مسابقة الخيال والابداع الأدبى

كوسه........علي النعمه كوسه

انا رشحت ايمن من الاول

لاننا كلنا اقتبسنا منه وهو صاحب السبق

لذلك اري انه هو صاحب الفوز

وانا خارج المنافسه....ولا نخليها اصوات؟؟؟؟

انا صوتي لايمن.....ومتحفظ علي النتيجه
.....................

والله ما كوسه ولا بتنجان
انت عارفنى كويس مش بحب اجامل
انت النظم بتاعك جميل جداا بغض النظر عن التحجيم
وانا معاك ان ايمن كان له السبق والجرأة فى طرح القصة
وانا هسكت خاالص لغاية ما نسمع باقى الاصوات

اذا كان ايمن نفسه امبارح بيقول ابوجمال

يستحقها يبقى كوسة ازاى يا عمنا . انا كمان

بدى صوتى لابوجمال والموضوع صعب جدا انه يتاخد

فى ايطار شعرى لكن انت عملتها يا ابوجمال

وموضوعك يستحق فعلا بدون مجاملات والله .

كل الشكر لاختنا ام شروق علي هذا التقييم الرائع للمساهمات الثلاثة

ومليون مبروك يا ابو جمال وبالفعل تستحقها عن جدارة واستحقاق

لاننا جميعا اتفقنا علي ان الموضوع صعب جدا واذا كنت انا من

بدأ فبدأت بقصة والقصة بسيطة جدا في كتابتها فبمجرد ان تبدأ

في الكتابة تري الاحداث تتواتر الواحدة تلو الاخري

اما كتابة الشعر فأصعب بكثير ومع ذلك فقد قمت في قصيدتك

بطرح الموضوع بكل جوانبه وبطريقة سلسة وكلمات رائعة

لذلك فأنا اعطي صوتي وبالثلث لابوجمال ومنتظرين موضوعه

الجديد ان شاء الله .

مع خالص تقديري واعتزازي للجميع

وبناء عليه وفى نهاية الجلسة اتفقنا على براءة الحكم من اى كوسة او سلطة
وبكده انا اقدر اقول لكم ...كل واحد تعب وشارك فى المسابقة من بدايتها لنهايتها
يعمل نسخ لما عمله كل عمل على حدة تحت اى عنوان يره ويضع نتاج قلمه فى قسم اقلام حرة
وانا بسرعة هسبقكم واعمل كده فى مشاركاتى
اما قصيدة ابو جمال للوحدة الوطنية ياريت دى تكون اول حاجه تعمل نسخة منها يا ابو جمال
علشان مكانها ان شاء الله فى لوحة الشرف نظرا لمناسبتها مع الظروف الراهنة

متنفعش يا زهره

صدقيني انا نفسي مش مقتنع بيها

وشايف انها رجعتني خطوات لورا مش قدمتني خطوه لقدام

شوفي اي شئ تاني للوحة الشرف
................

والله العظيم روووعة
انا مش بجامل وانت عارف كده كويس
ولازم تتعمل فى لوحة الشرف
ياللا بقى اعملها لنا فى موضوع منفرد

هو انا مش طلبت منكم تعملوا نسخ من مساهماتكم فى المسابقة
وتعملوه فى اقلام حرة ...نسيتم ولا ايه ؟

انا عن نفسى نسيت الموضوع ده خالص بس هعمله

اول ما افضى ان شاء الله

مش لازم كل المساهمات مره واحده
انسخ مساهمة مساهمة يا سعيد من بداية المسابقة

انا كان لي مشاركتين

وتم نسخهم
.............

عملت المشاركة الخاصة بالغريب المسافر اللى رجع لاهله بعد عشر سنوات

ننتظر المشاركات الجديده هذا الأسبوع

ونحن حتى الان لم نستقر على محكم

واذا كان الجميع سيشارك فعندى اقتراح

كل عضو له صوت يعطيه لمن يستحق

من المشاركين وطبعا لا يجوز له التصويت لنفسه

وأكثر الاعضاء فوزا باالأصوات سيكون هو الفائز هذا الاسبوع

ويمنع مشاركه عضوين فى صوت واحد

بمعنى اعطى صوتى لفلان وفلان فقط عضو واحد

وبهذا نضمن تعدد وجهات النظر فى المشاركات

مجرد اقتراح فما رأيكم

اقتراح جميل يا مصطفى وسيتيح للجميع الاشتراك

وعدم انفراد طارح الموضوع بالرأى وانا اؤيدك فى

ذلك وفى انتظار باقى الاراء

اقتراح جيد يا مصطفى
واضف الى ذلك اننى سأستعين بأحد الكتاب فى التحكيم
ا ومن غير ما يعرف حد من المتسابقين

ايوه يا زهره نزلتها اليوم

عنوانها ( بدون عنوان )

انا اللى تايهة يا ابو جمال
شفتها ونسيت
معلتش

والله أنا معاكم على كل حال ووجه نظرك ياعم عبد الفتاح تحترم

ومن الممكن ان نفتح باب التصويت للجميع حتى من لايشارك فى المسابقه

وتؤخذ فى الاعتبار اصوات المحكمين الذين سترشحم لنا أم شروق

بنقاط اعلى باعتبارهم أكثر خبره ودرايه

فاالمحكم أيضا سيجعلنا نخسر متسابق وبالتالى العدد سيقل أكثر

والرأى لكم فى الاخير

ايضا فكره ممتازه يا مصطفي

علي بركة الله
.................

عارف
انا ليا ساعتين بكتب فى مشاركة لما طلعت عينى وفى الاخر
اللى كتبته كله راح وزعلت عليه
بس لما شفت قصيدتك قلت احسن ان الكلام اتمسح
علشان اشوف الكلام الجميل دا الاول قبل ما ادخل عليكم بالتراجيدى اللى انا كاتباه
جميل جداا يا دشناوى

أنا رأيى ان مساهمتك دى يا ابوجمال كانت المفروض

تكون اخر حاجة علشان انت كده سديت نفسى بصراحة

طيب انا هقول ايه اجمل من اللى اتقال . ياعمنا الله

يخليك خليك فى الاخر علشان يبقى ختامها مسك .بجد

الله يعطيك العافية يا دشناوى

تصفيق حاد

لاصحاب الاقلام الحره والدراما القصصيه

بجد روووووووووووووووووعه رغم ما بها من

احزان علي هذا اليتيم الصغير

او لنقل العريس
.....................

ما هو انا خليت لكم النهاية سعيده اهوه
وخليته عزمكم كمان على الفرح يا ابو جمال
يعنى بعد وصلة النكد والحزن قلت اطلعكم من الجو بالنهاية دى

بالفعل نهايه سعيده

بعد هذا الكم الهائل من الاحزان

واليتم والفراق..........اتنا مش عاوز افصص واعلق

مع انه نفسي افصصها سطر سطر

لانه فيها حاجات اول مره اعرفها عن الام والحمل وما الي ذلك

ولكن ذلك متروك للقاضي او الحكم

وفي انتظار مشاركات بقية الاخوه
...................

جميل جدا يا ام شروق والموضوع ده ما ينفعش حد

يتناوله غير واحدة ست رغم انه بيتكلم عن معاناه عاشها

راجل لكن مفيش راجل يقدر يوصف العلاقة بين الابن

وامه بهذه الطريقة . وفى انتظار باقى المشاركات

ان شاء الله

ليه بس يا سعيد

دا مش عوايدك يعني ..........اهههههههههههههه

اكيد هننظر اباعك ان شاء الله

والله هي جات كده بدون مقدمات قعدت ادور علي فكره

لغاية ماجات وحدها الحكايه

تسلم لي يالغالي
...............

الفكرة جميلة جدا يا ابوجمال وفكرة ام شروق ايضا رائعة

وانا هحاول اشوف لى فكرة ولو انكم شليتوا تفكيرى لكن

برضه الطشاش ولا العمى ههههههههههههه

اثبتت الدراسات العلمية ان الجنين يعرف امه ويميز صوتها ويستشعر لمسات يدها
ويستمتع بالموسيقى ويضحك ويغضب وعلى هذا الاساس بنيت الفكرة يا ابو جمال
والفكرة جاتنى صحتنى من النوم والله مش عارفه ليه قلت خلاص اغزلها واخلص من زنها
يا سعيد
انت لما بتركز بتسرد سرد رائع ياللا بس اتكل على الله

ان شاء الله يا ام شروق

الاقى فكرة كويسة علشان مبوظش المسابقه

وهشترك بها ان شاء الله

ايه يا شباب
بقى من الزمن يوم واااحد ياللا عايزين مساهماتكم

أن شاء الله نشارك قبل انتهاء المسابقه

وأعتقد ان الجميع تأخر فى أرسال الاعمال بسب

قوه منتج الاستاذ/عبد الفتاح والأستاذه زهره

ولكننا سنحاول المنافسه قدر المستطاع

فتقبلو خالص التهنئه بهذه المستويات الرائعه بحق

ربنا يسهل وزى ما قال مصطفى المنتجات القوية

قطعت علينا حبل الافكار بس ربنا يسترها ونقدر

نقدم حاجة بس مش باقى يوم واحد .معانا لحد يوم

الجمعة اخر اليوم .بلاااااااااااش استعجال

منتجات قوية
ماشى
خلاص من هنا ورايح نشارك فى الاخر خالص علشان ما نلاقيش حجج
بس معاكم لبكرة اخر النهار ..مش الجمعة

الله الله الله

رائع كعادتك ...سعيد العارف
..............

رائع ايه بس يا ابوجمال

خلى الطابق مستور وربك امر بالستر

وبعدين انتوا اللى استعجلتوا عالطبخة قبل

ما تستوى استحملوا بقى

ايه يابني في ايه

والله جميله بجد

ميغركش شوية الفواصل والرسومات والمناظر الكدابه

اللي في مساهمتي انا بحاول اجملها بس ديكور يعني

لكن من جوه ..فاضيه واقل كتير من سردك القصصي الرائع ده


............................

سعيد طرح القصة
لدرجة انه جعلنى اصدق انه يحكى عن تجربة ذاتية
الى نصف الاحداث وانا اظن انه يتحدث عن نفسه
لغاااية ما فاجأنا ان البطل حد تانى
انا مش هعلق نخلى التعليق للتحكيم ان شاء الله

برضه كده يا ابوجمال

مساهمتك غاية فى الجمال والله

فواصل ايه يا عمنا اللى بتتكلم عنها

عمر المنظر ما يغنى عن الجوهر

جميل ياسعيد متميز كما عودتنا دائما

موفق أن شاء الله

فى انتظار مساهمتك ان شاء الله يا مصطفى

لسة معاك لحد بكره اخر اليوم

نظرا لبعض الظروف الأنشغاليه

لم تواتنى الفرصه للكتابه منتج جديد

ولكنى سأشارك بأحدى قصائدى المهمله

وذلك من باب المشاركه

_____________________

طعم الخوف



قولوا ياللى سميتونى باسم عربى


قول ياجدى ايه نهايه كل ظالم

كل طاغى بارضى حالم

كل طامع ف نبض قلبى

قولها تانى قول ياجدى

انتو علمتونا نكدب من زمان

شاب شباب العمر من قبل الاوان

نحلم بقصر عالى نسكن فى برج عالى

والحقيقه اننا وسط الحطام

كل عربى فينا والله لسه خايف

لسه شايف

اننا سلعه رخيصه لليهود

اشتروها بالدراهم والدينار

دم اطفالك ياغزه بكام دولار

صوت صراخ بغداد بينده

حد سامع

كل مدنه ف كل جامع

صوت بلال طافح مرار

سامعك ياقدس بتندهى

بغداد خنقها العم سام

ومهما ياامى هتندهى

مانا زيهم برضه جبان

بص تانى دوق معايا يا كل عربى

قولى ايه طعم الاهانه

خلف السجون اسرانا

اطفال بتنهش لحمها غربان جعانه

صوت الجوامع قال حرام

جرس الكنيسه قال خيانه

وخيول بلادنا متكتفه ب غصن الزتون

طابت عناقيد العنب فوق الشجر

حلم البنات الى انتحر جو العيون

زرع اليهود طارح دانات

متوجهه ف صدر العيال

خيل العرب اصبح جمال

والطيارات فوق البيوت صابها الجنون

ايه ياعرب

صعبه عليكو المساله

ققمم السلام عنديكو حسبه معضله

والطاغى فاتح جو جسمى زوايا المنقله

والطفل كاتب بدمه فوق المريله

تهون حياتى ياقدس وحياتك لا تهون

الله الله الله

روووووووووووعة والله يا مصطفى ومشاركة جميلية

جدا وتقوال مهملة ياراجل حرام عليك تخبى مننا الحاجات

الجميلة جدا .تسلم ايدك يافارس بنى هلال

نهاية الظلم


في زمن بعيد كان هناك حاكما طاغية يدعي قلاويه استبد وظلم وقتل

وما ترك جرما في حق شعبه الا وارتكبه فكان يجمع من شعبه الغلال

التي يزرعونها ويخزنها في خزائنه الشخصية وكان لا يحرم حاشيته التي

تحيط به من اي شئ طالما انه سيعينونه علي البقاء في مملكته وكانت

خطة هذا الملك هي اضعاف هذا الشعب الي اقصي حد نفسيا وجسديا

حتي لا يفكر في الوقوف امامه او محاولة المطالبة بأي حق من حقوقه

حتي اصبح هذا الشعب مسكيناً ضعيفاً ليس له حول ولا قوة

وكان هناك مدينة قريبة منهم يحكمها ملك يدعي تاج الدين وكان هذا

الملك يتصف بالعدل والرحمة وحب شعبه له وقد سمع عن ظلم

الملك قلاويه كثيرا وحاول ان يحيده عن ظلمه لشعبه اكثر من مرة

ولكن هذا الملك لم يتعظ واخذ طغيانه يزداد وجبروته يتضخم

حتي انه في يوم من الايام كان هناك قافلة تمرامام مدينة قلاويه

في طريقها الي مدينة الملك تاج الدين فقام قلاويه بارسال جنوده

لنهب هذه القافلة حتي يري تاج الدين مدي قوة قلاويه وحتي

يبتعد عن طريقه ولا يفكر في الاقتراب منه ابداً فلما

سمع تاج الدين بما حدث لقافلته اصابه الغضب الشديد

من ذلك الملك الظالم المجرم لهذه الفعلة الشنيعة لان تاج الدين

دائما ما كان يعامل هذا الملك بالحسني ولا يبخل عليه

في وقت القحط بجزء مما خزنه لمدينته فكان يرسل المعونات والعطايا

الي شعب قلاويه رحمة بهم وتخفيفا عنهم من ظلم قلاويه وجبروته

فقام تاج الدين بجمع رجاله ومستشاريه واخبرهم بما

حدث من قلاويه من اعتداء علي قافلتهم ونهبها وقتل من اتي بها

فقال له رجاله لا بد من اعداد الجيوش والدخول الي قلاويه

والقضاء عليه لان هذه الحادثة ليست الاولي له فقد فعلها من

قبل وأمرت بالعفو عنه وقلت لعل مدينته وشعبه يحتاجون لها

ولكن من الواضح ان السكوت عنه اصابه بالغرور وظن انه

خوفا منه وخشية من قتاله . فقرر تاج الدين انه لا بد من اعداد

الجيوش والقضاء علي هذا الملك الظالم فقام باخبار اهله بما

حدث فتطوع جميع من يستطيع القتال وانضموا الي الملك تاج الدين

للقضاء علي الطاغية الظالم قلاويه وفي الجانب الاخر عندما

سمع قلاويه بما يعده تاج الدين له من جيوش لاقتحام مدينته والقضاء

عليه جمع رجاله وحاشيته وقال لهم ماذا ترون فقالوا له لقد

قمنا بأستئجار الاف الجنود بأموالنا وهم قادرين علي حمياتنا من اي

معتدي يحاول اقتحام المدينة وبدأت المعركة وخرج جيش قلاويه

لمقابلة جيش تاج الدين علي مشارف المدينة وكانت معركة شديدة

جدا واشتد صوت رنين السيوف وصهيل الاحصنة حتي ان سكان

المدينتين كان يسمعه وتطايرت الرقاب بعدد هائل ولكن شتان شتان

بين فريقاً يقاتل من اجل حق سلب منه وظلم وقع عليه متوكلا علي

الله مؤمنا به مقتنعا بنصره له وفريقا يقاتل من اجل حفنة اموال

دون مبدأ او وازع او حب او هدف فالاول يقاتل من اجل العيش

حياة كريمة او نيل الشهادة اما الثاني فيقاتل من اجل العيش فقط

ويخاف كل الخوف ان تصيبه طعنة فيسقط علي الارض قتيلا

ولا يستطيع التمتع بأجره الذي كان سيحصل عليه

فما كان من رجال قلاويه الا ان فروا هاربين وتركوا المدينة

بأكملها . فأحس قلاويه بمدي الورطة التي هو فيها فحاول ان

يجد لها مخرجا بأن يعقد الصلح مع الامير تاج الدين لكنه رفض

واخيرا فكر الامير قلاويه في شعبه وقال لهم ان الامير تاج الدين

جاء ليقتلكم ويأسر نسائكم واطفالكم ولا بد ان تقاتلوه معي فهيا

اذهبوا وارتدوا لباس الحرب واحضروا الاسلحة فما وجد احدا

منهم يحرك ساكنا فقال لهم الاتسمعوني فقال احدهم كيف تطلب

منا ان نقاتل في صفك وقد اضعفتنا وانهكتنا من شدة الجوع وما

جعلت لنا قوة علي حمل السيف حتي وهل سيكون الامير تاج الدين

الذي لطالما سمعنا عن رحمته بشعبه وبالناس جميعا اقسي منك

او اكثر ظلما منك . محال ايها الامير فنحن من سيسلمك الي الامير

العادل تاج الدين بأيدينا لاننا نعرف ان الامير تاج الدين ما جاء

طمعا في بلدنا ولا خيراتنا وانما جاء للانتقام منك بعد ان استفحل

ظلمك وطاله اكثر من مرة

وقاموا بالانقضاض عليه وتسليمه الي الامير تاج الدين الذي

قام بقطع رأسه وعلقها علي سور المدينة حتي يكون عبرة

لغيره من الحكام ودخل الامير تاج الدين واخبر اهلها انه ماجاء

طمعا في مدينتهم ولا في خيراتهم فقد اغناه الله من فضله وهو

يغدق علي شعبه بالخير الكثير فقال لهم ولوا احدكم لكي يكون

اميرا عليكم واحسنوا الاختيار حتي لا تندموا وتأتوا بقلاويه جديد

فقاموا باختيار رجل يدعي هشام الدين وهو يتصف بحبه

لهم وعدله معهم كما انه وقف اكثر من مرة في وجه الامير

الظالم قلاويه وناله منه الاذي الكبير وقام الامير تاج الدين

بتولية الحادي اميرا علي المدينة وتركها في سلام ونعمت

المدينة بالامن والامان والعدل والرخاء في ظل حكم الامير

العادل واصبح يضرب بها الامثال في قوة جيشها وبسالة

شعبها ودفاعهم عنها ضد اي معتدي .

اعذروني بقي انا كتبت القصة البسيطة

دي لمجرد المشاركة مع الصحبة الكريمة .

ايه ياعم مصطفي الجمال ده كله

ايه الوطنيات الحلوه دي

ستعود القدس وغزه وكل فلسطين وبغداد ان شاء الله

ونحن وراؤك ايها الفارس
.......................

استاذ ايمن

قصصه دائما مليئه بالعبر والنصائح

والفوائد ....صراع مستمر بين الخير والشر

لينتصر الخير في النهايه

فهذه سنة الله في خلقه

واختيار الاسماء رائع جدا ...يذكرنا

بقصص الف ليله وليله او قصص

الفانتازيا العالميه.........جميله جدا استاذ ايمن

موفق ان شاء الله
..................

حلوين جداااا
كده جميل
هنبدأ فى طرح التصويتات من دلوقت
امامكم اربعة مشاركين
ابو جمال
سعيد
مصطفى
ايمن
ياللا صوتوا

بوووووووووووو بووووووووووووووووووو

كده كويس يعنى؟ انا مش فاهم يعنى ايه نصوتوا

تصوت يعنى تعدد
هتفول علينا ليه يا سعيد
يعنى تختار مين اللى شايف انه ياخد المركز الاول
باستثنائى انا انا خارج اللعبة دى بقصتى النكد
اختار بس اوعى تختار نفسك

خلاص طالما انتى بره الموضوع يا استاذة زهرة انا هدى صوتى

لام شروق علشان قصتها جميلة جدا وامرى لله

لا والله بجد
بتكلم جد
انا خارج اطار المسابقة
متخليش صوتك يكون صوت باطل

مفيش حاجة اسمها خارج نطاق المنافسة يا ام شروق

طيب ما كل واحد فينا حاسس ان قصته او موضوعه

لا يرقى للمنافسة بس طالما اشتركنا يبقى كل واحد

فينا ينتظر النتيجة ورغم شدة المنافسة انا اخترت

موضوعك لان االوصف فيه كان جميل جدا وزى

ما قلت صعب ان صاحب القصة يقدر يوصف

شعوره كما وصفتيه والشخصية والتفكير ده فعلا

موجود فى حياتنا سواءا من ماتت امه وهى تلده

فأصبح ممقوتا ممن حوله او من يبحث عن رائحة

وطيف امه فى كل انثى . وبرغم جمال باقى الموضوعات

وخاصة موضوع ابوجمال ومصطفى لكن انا وقع

اختيارى على الموضوع ده للفكرة وحُسن الوصف

ماشى يا سعيد
وبرغم اصرارك الا ان موضوعى قد تم رفضه من التحكيم
وقالوا عليه تراجيدى وكئيب جدااا
صوتى هخليه فى الآخر ان شاء الله

طيب طالما فيه تحكيم ايه لزوم التصويت من الاساس

انا مش فاهم ؟