدتى ان لا تخيفنا بمثل هذا الكلام ولكن بدون جدوى
كلما كبرنا قليلا انا واختى كلما اختلفت ميولنا واتجاهاتنا وهواياتنا وبدانا فى التخلى عن التلاصق الذى كان ما اجمله بيننا ونحن صغار ...انا اعكف على كتبى واميل الى الانفراد بخير الاصدقاء وأوفاها كما ارى مكتبتى وكتبى
وهى تخرج لتلهو وتلعب مع صديقاتها اللاتى لا يرقن لى ..وكلما تحدثت الى امى تقول لى اختك غيرك يا ريهام
سيبيها تخرج للمجتمع يعنى عاجبك انطوائيتك دى وانتى خايبه مش عارفه حاجه فى الدنيا خليها تتعلم الدنيا ماشيه ازاى
لا انا قادرة على اقناع امى ان صحبة ريم لا تروق لى وانها تتغير بالتدريج ..ولا امى تستطيع اقناعى بالخروج مثلها
ويبقى الحال على ما هو عليه ...طلباتى محدودة فيكفينى مكتبة ومعها جهاز كمبيوتر اراجع فيه ما يروق لى من ابحاث وطلباتها لا تنتهى تريد كل شىء وأى شىء ...وامى تلبى ...وجدتى تنظر لى وتدعوا قائله ربنا يكملك بعقلك يا ريهام يا بنتى ...مقصوفة الرقبة دى من صغرها وهى مطيورة ...تضحك ريم وتناكف جدتها وتجلس لتحكى لها عن جهاز اللاب توب الصغير الذى فى يدها وكيف انها تحادث به الناس فى كل العالم وكيف وكيف
وعندما تحب ان ترشوها لتتلطف بها تسمعها نادرة من نوادر عبد الوهاب و ام كلثوم وتقول لها شبيك لبيك يا جدتى
كل ما تطلبينه تجدينه هنا ولو كاان تغريد النعام ..تلكزها الجدة بيدها هو النعام بيغرد يا موكوسة
والله ما حد مجننك غير العفريت الصغير اللى فى يدك ده ....جدتى كانت بتقول عليه عفريت علشان بتلاقى فيه كل حاجه فى غمضة عين ...ومعندهاش علم بمارد قوى اسمه جوجل هو اللى بيقول لنا شبيك لبيك ويجيب لنا طلبنا لغاية عندنا
لا اكذبكم القول اننى ابحت لنفسى استعمال هذا العفريت والاستمتاع به لما يحوى من علوم ومعارف وفوائد جمة استمتع بها
ولا يريحنى تواجد اختى بكثرة عاكفة على هذا الجهاز وكان ينتابنى القلق عليها لما اقرا عن استخدامات سيئة لهذا العفريت وكيف انه طريق من طرق اغواء شياطين وعفاريت الانترنت ...امى لن تسمعنى ولن تفهمنى ماذا عساى ان افعل

اجلس الى جدتى واحكى لها ما اقراه عما يحدث من خلال هذا اللعين تنفعل جدتى وتصرخ قائلة عفريت ...عفريت انها عفاريت الانتربت كانت تقول عليه الانتر بت يا بنتى عفاريت الزمن ده مش بتنصرف ولا ينفع فيها قريان ..انا خايفه البنت اختك العفاريت تلبسها
عفاريت ايه بس يا جدتى ؟؟ خلاص يا جدتى انا كنت بهزر معاكى اهدى
واتركها وانصرف ريم تغيرت كثيرا ....سلوكياتها اختلفت..الفاظها تدهورت...استغراقها مع الزفت توب كان ياخذ معظم وقتها اظنها كانت تنام وهى تحتضنه ..اسمع همساتها بالليل وضحكاتها مع من تحادثهم عليه
اتقلب يمينا ويسارا بقلق وتضجر ثم اصحو لاشكو لإمى من حديثها طيلة الليل فتبادرها بالتبرير كنت وصديقتى فلانة نستذكر دروسنا بلاش يعنى نراجع محاضراتنا مع بعض علشان الست ريهام تنام
ماما انا عايزه اوضه لوحدى ...افرشى لى مكتب بابا وخلى ريهام تنام براحتها .....نغمة جديدة على اذنى هذه
ريم بعد كل هذه السنوات تريدين الانفراد فى حجرة بمفردك ....تقوللى علشان اريحك يا رورو
ماما استحسنت الفكرة ...لكن جدتى زعقت قائلة ..هتسيبوا البنت لوحدها مع العفاريت بالليل انتى يا موكوسة مش بتخافى
تضحك ريم وتقول لها لا يا جدتى خدنا حصانة زمااان بنت ابنك تخوف العفاريت ووووووووووو
وهكذا كنا لا ناخذ منها حقا ولا باطل تقلب دائما دفة الامور تجاهها ولا نستطيع مراجعتها امام اصرارها وتلبية والدتى
وانتقلت الى غرفة اخرى كما ارادت وعندما اصحوا من نومى ليلا ذاهبة الى غرفة المطبخ لاشرب كوبا من المياه
اسمع همساتها بشكل غير مقبول ومش طبيعى ....هذا الموضوع يؤرقنى ...البنت دى بتكلم مين
فكرت مليا كيف استطيع ان احل لغز ريم واعرف ماذا تفعل ومع من تتكلم وهى لا تخرج الا وبصحبتها الزفت توب
وصديقاتها لا اطيقهم ولا يطيقوننى ....تمر الايام والحال يزداد غموضا والبنت بدى عليها الشحوب وتغير مزاجها
وهزلت من قلة الطعام ..وبدا الاعياء واضحا عليها ..والحت عليها امى ان تهتم بغذائها وان تصطحبها للطبيب ولكنها كانت ترفض قائلة ..انا عامله دايت ...جسمى حلو كده
وبعدها لك يا توأمى مش مطمنه لك ...صحيت فى يوم قلبى مقبوض ولقيتها صحيت قبلى وخرجت
تعجبت ...فليس من عادتها هذا النشاط ... لا ادرى لماذا ساقتنى قدماى الى غرفتها لاجد المفاجاة الاولى
ريم نسيت اللاب توب ..معقول ...فرصة من ذهب ...خدت اللاب توب وفتحته وقعدت اقلب فيه
اغانى والبومات...موسيقى...صور..... لقطات رومانسية مخجلة ... اتضجر قائلة ..الله يقرفك يا ريم
ايميلها مفتوح كمان ...دا ايه الهنا ده ...تصفحت ايميلها بوجل لاجد كوارث لا كارثة واحدة
شباب تافه يتحدث فى اى شىء وكل شىء ...وبنات هائفات يتمرقعن ويتجاذبن اطراف الحديث بشكل غير مقبول
واختى مندمجة وسط كل هؤلاء ولكن ..ما هذا واحد بس من وسط هذه المجموعة هو من حادثها اليوم
الحديث اصابنى بالذهول وكدت اجن لا استطيع تمالك نفسى ...ما هذا الذى اقراه مصيبة
اختى الآن توجهت مع هذا الحقير الى عيادة الطبيب لاجراء عملية اجهاض !!!!!!!!!!!!
كيف
خطفها العفاريت لطمت على وجهى وانا اقول هذه الجملة وارددها بهسترية ليقطع صوتى صوت والدتى التى تصرخ وتولول بالخارج...اجرى خارجة الى امى ..هل ماتت جدتى...لاجد امى تصرخ وتقول ابنتى ...ماذا يا امى ..ماذا حدث
اختك بنتى ...ماتت بنتى ماتت.....انهار صارخة ..........جدتى ..جدتى..ريم خطفوها العفاريت ..الحقونااااا
ماساة بكل المقاييس سارويها لابنائى وأحفادى حين اجلس على الكرسى مكان جدتى لاحذرهم من عفاريت الانترنت
رجاء ...يا عقلاء

يا آباء ...يا امهات ...يا كل ولى امر ...راعى الله فى ابنائك وخاف عليهم من العفاريت ...لا تتركهم مع عفاريت الانترنت
عفاريت الانترنت لا يرحمون ولا يعرفون الله ولا يعيدون ضحاياهم ..رجاءا استيقظوا
هذه ليست قصة كسرد او رواية
هذه صيغة تحذير ..تحذير من شياطين النت والفيس بوك والشات وصحبة السوء
فهل من متعظ ؟؟؟

...
مساهمة بسيطة منى وسامحونى على الدراما اللى دايما انكد عليكم بيها ولكنها قضايا المجتمع لا نستطيع اغفالها

بالعكس يا ام شروق القضية مهمة جدا والله وسردكِ

كان رائع جدااااااا . وياريت كل اب وكل ام يفهموا

معنى الكلام ده ويعملوا به . ربنا يحفظ كل بنات المسلمين

شكرا ام شروق والمنافسة هتكون صعبة جدا مع هذا

القلم الرائع .

لازم يفهموا يا سعيد
لازم يفوقوا كل راع مسئول عن رعيته
وان شاء الله السها هتعمل حملة موسعة لطرد البنات من الزفت بوك والشات
وياريت يكون فيه تفاعل من كل مسلم يغار على بنات المسلمين
بالنسبة للمنافسة مش قوية ولا حاجة ان شاء الله هتعملوا انتاج اجمل من كده انا عارفه

بدايه اتمنى استكمال المسابقه التى لا ادرى لماذا توقفت

يجب ان نكمل حتى وان كان العدد ليس بكثير

__________

ثانيا الله يجازيكى ياأم شروق

تصدقى انا كنت متقريف على كوبايه شاى

وكل مااقوم من قدام العفريت قصدى الكمبيوتر اقعد تانى

علشان اكمل قصتك الجميله واسلوبها السلس الممتع

سطر يدعونى للسطر الذى يليه فى دراما قصصيه متميزه

صاغتها يد محنكه عالمه ببواطن الامور تحاكى واقع نعايشه كلنا

مع تلك العفاريت التى لا تقبل الرفض ولا الرصد

والله من شده اعجابى بالموضوع فكرت الا اشترك هذا الاسبوع

لأن النتيجه بالنسبه لى تكاد تكون معلومه بهذه الرائعه

ولكنى فضلت الا ابخس الناس اشيائها وسأاشترك معكم

حتى لا اضيع حقك فى المنافسه بهذه القصه المتميزه

ونتمنى مشاركات الجميع لنستكمل سويا هذه المسابقه

فى الاخير لك خالص التحيه ولقلمك الخصب يازهره السها

وللجميع خالص مودتى

بداية اود ان اقول لك يا مصطفى
عفريت النت دى قدمت قوى
ولا مجال لها للمنافسة مع الشاعر مصطفى عدلى
ياللا بس انت شد حيلك واحيى الفكرة من جديد
وكل رواد السها معك ان شاء الله

لابد وان تأخذ هذه الرائعه حقها

ولنعتبرها ضربه البدايه لاستكمال المسابقه

وندعو الجميع للأشتراك معنا لأن الوقت يداهمنا فنحن فى منتصف الاسبوع

» مبروووك لمصطفى عدلى فوزه فى مسابقة الخيال والإبداع الأدبى
» مسابقة أجمل تعليق
» برج دبي المتحرك ...ضرب من الخيال
» أغرب من الخيال
» عندما يستيقظ الخيال / قصة قصيرة